الى الاخوة والاخوات الكرام , مساعدة انسانيــــــــــــــــــــــــة

[Jason IZ-133]

بسم الله الرحمن الرحيم .


اخوتي / اخواتي .

اكو عائلة من سكنة بغداد حالتهم المادية جدا ً ضعيفة , المهم ابنهم هو اليمعيشهم لكن شاء القدر انه ابنهم تعرض لحادث ( حادث عرضي اثناء العمل ) و اصبح الان لاحول ولا قوة ( مقعد )   والعائلة مالهم غير بس  الله والناس الطيبين الي ماقصرو وياهم , سؤال لكل عضو عزيز بالمنتدى يعرف منظمة ممكن تسفرة لغرض العلاج ؟؟ رجاءاً رجاءاً رجاءاً الي يعرف اسم منظمة بس ينطيني اسمهة واني اتكفل بالمراسلة وشرح الموضوع بالتفصيل علماً ان العائلة اجرو عملية لابنهم لكن للأسف الشديد العملية منجحت ..... وبارك الله بيكم واكــــــــــــــــــــــــــــــــيد واني متيقن والله انتم متقصرون والدال على الخير كفاعل الخير .



تحياتي
Jason

[عمدة فرجينيا]

لا حول ولا قوة الا بالله

ان شاء الله يجون الاخوان بلكي يعرفون فد منظمة تكدر تساعدهم بس اتوقع الاي او ام هم تقبل هيجي حالات

[Jason IZ-133]

اشكرج اختي على الرد واني همين رح اراسل ال اي او ام بس كلت اول شي خلي اشوف الاخوة والاخوات بلكي يعرفون منظمات ممكن تساعدهم .

[ام اديان]

لا حول ولا قوة الا بالله . الله يكتبله الشفاء ان شاء الله .
ان شاء الله يدخلون اللي عدهم معلومات وميقصرون

[أسراء الوردة]

الأخ الكريم

منظمة أطباء بلا حدود .... ولها نشاط كبير جداً في العراق

وهي تسعى لضحايا الحرب والتفجيرات .... وسفرت حالات كثيرة الى الأردن وأيطاليا

(( الأخ تويتي أمريكا لديه خبرة في هذة المنظمة وهو أنسان كريم محب للخير وأهله  الرجاء مراسلته ))

جزاكم الله خير الجزاء

وفقتم للخير

[سبيس]

اسرع شيء السفر الى دول الجوار والتقديم على UN

عن طريق الحكومه او الجمعيات تأخذ وقت وقراءة واحتمال لم يوافقوا

هذا من وجهة نظري والباقي على الاخوان

بارك الله فيك صاحب الموضوع



ابو الوليد

[Jason IZ-133]

شكراً جزيلا ً  لكل من دخل وعلق على الموضوع والله يجازيكم ان شاء الله ويوفقكم , اخوية سبيس العائلة ميكدرون يسافرون لان ماعدهم من يساعدهم على العيش ( يعني حالتهم المادية ماتسمح ) , اني رح اراسل الاي او ام من ايميلي واوصف لهم الحالة ومابيدي شي غير انه أسأل ربي انه يوفقني لمساعدة العائلة ,


اشكركم مرة ثانية اخوتي واخواتي وان شاء الله الله يجازيكم ويوفقكم ويكفيكم شر بني ادم وييسر امركم وينيير دربكم ........


تحياتي

[manny81]

اخوية  اكو كنيسة اسمهه كنيسة الاتحاد الانجيلية بلكرادة  ساحة عقبة بن نافع شارع سلمان فائق خلف عمارة الوكيل  روحلهم اسال علة قس جوزيف همة يعرقون هواي منظمات عالمية ورصينة واحجي وياة بلكن يلكولة حل واللة يسهل عليهم وهذا اللي اكدر اساعدك بي 
بسم الله الرحمن الرحيم .


اخوتي / اخواتي .

اكو عائلة من سكنة بغداد حالتهم المادية جدا ً ضعيفة , المهم ابنهم هو اليمعيشهم لكن شاء القدر انه ابنهم تعرض لحادث ( حادث عرضي اثناء العمل ) و اصبح الان لاحول ولا قوة ( مقعد )   والعائلة مالهم غير بس  الله والناس الطيبين الي ماقصرو وياهم , سؤال لكل عضو عزيز بالمنتدى يعرف منظمة ممكن تسفرة لغرض العلاج ؟؟ رجاءاً رجاءاً رجاءاً الي يعرف اسم منظمة بس ينطيني اسمهة واني اتكفل بالمراسلة وشرح الموضوع بالتفصيل علماً ان العائلة اجرو عملية لابنهم لكن للأسف الشديد العملية منجحت ..... وبارك الله بيكم واكــــــــــــــــــــــــــــــــيد واني متيقن والله انتم متقصرون والدال على الخير كفاعل الخير .



تحياتي
Jason
[/quote]

[Jason IZ-133]

مشكور اخوية Manny ,


ان شاء الله هاي الايام اروح واسأل بلكي اوصل لنتيجة , اشكرك مرة ثانية وبارك الله بيك

[alialiali10099]

الله قادر على كل شيء ان شاء الله يشفي بحق محمد وال محمد
والله اني ماعرف بلكت احد الاعضاء يعرف بمنظمة انسانية تساعد هذا المظلوم
لا اله الا الله

[Jason IZ-133]

مشكور اخوية علي على تعاطفك وبارك الله بيك