مشكلة اقامة في عمان

[عمر ايكو]

السلام عليكم اخواني واخواتي

اتمنى الكل يكونون بخير وصراحة هذا اول موضوع اليه بهالمنتدى الاكثر من رائع خصوصا الي يشمل مشاكل ومواضيع اللاجئين والمهاجرين العراقيين

انا عمر اجيت لعمان بشهر ال6-2013 وانطوني مقابلة بشهر ال8 واكيد مثل متعرفون الفيزا او الاقامة شهر وممكن تمديدها ل3 اشهر

مددت اقامتي لحد 5-9 وكلت علما تخلص اقامتي اكون اني مقابل بالبو ان وينطوني ورقة الحماية وبهذا الشي اكون ممعرض للترحيل!

بس انصدمت اني وعائلتي انه قبل المقابلة بيوم انه تأجلت مقابلتنا الى شهر ال12 والصراحة اني كلش شايل هم موضوع الاقامة شلون حظل لحد شهر ال12 بدون شي رسمي

اتمنة من الاخوة ان يفيدوني بنصيحة او اذا اكو احد مار بهذا الموقف وعند حل

تحياتي وسلامي للجميع

عمر

[espero]

شيل وياك كارت الموعد

[عمر ايكو]

حبايبي سعد وماهر

تشكرون على اجابتكم الحلوة ويارب يهنيكم ويحققلكم الي ابالكم طمنتوني والله

طبعا مهوري اني متزوج يعني شغلة الزواج بأردنية بعيدة الا اذا تريدني انكتل !!!

وحبيبي سعد ربي يحفظلك اطفالك ويخليلكياهم بس المشكلة اني الموعد المتسجل على المقابلة بتاريخ 14/8/2013 واني مقابلتي الجديدة بتاريخ 5/12/2013 تعتقد هذا يأثر لو مجرد حملي للبطاقة اليو ان كافية؟

تسلمون يا شباب على ردودكم والله يوفقكم وينولكم الي بي الخير الكم ولعوائلكم


اخوكم عمر

[علي العزاوي1]

لا تخاف عادي محد راح يسئلك ولا حتى يباوعلك  زمن الخوف من الاقامه انتهى من زمان  بس اهم شي ما تسوي مشاكل  وماكو احد راح يسئلك وين اقامتك...انا صارلي 20سنه بالاردن شفت الضيم ايام التسعينات بس هسا المور عاديه...

[saad ahmad]

حبيبي عموري الورد حتى لو بعد سنة لاسامح الله طبعا ان شاء الله مسهلة بوجهك تكدر تمشي بموعد البطاقة الي من المفوظية وباذن الله تعالى هذا كافي عيوني وامانة الله لاتستحي من اي سؤال اني حاضر واحنا شاء الله تعالى اهل ونساعد بعضنا حتى ربك جل جلاله يساعدنا

اخوك saad ahmad

[Lady Fatal]

مرحبا أخي

لا عادي حتى لو ما عندك إقامة ماكو مشكلة
صار سنين هنا محد سألنا على إقامة بس طبعاً اكو غرامة على كل يوم تأخير واذا الواحد ميسوي مشاكل فما يسوون ابعاد لأحد

[عمر ايكو]

اشكركم على ردودكم صدك طمنتوني

ونعم الاهل ونعم الاصدقاء

عاشت ايدكم وماقصرتوا


سلامي وتحياتي للجميع

[remee]

اخ عمر لا يظل بالك ابدا اني ما عندي اقامه بالاردن بس ورقه الحمايه والله هاي بالضبط سنتين وتسع اشهر اهنا ولا احد سالني انت منو وين ليش ابداااا لا اتفكر بالموضوع خليها على ربك والله يوفقك

[عمر ايكو]

التوفيق للجميع remee

شكرا جزيلا للرد والاهتمام بالموضوع


عمر