اخي اني قابلت وحدي شهر 1 \ 2011 بعدهه بكم شهر دزيتلهم ايميل كلتلهم خطبت واريد اضيف خطيبتي , كالو اوكي بس دزلنه عقد الزواج وجوازهه وجنسيتهه مترجمه حتى نسويلكم مقابله , طبعاً همه يحتاجون منهه مثل الي يحتاجو منك من صورة قيد وشهادة جنسيه وفحص طبي ...الخ.
وبالفعل كملت كلشي وقابلنه شهر 9 \ 2011 , وياريتنه ما قابلنه , بيومهه احنه جنه بس عاقدين ومغيرين الجناسي بس اني جنت كاتب عنوان السكن مالتي ومالتهه متشابه , بالمقابله عزلنه كل واحد بغرفه وطلب نرسم غرفة النوم مالتنه , اكيد كل واحد رسم شكل لان احنه بس عاقدين , عاد هو من شاف الرسم يختلف راح مدري وين ورجع , كال انتو شلون نفس عنوان السكن و بالجنسيه متزوجين وكل واحد ساكن بغرفه تختلف عن الثاني , كال اني اسف بس انت شغلتك تعقدت لان هذا زواجك بس على الورق ولغرض الهجره.
عاد حلفتله يمعود والله بعدنه ماعايشين سوى وهذي تقاليدنه واحنه نعيش سوى بعد الحفله والزفه....الخ , المهم هو قفل علينه وكال اني اسف هذا مو نقاش ولكن قرار لتبليغك.
برأيي تدزلهم ايميل تبلغهم بالزواج وترفق العقد وجواز زوجتك وتخلي ببالك مثل هيج اختبارات.
