عندي كم سؤال اتمنى الكه اجابه مضبوطه عليهن من اصحاب الخبرة

[Mr.Iraq2011]

لو شباب شلونكم

عندي كم سؤال اتمنى الكه اجابه مضبوطه عليهن

السؤال الاول : اني منتظر موعد سفر من الجماعه الحبابيين وطبعا اني مقدم IOM  بغداد من ال 2009 ولحد هسه دا انتظر ومكمل كلشي بس السفر غير فعال . وبقائي هنا ابغداد بلا فائده و وضع امني تعبان ولاشغل ولاعمل وحبس بالبيت وحاله النفسيه صارت تلف ... سؤالي هو ....... اني دا انتظر فرصة عمل خارج العراق وخل نكول حصلت الموافقه هالايام وسافرت للخارج وحصلت فرصه العمل ورحت هناك ! اذا اجاني موعد السفر واني هناك اكدر ارجع واسافر من مطار بغداد لو اكو مشكله بالموضوع ... يعني الجواز اكيد رح ينختم دخول وخروج بتاريخ قريب من موعد سفري  . فهل رح ايصير فد مشكله بهل الموضوع ؟ وطبعا اكيد من حسافر ماحبلغ المنظمه لان تعرفون اذا ابلغ رح ينعاد كلشي من اول وجديد .


اما بالنسبه للسؤال الثاني ... اذا بقيت ابغداد وانطوني موعد سفر فد شهر ليكدام ... أكدر اتزوج واسافر بعدين وهناك من اوصل فد سنه وادز على مرتي لو ماكو هيج بطه تلعب شناو ؟ يعني شون اني سافرت واني على اساس سنكل وتالي طلعت متزوج لو عادي اكدر ابلغ انو اني اتزوجت بعد فتره الانتظار الي كنت مئيس بيها من السفر وعادي هسه سافرت واريد ادز على زوجتي ... واكيد حيكون عندي عقد الزواج ويه تاريخ انتظار سفري  ؟ لان اذا ابلغهم اني ازوجت اكيد رح ياخروني اكثر ويخلون زوجتي بنفس المعاناة الي مريت بيها اني وبنفس الوقت كلشي مكتمل عندي اني حيصير اكسباير هههههههههههههههههههه لا يالضحك كلش اضحك على سالفه الاكسباير ... امنيه اكسباير فحص اكسباير هع


ملاحظه لحد هسه ممتصلين بالكفيل مالتي ... واني ماريد اضيع المشيتين . لان تعبت والله تعبت ياناس تعبت العمر ديمشي واني كلشي ممسوي بحياتي


انتظر اجابه على السؤالين واكون ممنون منكم لو تكونون متاكدين من الاجابه

[محمد تميم]

اخي العزيز بالنسبه للسؤال الاول عيش حياتك طبيعي لغايه يوم السفر وتستطيع السفر والحظور عند طلبك ومتاكد من هذه المعلومه طبعا عدا الدول التي تجلب لك المتاعب مع المنظمه ومعروفه وكتبنا عنها سابقا اما السؤال الثاني احذر من الكذب على المنظمه اذا تريد ان تتزوج تزوج وبلغ المنظمه وهذا يؤدي الى تاخير في سفرك وانا انصح بان تسافر وبعد شهر او شهرين تستطيع ان تخرج بواسطه الدوكيومنت وتتزوج في عمان وترجع تبلغهم هناك وتعمل معامله سحب الزوجه  هذه نصيحتي ولك القرار

[Mr.Iraq2011]

اخي العزيز بالنسبه للسؤال الاول عيش حياتك طبيعي لغايه يوم السفر وتستطيع السفر والحظور عند طلبك ومتاكد من هذه المعلومه طبعا عدا الدول التي تجلب لك المتاعب مع المنظمه ومعروفه وكتبنا عنها سابقا اما السؤال الثاني احذر من الكذب على المنظمه اذا تريد ان تتزوج تزوج وبلغ المنظمه وهذا يؤدي الى تاخير في سفرك وانا انصح بان تسافر وبعد شهر او شهرين تستطيع ان تخرج بواسطه الدوكيومنت وتتزوج في عمان وترجع تبلغهم هناك وتعمل معامله سحب الزوجه  هذه نصيحتي ولك القرار

اخ محمد تميم ... شكرا على ردك

شكرا على اجابة السؤال الاول وان شاء الله خير واكيد مو من الدول الي تجلب المشاكل الحمد لله.
وبالنسبه لجوابك للسؤال الثاني ... شكرا الك ونصيحتك حلوه بس بيها نوع من التعب . زين اني اذا بلغت المنظمه قبل سفري بيومين فهل رح يلغون سفري وتبدي معامله جديده هي اضافة زوجه لو اسافر وهمه يرسلون زوجتي وهي تبدي تروح للمقابلات وماشابه من امورهم المعتاده .

[echo 9]

للرفع
اي او ام

[m.a.m]

اخي بالنسبة للسؤال الثاني انصحك تتزوج لأن من توصل اهنا محد يسأل على قضيتك وشنو حجيك بيها اذا عندك عقد زواج وصور مع بعضكم اول متوصل تقدم على معاملة لم شمل i730  ولا احد يسأل اهم شي عقد الزواج مترجم واتوكل على الله وبالتوفيق



اختك ام حنين

[Mr.Iraq2011]

شكرا اختي ام حنين الورده 

الله كريم نشوف الله شكاتبلنا