عندي سوال بخصوص الدوره التثقيفيه

[ام ليا]

]بلنسبه للدوره التثقيفيه اني صارلي 3 سنين مقابله مقابله اولى وفاحصه 3 مرات وهسه داانتضر بس موعد سفر وابد مجايبيلي سيره الدوره واخويه سافر بدون دوره تثقيفيه  شنو يعني قبل السفر لازم اكو دوره تثقيفيه لو عادي ممكن اسافر بدون دوره تثقيفيه  [/size]

[alnasiry]

خيتي الدورة التثقيفية عبارة عن محاضرة ليومين كل يوم تقريبا 5 ساعات ينطوج كل المعلومات اللي عن اميركا بشكل عام وقوانيها والظروف المعيشية وكيفية التعامل مع الناس وغيرها من هاي الامور بالاضافة الى ما اتادي المنظمة الج ولعائلتج وتقدمه واذا كنت من سكنة بغداد فعليج الحضور اما اذا من خارج بغداد فعادي تزيدين ايميل للمنظمة وتبلغيهم انه صعوبة الوصول وهمة يعرفون بهذا الشي او تغلسين ومتروحين اصلا وبالاخير هي لا تمنعج من سفر ولا غير هذا واي استفسار اني والاخوة كلنا انشا الله موجودين

اخوك الناصري

[Haider ALtaie]

كلاماخويه النصري مضبوط و 100%

[ام ليا]

شكرا ألك اني من بغداد بس محد ممخابرني على الدوره يعني هسه احتمال قبل السفر يدزون عليه لو عادي اكو حالات بلا دوره يسافرون مثل اللي صار ويا اخويه

[alnasiry]

خيتي هسة قبل موعد السفر انشا الله يبلغوج بموعد الدورة التثقيفية والله يسهل امرج وامر الجميع يا رب

[alialiali10099]

شكرا ألك اني من بغداد بس محد ممخابرني على الدوره يعني هسه احتمال قبل السفر يدزون عليه لو عادي اكو حالات بلا دوره يسافرون مثل اللي صار ويا اخويه

اختي العزيزه ممكن يتصلون بحضرتج على دوره تثقيفيه وممن لا يتم الاتصال
هم بكيفهم وحسب عقلهم ومايقطع
خليها على الله اهم شيء تسافرين والحمد لله
تحياتي