سوال مهم حول الجوء ارجو الاجابة

[lمصطفى]

السلام عليكم اخوانى
سوال مهم وارجو الاجابة علية اما اقدم على يو ان مااريد مثل امريكا يصير غير دولة يعنى كندا استراليا او سوسرا اى دولة غير امريكا مع عالم عندى باجات تثبت انو جنت اشتغل بلانتريت ويا الامريكان
شكرا لالاخوان

[عمر العزااوي]

اول شي اهلا وسهلا بيك .. وثاني شي.. مو بكيفك  تحدد البلد ..  منظمة اليو ان . هي تختارلك البلد . واذا رفضت البلد .. راح يرفضون ملفك  . لان اليو ان دكلك انت لو فعلا متهدد متختار بلد غير امريكا .. تروح باي بلد احنا  نختارالك اياه . بس مادامك رفضت امريكا . معناه انت مرايد السفر  اصلا ويعطيك العافيه . وشكرأ جزيلا

[lمصطفى]

مشكور اخوية مااقصرت الله ينطيك العافية
يعنى هاى تحددلى عاد شلون يقدمون على استراليا او كندا او اى دولة اوربا
وثانى شى ممكن اذا تعرف يون ان الاردن وين صايرة بلضبط وتنطى مساعدات او اهم شى تامين صحى للجهال

[lمصطفى]

سوال ولو طولت عليكم
يصير اقدم العائلة كلها مكونة من اخوان متزوجين مع الام بملف واحد  لو كل واحد بملف
والله ينطيكم العافية

[عمر العزااوي]

اول شي . اليو ان مال  عمان .. تكون في منطقه اسمهه دير غبار .. اي سائق تكسي دكوليله اريد اروح للمفوضية . مال دير غبار . هو يوديج . هاي شغله وثاني شغله اليو ان تغطي علاججج وعلاج جهالج بنسبة 80% والباقي عليج واذا جنتي فعلا ماعندج اكو منظمة تابعه لليو ان اسمهه الكريتاز . مكانهه بالهاشمي الشمالي يم كشك المرور الازرق .. تغطي علاجج 100% متدفعين ولا فلس . علاج كامل وعمليات وكل شيء تغطي لا سامح الله ..
 هسه انتي من تاخذين ورقه اليو ان  يصير عندج تأمين صحي تلقائي . ويحقلج تروحين . الاي مستوصف وتاخذين  ادويه من عندة وتدفعين مبلغ رمزي .. بسيط بس لازم تشوفيهم ورقه اليو ان ..

  يحق لج تقدمين انتي ورجلج وجهالج سوى . واذا كانو الجهال عمرهم 18 سنه يكدر ابنج يفصل الملف من ملفكم شوكت ميريد ..

ميصير تقدمين للعائله مال غيرج .. لازم كل عائله تقدم بوحدهة والام تكدرين تخليهه بملفج او مبلف اخوانج او تسوي ملف وحدها .. هذا حسب ماعرف والله ان شاء الله يساعدوج باقي الاعضاء بالمعلومات ...

[lمصطفى]

مشكور اخوية والله يسهل امرك وامرنا

[lمصطفى]

ورقة الحماية تختلف عن ورقة عدم تعرض وشوكت اذا قدمت شوكت ينطونى ياها