اكو احد حددوله موعد سفر وبنفس اليوم لغو وبعدها يكولون موافقة امنيه !! الله يسهللكم يارب

[texasddddd]

السلام عليكم ..
عندي استفسار ، خابروني قبل فترة ع موعد سفر وبنفس اليوم خابروني لغو
اليوم كالو انو انلغى !
ولمن اراسلهم يكولون فور سكيورتي رفيو
اليوم المفروض جان عندي حبايه قبل السفر
اتصلت بابن البيطار كالو وصلنا اسمج بس شالو بعدها !!
السؤال :
لمن اني مكملانة الموافقة الامنيه شون يحددولي موعد ويخابرون عالكفيل
شنو القصه!!
اني مااتذكر موعد المقابلات بس رقمي iz-113xxxx
الي يعرف شي او الي مار بهالشغله ياريت يساعدني ويكولي شكد بعدها ينراد وقت تقريبا
وشكرا للجميع والله يسهللنا والكم

اختكم ..

[DR.ENG]

السلام عليكم

ممكن حال الملف بموقع عمان شنو ؟؟

واذا انتي متتذكرين الفحوصات شلون حنساعدج ؟ آخر فحص وتاريخ مقابلة المحلف ضروريه

تحياتي

اخوج ابو محمد

[texasddddd]

وعليكم السلام..
المشكله انو الموقع مال عمان ميفتح ولايدزلي باسورد وكتبتلتهم عربي وانليزي بس ساعدوني اريد اعيد كلمه السر وماكو
كلشي مقابلات مخلصه ب  2011
بس الفحص الطبي 4 عدته واخر مرة جان بشهر 4

بلمناسبه اني مين ابلكنت واخويه ويايه سافر صار سنه
وبعد ويايه اختي وابنها
بس لمن خابروني حددولي بس الي
ومشكور مقدما

[موزارت]

اختي الله يصبركم وتتسهل اموركم بسرعة ان شاء الله
اني خابروني بلغوني باكتمال الملف وورا دقيقتين بنفس الاتصال كالو لالالا دقيقة احنا نعتذر لان انت عندك اكسباير باجر!!!
طبعا انشاليت وانطبيت بالكاع لكن الحمد لله صبرنا وورا شهر رجعت الامنية اكتملت والحمد لله

[texasddddd]

الله يبشركم بلخير موزارت
زين شنو ليش لحد قبل بيوم يلله تذكروك
والحمدلله ورة شكد سافرت يعني

[موزارت]

سافرت ورا هذي الحالة الاليمة بشهرين ونص تقريبا الحمد لله

[alialiali10099]

والله يااختي الله يكون بعونج
هذه الايام داسمع العجائب واضبط من عجائب الدنيا 7
والله احنه خطية ومانستاهل هذا الشيء فوك الضيم والقهر والخوف
تجينه هذه الشغلات اشيل نفسي واشمرها بالشط يله الزموني ههههه
تحياتي

[White Eagle]

سلام عليكم جميعا. هذه حالتج بالضبط نفس الذي صار معي بس انا كانت صدمتي اكبر لانه اعطوني موعد سفر ، ثم بعت كل شى وقبل موعد السفر ذهبت اخذ الحباية اخبروني المستشفى بان اسمي الغاء من السفر . ثم رجع التجيك الامني وصارلي على هذه الحطة اكثر من 3 اشهر والتجيك الامني لم ينتهي.
استنتاجي اذا هذا الامر طبيعي يعطون موعد سفر ثم يلغى !!!!!!!

[texasddddd]

الله يكون بعون ..
بس رغم المدة القصيرة الي عرفت بيها عن المنتدى ،
فببساطه معلوماتي اعتقد ان كل حالة بحدة،
وماكو قياس بين الحالات
فً الله يكون بعونكم وعونع وانشالله من عندا التساهيل

[alnasiry]

بالضبط كل كيس يختلف عن الاخر والله يسهل امر الجميع يا رب

اخوك الناصري