سؤال واستفسار عاجل عاجل من اخوتي وتاج راسي

[Haider ALtaie]

السلام عليكم
وصباح الخير ان كان صباحاً ومساء الخير ان كان مساءً

طبعاً الامر الي صار عندي ما اعرف هيه مشكلة ولا لا والحمد لله على كل حال

اني نزلت عندي المدينة في الشهر الثاني من 2013 والي هية مدينة ديربي Derby   ولاية كونكيكت وعندي معلومات عن هذه المدينة وكنت اجمع المعلومات اني والعم ابو علي عراقي نبيل الله يحفظه ولحد قبل يومين انطاني معلومات كافية ومرتبة واني اكون جيران اله بنفس المدينة
لكن
اليوم الصبح فتح الموقع لگيت
المدينة متغيره عندي من ديربي الى لويل Lowell
طبعاً واني بحثت عن هذه المدينة بعض المعلومات ولگيت الاخت ام سارة منزلة موضوع لكن مو مفصل عن هذه المدينة سنة 2009

زين هسة يصير انو المدينة تغيرت تماماً لو مثل احد اصدقائي اتصلو بي وگالو اله انو تم تغيير المدينة ومن وصل هناك لگة المدينة نفسهه ما متغيره
يعني ما اعرف شنو اسوي هسة ابقة انتظر منهم لو شنو
وثانيا
منو عندة معلومات قيمة عن هذه المدينة (لويل) وشنو نوع المساعدات والويلكم والعمل والجو واي معلومة صغيرة او كبيرة اكون ممنون منكم اذا انطيتوهه الي

واسف على الاطالة وشكراً مقدماً

اخوكم
حيدر الطائي

[Haider ALtaie]

   يعني يصير اني اجاوب مثلا ...؟ 

[Haider ALtaie]

معقولة .... يعني المشاهدة راح تعبر 30 وماكو جواب ...؟

[سبيس]

اني اكول لاتفكر بلمدينه هسه

دسافر بلاول والباقي سهل

بأذن الله




ابو الوليد

[Haider ALtaie]

ممنون اخويه ابو الوليد والتسهيل من ربك

[Haider ALtaie]

UP

[alialiali10099]

حبيبي حيدر
خليها على الله واذا تريد تغيير سافر ومن توصل غير ولايتك
والله مااعرف اي معلومة عنها
ورفع للمساعده واني خادم الك حبي
اخوك alialiali10099

[Haider ALtaie]

ممنون يا تاج راسي ابو حسين الغالي

[مهجر وافتخر]

اخي ها يخلوك يم كفيلك الي وقع اوراقك هذا الامر لاجدال فية اما موضوع الموقع يمكن يخربط ترا مرات يخربط اهم شيء كفيلك وقع اوراقك
اما اذا ماعندك كفيل فلامر بسيط هما حوالوك من هذي الولاية الى ولاية اخر والامر ماراح ياثر عليك لانك في كلا الولايتيين انت غريب
فتوكل على ربك من يجي ذاك اليوم سافر يمكن الولاية الاخرة افضل
ابو عادل

[Haider ALtaie]

ممنون يا ابو  عادل الورد والف شكر لك مره لخ

اخوك
حيدر الطائي

[DR.ENG]

مثل متفضل ابو عادل كلامه صحيح


تحياتي للجميع

[um shaheen]

اخويه العزيز حيدر
ربي يبارك بيك ويعجل بسفرك ان شاء الله
بس صراحه اخويه حيدر شنو القصه
اني اتذكر نزلتوا موضوع عن ديربي انت وعمنه ابو علي وهم جانت المدينه لغز
هسه من جابلك تفاصيله عمنه العزيز هلمره غيروها ألك ههههههه الظاهر الجماعه حابين يلعب وياك

اخويه العزيز دعائي لك ان شاء الله يعجل بسفرك رب العالمين وتوصل بخير وسلامه وان شاء الله تكون ولايتك خير وامان وسلام ألك ولعائلتك
تحياتي واعتذر منك اخويه العزيز ماعندي اي معلومه عن المدينه
تحياتي
اختك ام شاهين

[Haider ALtaie]

ههههههه اي والله اختي ام شاهين شفتي شلون ديلعبون عليه ههههه بس الحمد لله على كل بس خلي نخلص وبعدين تصفى واذا شفتهه زينه اجيب عمي ابو يمنه والتسهيل من الله


اخوج
 حيدر الطائي

[عديل الروح]

اخويه حيدر روح انت بالاول وتوصل بالسلامه انشاءالله وبعدين فكر اذا تريد تغير المدينه ويجوز هيه نفس المدينه بس خربطه بالموقع وانشاءالله التوفيق والسلامه

[Haider ALtaie]

الله كريم والتسهيل من ربك والله يوفقكم حبيبي عديل الروح

[ali.ali]

بالبدايه اخي العزيز حيدر الطائي الورده لا تهتم اي ولايه المهم اتسافر بالسلامه واعتقد انه انته فعلا اتغيرت ولايتك ومن ناحية Lowell, NC الي هيه بنورث كارولاينا ... هاي الولايه اعتقد الي انته تقصدها وراح انطيك بعض المعلومات عليها
Lowell, NC is Extremely Livable• Lowell is ranked #145 in North Carolina• Lowell is ranked #6803 in the USA Low Cost of Living- Sunny Weather-Lots of Local Amenities-Low Crime Rates
هاي الولايه اتكون بيها نسبة الجرائم قليله والجو مشمس والمعيشه رخيصه وشي جيد ومع توفر وسائل الراحه والمعيشه الجيده واعتقد احسن من ديربي واي شي تحتاج دزلي ع الخاص و حسب الموقع هذا الي هسه راح اكتبه ومجرد اتحط بيه اسم الولايه ينطيك معلومات كامله وبصراحه المكان ايبشر بخير وانشاء الله توصل بالسلامه
http://www.areavibes.com/lowell-nc/livability
هذا الرابط الي ايخص الولايه واي شي تحتاج اني موجود
اخوك علي

[Haider ALtaie]

بالبدايه اخي العزيز حيدر الطائي الورده لا تهتم اي ولايه المهم اتسافر بالسلامه واعتقد انه انته فعلا اتغيرت ولايتك ومن ناحية Lowell, NC الي هيه بنورث كارولاينا ... هاي الولايه اعتقد الي انته تقصدها وراح انطيك بعض المعلومات عليها
Lowell, NC is Extremely Livable• Lowell is ranked #145 in North Carolina• Lowell is ranked #6803 in the USA Low Cost of Living- Sunny Weather-Lots of Local Amenities-Low Crime Rates
هاي الولايه اتكون بيها نسبة الجرائم قليله والجو مشمس والمعيشه رخيصه وشي جيد ومع توفر وسائل الراحه والمعيشه الجيده واعتقد احسن من ديربي واي شي تحتاج دزلي ع الخاص و حسب الموقع هذا الي هسه راح اكتبه ومجرد اتحط بيه اسم الولايه ينطيك معلومات كامله وبصراحه المكان ايبشر بخير وانشاء الله توصل بالسلامه
http://www.areavibes.com/lowell-nc/livability
هذا الرابط الي ايخص الولايه واي شي تحتاج اني موجود
اخوك علي

ابو كاظم الغالي
اعتقد مو نفس المدينة لان المدينة الي عندي هذه   Lowell,MA  من ولاية ماسوسيتش
والمدينة محايده من مدينة بوسطن وعلى گولتك وگولت الوالد الخيره بما اختارها الله والحمد لله على كل حال

والتسهيل من ربك

والف الف شكر الك يا تاج راسي وممنون منك

اخوك
حيدر الطائي