حددولي موعد سفر ... بس الموضوع نامت عليه طابوكه .... اخواني وينكم محتاجكم حيييل

[اخر قطعة بالدرزن]

السلام عليكم
اخوكم " اخر قطعة بالدرزن " يحيكم ... قبل اسبوع لو عشرة ايام دخلت عالموقع مال المنظمه واتفاجئت بانه الامنيه " مكتملة " واني هم غلقت الموقع وغلست  لانه صارلي اربع سنين وكلن وكلشي ماكو وره يوم واحد رجعت انتظار . وبعد يومين رجعت مكتملة ... وجان يجيني تليفون قبل يومين بالضبط ( يوم الاثنين) بالليل من منظمه عمان  ركزززوا ويايه احبابي . واخبرني بانه اني لازم اسافر يوم 3-9 واني اعتبر هذا تاكيد موعد في حال اني قبلت  وحضر نفسك ورتب امورك فكالي تقبل اتسافر : كتله عزيزي المتصل اذا تريدني هسه بالمطار بين متسد التليفون اني بصف عباس ابن فرناس فاني ماعندي اي مانع .كال اوكي انتظر مني تليفون علمود خط الرحلة وموعد ابن البيطار هذا الحجي يوم الاثنين ولحد اليوم محد خابر ولا احد اتصل لحد هسه  مغلسييين واني بصرررراحة خاررررط عندي الزنجيل وخايف لايغلسون ومحد يتصل بيه زين اني شاسوي ؟؟؟؟ لا محضر نفسي ولاكلشي مسوي . زين بعد يومين على السفر على اعتبار الجمعه والسبت ميشتغلون .؟؟؟؟
على فكرة وره مخابرني بالليل راسا بالموقع اتحولت حاله السفر الى : تاريخ السفر

يمعودني اهل المروءة حجايه منا مناك تخليني اعررف شاسوي ؟؟؟؟

تقبلوا مني تحياتي وامنياني بان تنفك جبسه الجميع واشوفكم كدامي بامريكا ..... يارب


اخوكم اخررر قطعه بالدرزن .

[عبق الورد]

همه قبل السفر بيومين يتصلون بيك وينطوك كل الخطه القادمه روح جيب الجنطه ولملم غريضاتك
بس كولي شوكت يصير الفحص الطبي عندك اكسباير

[اخر قطعة بالدرزن]

عمي " عبق الورد "

رحم الله والديك ... ...اني فحصت للمره الرابعه وبفخر شديد يوم 7-8

وبجيت للدكتورههناك

[عبق الورد]

عمي " عبق الورد "

رحم الله والديك ... ...اني فحصت للمره الرابعه وبفخر شديد يوم 7-8

وبجيت للدكتورههناك

خلصوا الدمنه وربي

[اخر قطعة بالدرزن]

UP
UP UP UP

[alialiali10099]

صديقي غدا 100٪ راح يتصلون بيك لان صارك ويه اكثر من شخص اتصالهم غدا ان شاء الله وخلي بالك وراك روحة تاخذ الحباية ابن البيطار رتب امورك ولملم نفسك من هسه مابقيلك شيء تره صديقي
بس حبيت اسئل سوال من كملت الامنية حالة السفر جانت بالانتظار فعال لو غير فعال
وبعد اتصالهم تحولة الى تاريخ السفر
ان شاء الله ربي يسهل امرك ومن توصل الى بلاد العم سام تحينا من امريكا اخر قطعة بالدرزن
تحياتي

[اخر قطعة بالدرزن]

علاوي الذهب ... ممنون من مشاعرك الحلوه والراقيه واتمنى ربي يوفقك ويعجل بسفرك .
حبيبي اني اول مكملت الامنيه ولحد مخابروني ولحد هسه حاله الملف : بانتظار النتيجة بس اول مخابروني المنظمه وبلغوني بموعد سفر وره ساعه اتغيرت حاله السفر الى : تاريخ سفر .

واي سؤال اني وياك للصبح .... شكو ورانه

[عبق الورد]

يعني جانت حاله السفر غير فعال لو بلانتظار قبل ميتصلون بيك

[اخر قطعة بالدرزن]

بالانتظار ... اصلا مصارت فعال

[alialiali10099]

بالانتظار ... اصلا مصارت فعال

حلووو هاي اجابتك
عيني هيه الفعال يعني بالانتظار
او غير فعال

[alialiali10099]

حالة الملف فعال = بانتظار النتيجة
وثنينهم سافروووو وماكووو فرق بحالة الملف وصارت ويه هواي اشخاص

[اخر قطعة بالدرزن]

علاوي اني بهاي السوالف مو قوي .... بس الي متلكد منه انه المنظمه مخررربطة حيييل

[The Duke]

كل المسائل الي كلتها سهلة وراح تسافر خلال الشهر التاسع انشاء اللة وانتة حاليا على جدولت السفر وحاول تتصل بكفيلك حتى ايشوف نوعد سفرك من المنظمة اذا عندك كفيل.
بس شغلة وحدة دوختني الزنجيل بعدة خارط ههههههه.

[ام اديان]

ان شاء الله باجر يتصلون وينطوك خط الرحله  او حتى لو قبل السفر بيوم واحد  ..لا تقلق اهم شي بلغوك بالموعد والباقي كله سهل .
بالتوفيق وتوصل بالف سلامه ان شاء الله

[Mr.Iraq2011]

ان شاء الله الف مبروك اذا مخابروك اليوم فاكيد 100 بالميه يخابروك يوم الاحد 1-9

الف مبرووووووووووووووووووووك .. عقابلي 

[Haider ALtaie]

الله يسهل امورك ان شاء الله خويه

[texasddddd]

يارب انشالله تكون سافرت اليوم اخونا اخر قطعه بلدرزن ويارب كل التوفيق

[alialiali10099]

ان شاء الله سافر وهسه طاير بالجووو يارب

[سبيس]

ها خويه انته وينك

مبين الموضوع صدك نامت عليه مو طابوكه (بلوكه دبل)

بلكي سافر وهسه فوق الغيوم ويحفظه الله ويوصل بسلامه





ابو الوليد

[texasddddd]

والله ياريت

[alnasiry]

انشا الله سافر والله سهل امره لاخونا اخر قطعة وخلص الدرزن يا رب تكون بالجو وتوصل بالسلامة يا غالي

اخوك الناصري