الحكوني ارجوكم ::: اتصلوا بيه الفحص الطبي وما ادري بالاتصال وين اروح لاي مستشفى

[سيد الوفاء]

السلام عليكم
خابروني جماعة الفحص الطبي علمود اعادة الفحص ولكيت المكالمة لان دزيتلهم اميل كالوا خابرناك ومحصلناك مشكلة بالرقم
اخواني دزيتلهم اكثر من اميل ومجاوبوا
ارجوكم شنو رايككم اروح للمستشفى واستفسر على اسمي
لوين اروح لاي مستشفى لابن البيطار لو مستشفى بغداد 
مستشفى بغداد وين صايره
انصحوني ارجوكم بسرعة
ممنون

[سيد الوفاء]

ارجوكم ساعدوني جواب
لحد يتركني الله يوفقكم يا طيبين

[ام اديان]

اخي الكريم الله يفرجها عليك ويسهل امرك ان شاء الله
حاول تتصل على ارقام مستشفى ابن البيطار وبلكي يجاوبوك وتسالهم .واذا حضرتك من بغداد او قريب عليها روح بنفسك للمستشفى واسال بلكي تحصل منهم جواب .بس هسه شنو حالة الفحص الطبي عندك بالموقع ؟ اذا فعال بلكي اسمك بعد ه يمهم لكن اذا مكتوب غائب اعتقد ملفك يرجع للمنظمه وبعدين يرجع من جديد للمستشفى لتحديد موعد جديد هذا حسب كلام الاخ الفاضل برنسو لمن راح سال على الفحص لان كاتبيه غائب . حاول تحصلهم بالتلفون
بالنسبه لمستشفى بغداد يكون قريب على مستشفى ابن الهيثم للعيون وان شاء الله يدخلون الاخوان ويفيدوك باجابة ادق
امنياتي بالتوفيق والله يريح بالك ان شاء الله

[غريب غريب]

مثل ما اتفضلت الاخت ام اديان اني افضل اتروح لمستشفى ابن البيطار لان هو المقر الرئيسي للمنظمة وهي التي تبعث الاسماء لمستشفى بغداد بشكل يومي .
اما بخصوص عنوان مستشفى بغداد فهي بالقرب من ساحة الاندلس مقابل مستشفى ابن الهيثم للعيون
تحياتي

[سيد الوفاء]

السلام عليكم مكروين جدا على الردود
اني بيتنه محافظات واليوم خابرت وكلبت الدنيا وما حصلتهم بالتلفون ودكيت على كل ارقامهم
يعني اني هم راح اروحلهم زين تتوقعون الموعد بعده ممخلص
شكد التفرة الي ينطوها قبل الموعد
نوروني بردوركم
يا ليت اذا تنطوني ارقام مستشفى بغداد او اي رقم مضبوط للاتصال او ايميل
شكرا الكم جميعا

[سيد الوفاء]

مرحبا
ارجوكم جاوبوني وشوفلي حل
جزاكم الله خير
شكرا

[غريب غريب]

اخي العزيز
مراح تحصل شي من الاتصال لان مراح تحصلهم لان ميجاوبون واذا جاوبوك مراح ينطوك نتيجة
فاحسن شي انة تروح لابن البيطار

[سيد الوفاء]

السلام عليكم
يا جماعة اني بالشغل ومينطوني اجازة
زين هاي اشلون بيهم ,  زين اني دزيت اميل للمنظمة علمود الفحص والاتصال
اني اشتغل بمنطقة نائية يعني بالصحراء وتدرون باهل النفط  اشون شغلهم
يعني لا شبكة لا اتصال ولا اي شي
هاي اشلون بالله انرتبها
نصائحكم اخواني
ممنون الكم ساعدوني

[ام اديان]

اخي هذا الرقم لمستشفى بغداد الاهلي اتصلو علينه بالشهر الرابع لاعادة الفحص  ومااعرف اذا بعده يشتغل لو  غيروه .انت جرب ماتخسر شي وحاول تتصل بيهم قبل الساعه 12 الظهر وان شاء الله تحصلهم وتكمل فحص عن قريب يارب.

 07702503459

[baghdad antigen]

السلام عليكم
يا جماعة اني بالشغل ومينطوني اجازة
زين هاي اشلون بيهم ,  زين اني دزيت اميل للمنظمة علمود الفحص والاتصال
اني اشتغل بمنطقة نائية يعني بالصحراء وتدرون باهل النفط  اشون شغلهم
يعني لا شبكة لا اتصال ولا اي شي
هاي اشلون بالله انرتبها
نصائحكم اخواني
ممنون الكم ساعدوني

السلام عليكم اخويه

نصيحتي الك اذا الشبكه كلش مو زينه بمكان عملك انه تخلي تلفونك يم شخص ثقه متاكد منه حتى اذا اتصلو بيك المنظمه هو يرد عليهم و بعدين يدزلك ايميل يبلغك
طبعا هذا الكلام على افتراض انه اكو انترنت بمكان شغلك
لان بخير و سلامه اذا فد يوم حددودلك موعد سفر و هم ما حصلوك هايه شلون
اتمنالك الموفقيه

تحياتي