ماذا بعد اكتمال الفحص الطبي الثالث

[quiet]

السلام عليكم

يوم 10/7/2013 عدت الفحص الطبي الثالث في مستشفى بغداد الاهلي واليوم وبعدد جهد جهيد (بسبب مشاكل الباسورد ) عرفت انو الفحص مكتمل ! ملفي 117.الملف انتظار والامنية انتظار والسفر غير فعال. وعدد الافراد واحد بس اني سنكل معدل ههه برايكم شنو المتوقع خلي افرح حتى لو بالجذب.
مع التقدير

اخوكم هادئ جدا

[alialiali10099]

اصبر مابقالك شيء ان شاء الله هذه الايام تكتمل عندك الامنية ويضعوك على جدول السفر ان شاء الله
تحياتي

[سبيس]

الاخ هادي ابو حسن المحترم

اني ادري انت معدل

وبما انه انت معدل انشاء الله راح تكمل عندك الامنيه


اخوك ابو الوليد

[quiet]

شكرا لاخ علي علي والاخ ابو الوليدعلى رفع المعنويات بس والله مليت ومفكر اغلق الملف.عندي كومة مشاكل وجنت اتصور انو السفر افضل وسيلة للهرب من هاي المشاكل وعسى ان ابدا حياتي من جديد هناك في امريكا بعد ماطلقت زوجتي الي عندي منه 3 اطفال .الانتظار طال واني لا طاير ولا حاط انا على مشارف الخمسين . ما اعرف انتظر لو اتزوج بالعراق وانسه السفر واعيش حالي حال العراقيين البؤساء والله تعبت تعبت تعبت

[سبيس]

حبيب كلبي الله في عونك

ان شاء الله اولادك كبار ومعتمدين على نفسهم

انت انتظرت هي السنين لا تغير من ملفك شيء

وانت طالما المحلف موافق عليك فانت مسافر مسافر

بأذن الله وهناك هوايه بنات الحلال وأخذلك سوريا او لبنانيه

لا تتورط مره ثانيه وتاخذ عراقيه مع كل احترامي الى امهاتنا

واخواتنا وبناتنا الاصيلات والطيبات هذا ما لمسته من خلال رحلتي

الى لبنان وسوريا والبلدان العربيه ومعايشتي معهم وما عليك يا اخي

العزيز ان تنتظر والصبر القليل ها بلمناسبه وتصير ابن الثلاثين اذا اخذت

بنصيحتي

واعتذر عن الاطاله


اخوك ابو الوليد

[quiet]

اخي الكريم ابو الوليد ممنون جدا للنصيحة والمواساة ورفع المعنويات والله يسهل سفرك ويحفظك من كل شر .


الهادئ جدا

[كلــــــــــــوري المحبة]

اخي تطبق على السرة 
لانتظار الفحص الطبي الرابع لان احنا جماعة الطابوكه الذهبيه مكتوبه علينا بس نظل نعيد بالفحص لمن يكطعون علينا الماي والكهرب