سؤال للاخوه العراقيين بشمال العراق ارجو الاجابه

[صالح العزاوي]

اخوان انا عراقي من بغداد حاليا بالاردن صارلي4سنوات بالاردن و5سنوات وتعبت ولحد الان ملفي بالتوطين قيد الدراسه اسال اخواني في شمال العراق اقدر ان اعيش انا وعائلتي بشمال العراق علمي عائلتي تتكون من 7  افراد وهل استطيع انقل ملفي الامم المتحده الى شمال العراق وكيف العيشه بشمال العراق وكم الايجار هناك وكم المصرف بالشهر وكيف الاقامه علما عندتوضيح بكل شيء وهل استطيع الحصول على الاقامه علما عندي صيقي كردي باربيل يكفلني واشتغل معه وهل استطيع ان اسجل اولادي وبناتي الاربعه بالمدارس الحكوميه هناك وكم التعليم بالمدارس الخاصه وهل الدراسه بالعربيه او بالكردي فقط هذا وجزاكم الله خير الجزاء

[Haider ALtaie]

للرفع والمساعده

[بقايا رماد]

اخي العزيز منسبه الى عودتك للعراق ماشجعك وبما انته مقدم على توطين اصبر حتى تكتمل المواققات اني ساكن في بغداد بس دائما اذهب الى الشمل بس راح اطيك صوره وانته بكيفك اول شي الايجارات ماكو بيت اقل من 4 دولار  ونته صاعد حسب الكبر والمساحه حاليا لازم تحصل على موافقه امنيه للبقاء يعني تقدم معامله لو تنقبل لو رفض ولازم اكو احد عرف يكفلك اثنين المعشه عاديه يعني اكيد ارخص من الاردن بس العمل  حسب الشهاده بس اكو شي ممتاكد منه انو اذا نقلت ملفك فاكيد راح تراجع من بغداد لان بشمال ماكو فقط منظمات انسانيه بس من هاي النقطه تاكد ارجو ان وصلتلك الفكره

[عمدة فرجينيا]

السلام عليكم

اخوية بالنسبة للملف ماكو مراجعات بالشمال بس بغداد
والسكن اقل بيت 600$ وماكو اداوخ سبع دوخات يلة تلكة لو ما تلكة
العيشة غالية وما اكدر انطيك شي تقريبي لان تعتمد على نوع صرف العائلة
المدارس اكو حكومي واهلي وكلشي بحسابة وتكدر اتسجل باي وحدة منهن الدراسة كردي واكو عربي بس موستواه مو شي
الاقامة ماطول عندك صديق يكفلك كل الامور محلولة ان شاء الله
والله يوفقكم ان شاء الله


 

[صالح العزاوي]

اشكر الاخوة والاخوات اللي جاوبوني بس اريد توضيح اكثر من الاخوه الباقيين لان هاي مسالة معيشة عائلة والله لانه الواحد عايش بملل شو تنصحوني ابقى بالاردن وانتضر او ارجع للشمال بس شلون تدبر العيشه والاقامه هناك ارجو توضيح اكثر من الاخوه اللي بشمال العراق او اللي جربو العيشه هناك وشكرا

[willpower]

اخويه اني عشت باربيل 4 سنين.
ينرادلك كفيل كردي
ينرادلك شغل مضمون لان الشغل اهناك بدون امتلاكك للغة الكردية صعبه
الايجارات حسب المنطقة ... ل 7 نفرات الايجار للبيت بحدود ال 700 الى 1000 حسب البيت و المنطقة
تحويل ملف الى الشمال ماكو... تحويل ملف الى العراق \ بغداد للمقابلات
لا يفظل ابلاغ المنظمة بتواجدك بكردستان
المدارس موجودة للاظفال و اكو مدارس للمتكلمين اللغة العربيه
المعيشة غالية و حسب صرف العائلة . 7 نفرات اتروحلك عدا لايجار فد تقريبا من 700 الى 1200 حسب الصرف

برأي شخصي البقاء بعمان افظل الك لصالح الملف

تحياتي

Willpower

[صالح العزاوي]

اشكر كل الاخوه اللي جاوبوني بس سؤال اخير هل يوجد بشمال العراق مساعدات للاجئيين العراقيين او راتب شهري وشكرا

[عمدة فرجينيا]

لا ماكو

[ألن في بلاد العجائب]

لا يوجد شئ اسمه تقديم على لجوء من كردستان

[طيارة ورقية]

عزيزي
لاتوجد اي مساعدات أورواتب  لان ماكو لاجىء عراقي (قصدك العراقيين العائدين من سوريا وليس لاجئين عراقيين ) ولا مساعدات طبيه ولامكان تستطيع منه الاستفسار عن ملفك  فقط الاتصال بمكتب عمان
فقط المساعدات العينيه التي المفروض تستلمه مع 4ملايين اذاتريد تكدر تستلمه من اربيل  اذاسكنك في الاقليم فقط (هذا اني استلمت العينيه من اربيل )
واذا تسمع اكو مساعدات فهاي لللاخوة السوريين فقط

[صالح العزاوي]

جزاكم الله خير يعني ابقى بالاردن وانتضر التوطين احسلي لان بصراحه ما اكدر ارجع للعراق اني صارلي 8سنوات بالخارج بمصر 5سنوات وبالاردن 3ونص سنه بس المشكله اولادي وبناتي يكبرون وطلباتهم جاي تكبر اعمارهم من 7شهور الى 19 سنه الجبير بس مشكلتي ملفي بالتوطين قيد الدراسه صارله 6شهور من خابروني كالولي ملفك بالتوطين قيد الدراسه نشوف بلد يقبلك والله كريم