مساعده عاجله شلون اتصرف ويه المنظمه محتاج سكن

[احساس عاشق]

السلام عليكم اخوان
صار على وصولي 24 يوم  ولكيت المنظمه ممأجريلي سكن تكول الكيس وروكر كونك اعزب ولكيت سكن ويه 2 صومالين
ومردت اسكنك وياهم همه بغرفه وحده طبعا سكنت ويه شخص عراقي والرجل طيب ومقصر والمنظمه دفعوله الايجار مال الباقي من الشهر
بدايه الشهر الجاي اهله يجون ولازم اشوفلي سكن
دزيت ايميل لمسوؤله عني هم كتله شوفيلي سكن واذا متكدرين احجي ويه المدير اتصلت  عليه اليوم تكول مااكدر اشوفلك سكن كونك اعزب وتريد
كتله لكيت شخص عراقي اعزب هم يدور على سكن شوفيلي شقه تكول الباقي من افلوسك ميفكي تامين وايجار للعلم الباقي 700


طيب اخوان اصحاب الخبره شنو التصرف ويه المنظمه حتى احصل سكن المن اروح وبمنو اتصل

منتظر ردكم بااسرع وقت

[احساس عاشق]

اخوان طلبت مساعده مطلبت اكعد ويه احد بيته

[texasddddd]

الله يكون بلعون

[Nawfal_Alfadly]

الله يفرجه عليك خويي وماتضيك اﻻ تفرج وان شاء الله تحصل على سكن يارب بالقريب العاجل

[willpower]

اخويه اذا ما عندك اقارب او اصدقاء تبقه يمهم الى ان تلكه سكن, فماكو حل غير المنظمة تروح عليهم و تشرحلهم الوضعية و اتكول الكولي سكن باسرع وقت لان مراح ابقه بالشارع ....واذا شفت ما عارولك اهتمام فاحجي وياهم بصلافة و جدية لان هذا من واجباتهم. ولا اتغادر بنايتهم الى ان يلكولك حل ...واذا الكيس وركر مو خوش ادمي فاطلب التكلم ويه مديره و هم لا تغادر وتعوفه الى ان يلكالك حل ومسكن.

تحياتي

Willpower