باركولي استلمت الفيزة بس ما اعرف شسوي بعده محتاج مساعدتكم

[Michael85]

السلام عليكم
الحمد لله استلمت الفيزة مالتي بس الصراحة ما اعرف المن اراسل علمود احصل تكت الطيارة وكالولي لازم عندك IZ وهذا الشي ماعندي واني ساكن بالعراق بس مقدم على الفيزة من انقرة واستلمته مناك وسئلت السفارة على ال IZ والتكت كالو منعرف وما اريد اتاخر على السفر لان السفارة كلتلي انه هاي اخر فترة الك لان بنهاية شهر ال 9 راح تنسد المعاملة وبعد منجددلك وما اعرف شسوي ممكن تساعدوني

[Adel79]

مبروووووك عليك
ممكن سؤال شكد طولت على حصولك الفيزا من تسليمك الجوازات

[Michael85]

والله اخوية اني شوية جان عندي عراقيل لاسباب مرضية والجواز مجان بيقة يمهم لا دائما يمي بس من بدزون علية انطيهم الجواز وارجع استلمة مدة كم يوم ويا الاخير بقى يمهم اسبوع واستلمت الفيزة

[need justice 1]

عزيزي الغالي بالبداية انته مقدم اس اي في والا شنو ؟؟؟لان استلمت الفيزة مو واضحة على اي برنامج ؟؟؟ بس الواضح لي اس اي في . لانه اذا كنت عن طريق اليو ان ماكو مشكلة لان يتكفلون بكل اجراءاتك واذا اي او ام هم ماكو مشكلة ... الظاهر انته اس اي في لذلك جوابي لك راح يكون على اساس حضرتك اس اي في .
من قدمت بالبداية مو مليت الفورم 234 لو انا متوهم ...
زين من ارسلت هاي الفورم واللي لابد وان تمليه ان كنت مقدم على مساعدات السفر لابد ايضا من يجيك رد من اي او ام وبيه كيس نمير IZ
هسه انته اجتك الفيزة وواضح من كلامك انه انته اصلا بالبداية ما مقدم على ال اي او ام .
اشلون يدبرون الك السكن والاتصال بالكفيل وكل الامور المتعلقة بعمل اي او ام ..
حضرتك اس اي في وهنا انتهى دور ال السفارة وال اس اي في بصدور الفيزة راح تبقى مشكلتك بالسفر وهاي لازم تحاوب قدر استطاعتك تتلافاها من هسه يعني تدز رسالة لل اي او ام على عنوانهم اللي الحقيقة هسه ما اتذكره وتملي فورم رقمه 234 وترف نسخة من الفيزة وبلكي تلحك تسوي شي ... اذا ما تلحك الله يساعدك على دفع كل تكاليف سفرك .
المفروض انته مسوي كلشي من بداية التقديم مو هسه جاي تسال ...
خل احاول الاكي عنوان ال اي او ام اللي المفروض ترسل عليه الفورم والله كريم

[Violet rose]

مرحبا اخويه الغالي
بالبدايه الف مبروك على صدور الفيزا
بالنسبه للسفر فمثل ما تفضل الاخ الكريم Adel تحتاج تدز الفورم 234 ونسخه من البنفتس فورم الموقعه بأن حضرتك راغب بالحصول على المساعدات الخاصه ببرنامج الهجره واللجوء
ونسخه من جواز سفرك ونسخه من الفيزا الى الايميل التالي: siv_ope@iom.int وتطلب منهم ال IZ number.
لازم تكتب بالايميل اسمك الكامل ومواليدك وBGH و رقم الريسيت (الي استلمته من قدمت البتشن فورم) وتاريخ الابروفل مال البتشن فورم والبنفتس نمبر.
هم حيتكفلون بالباقي وانشالله عندك وقت بس استعجل بيها واي سؤال انا حاضره.
تحياتي اخي

[Michael85]

السلام عليكم
شكرا الكم يا اخوان على جوابكم الي ونعم اني مقدم على ال SIV ومن قدمت جان على الايميل الي هو IraqSIVApplication@state.gov ومباشرتا طلبت المقابلة بتركيا مو ببغداد ووقعت على ال DS-234 وسلمته بوكته للسفارة حسب ما هم طلبو مني بس من استلمت الفيزة ما كلولي شسوي .

[ABO SARAH]

الف مبروك الفيزة وبالتوفيق ان شاء الله

ابو سارة

[newlife90]

اخي اولا مبروك الفيزا .. ثانيا اذا اضطريت كلش ترة فلوس التكت مو غالي وان وي من بغداد لشيكاغو ب 980 دولار .. !

[Michael85]

اشكركم على جوابكم بس اخ نيو لايف اني مو مهم عندي فلوس التكت المهم عندي الحقوق والبنفيت من المنظمة