شوفوا اخطاء المنظمة شدسوي بينا؟؟؟

[ام محمد العراقية]

السلام عليكم اعضاء منتدانا الكريم

احنا من المقابلة الأولى انطينا اسم الوكيل ووقعنا على الأوراق من موظف بالمنظمة

وهسة الولاية بالموقع تختلف عن ولاية الوكيل

اتصلنا اليوم بالمنظمة وكالونا انو اسم الوكيل مانازل وية المعلومات

واذا تريدون قدموا طلب الى اي او ام الأردن وتتأخر من 3 الى 4 اسابيع وبعدها احتمال الأمنية تصير اكسباير

لو من تصلون لهناك قدموا طلب وغيروا الولاية

شوفوا فوك قهر الانتظار هسة قهر الولاية

ولو طولت عليكم بس حبيت ابين هذولة المنظمة شلون ماهمهم همنا  وماخسرانين بينا

عبالهم رايحين لأمريكا وهاي هية عسانا بنار جهنم

[alazzawi]

السلام عليكم اعضاء منتدانا الكريم

احنا من المقابلة الأولى انطينا اسم الوكيل ووقعنا على الأوراق من موظف بالمنظمة

وهسة الولاية بالموقع تختلف عن ولاية الوكيل

اتصلنا اليوم بالمنظمة وكالونا انو اسم الوكيل مانازل وية المعلومات

واذا تريدون قدموا طلب الى اي او ام الأردن وتتأخر من 3 الى 4 اسابيع وبعدها احتمال الأمنية تصير اكسباير

لو من تصلون لهناك قدموا طلب وغيروا الولاية

شوفوا فوك قهر الانتظار هسة قهر الولاية

ولو طولت عليكم بس حبيت ابين هذولة المنظمة شلون ماهمهم همنا  وماخسرانين بينا

عبالهم رايحين لأمريكا وهاي هية عسانا بنار جهنم

اختي ام محمد
نصيحتي تسافرين وبعدين تحولين الى ولاية الكفيل ترة جذب يكلج من 3 الى 4 اسابيع ماكو هيج كلام ترة طول هواية اشهر
فاختي العزيزة بس طلعي وهناك اكو الف حل ...وبالنسبة للخربطة ترة كلش عادي اني صارت وياية خربطات كارثية بس شنسوي امرنا لله
والحمد لله على كل حال

اخوج
علي العزاوي

[alialiali10099]

ام محمد عيني طلعوو ساعة قبل ومن توصلون غيرووو الولاية لا تلاص ويه الامنية الكشرة
بس حلووووه هاي وين رايحين لامريكا لعد وين كندا هههههههه
تحياتي اختي الغالية

[THE SENATOR]

اختي ام محمد


اول شي

حتى لو امخلين الكم غير ولايه مو المقصوده ولاية الكفيل ...من يوقع الكفيل راح تنزل الولايه والسم المطار الي موقع عليها الكفيل .


الشي الثاني:

تره المنظمه اهنا بأمريكا الخربطه مالته واصله للسماء .. لان كثرة الاعداد اللاجئين الموجودين بيها .

الشي الثالث :

اذا الكفيل موقع الاوراق فقبل السفر بيومين او يوم واحد راح يتصلون بيه علمود هوه الي راح يستلمكم من المطار والمنظمه وياه لازم تكون .

[texasddddd]

الله يساعدكم ، لاحول ولا قوة الا بلله ..
ادري ليش ميجيبون موضفين يفتهمون !!! او على الاقل متدربين
الله يكون بعونكم والله يسهل للجميع

[محمد الفاتح]

رب ضارة نافعه ....يأختي سافري وبالكت تطلع احسن من ولايتكم الي انتو مختاريه ولا تأجلين السفر ترة الي يطلع  ذو حظ عظيم بدون اي تفكير اطلعي ومن هناك قرري ...مع كل الاحترام

[ام محمد العراقية]

مشكورين اخوان على المرور والردود

اتصوروا رافعين معلومات عن ملفي انو اني بلا كفيل

واني كفيلي حتى رسالة تأكيد ارسل للمنظمة

ويومية يخابرنة ومتابع الموضوع

كلشي بأيد الله والحمد لله على حاله

[UN]

اختي ام محمد شوفي اللًة الة بيها ارادة ويجوز هاي المدينة احسن واللًة كاتبلكم بيها شي زين افضل من المدينة مال كفيل ولانسى انو اللًة عز وجل هوة صاحب القرار الاخير

والخربطة ترة طبيعية جداااا

[ام محمد العراقية]

والله اخوي شفت صورها بالنت ماتبشر بخير

وكفيلنا ابد مارضى عليها

وعندنا 2اصدقاء بأوهايوا راح يرجعون لأن ابد مامرتاحين

الواحد يحس الشغلة مقصودة يريدون يطلعون روحنا يلة يوصلونا