اخواني المعلقين صديقي طلع من التعليق اكو امل يعني

[ابو هناوي]

مرحبا اخواني انبعث عندي بصيص من الامل بعد ما رجعت تعليق من جديد قبل يومين صديقي معلق صار اكثر من سنه اجاه ايميل بلغوه انه اجتك مافقه من المحلف وبعد يوم صارت المحلفين مكتمله عنده وممصدك خيه وبعد يومين خابرو على فحص طبي وهمه متصلين بكفيله والحمد لله ان شاء الله يوم اللكل المعلقين الي اني واحد منهم واتصل بيهم وكالوله انته خلص طلعت من التعليق ودتنتظر التجييك الامني الي بالمراحل الاخيرة وان شاء الله الخير للجميع اني كتل رتب امورك ايجوز سفرك قريب شتكولون اخواني العنكاويين

[Jason IZ-133]

السلام عليكم ...



شكر وتقدير للأستاذ ابو هناوي , طبعا ً اني ملفي تعليق صار 6 اشهر وبعد بية صبر بس كون تجي موافقة



تحياتي
Jason

[أبو الحكم]

تويتي متتنتظر سنة واني مسؤول عن كلامي وان شاء الله بالايام القادمة وبعد أغلاق برنامج SIV انزل موضوع بي دلائل ملموسة على انتهاء مايسمى بالتعليق لدى المنظمة والفايلات بعدها تكون اما موافقة مشروطة او رفض لاسامح الله يعني تعليق ماكو ......





جار الانتظار

[اله القمر]

يارب ان شاء الله خير
بس سؤال فترة التعليق تبدي من موعد مقابلة المحلف ام من تاريخ استلام رسالة الديفرال ؟؟

[alialiali10099]

ان شاء الله خير وبركة وتخلص الناس
افضل لو قبول لو رفض لا سامح الله
شنو تعليق وينتظر سنين صعبه الناس اعصابها نتهت لحد متقابل محلفين وبعدين يخلوهم تعليق كارثه انسانيه هاي
ان شاء الله خير للجميع يارب والسفر العاجل للجميع وخصوصا المعلقين المظلومين
تحياتي للجميع

[Jason IZ-133]

اخوية اله القمر اعتقد من فترة المقابلة لان اني مالتي القرار متخذة المحلف اعتقد بنفس اليوم , همزين نبهتني اني صارلي 7 اشهر معلق مو 6 اشهر ,
بالنسبة للأخ العزيز المحترم جاري الانتظار ممكن اعرف شنو الربط بين ال SIV والتعليق ؟؟ لان اني ممقدم على SIV , ممكن توضيح ان امكن

[أبو الحكم]

اخي الكريم برنامج الــ SIV سوف يغلق في 30-09-2013 وحسب الاخبار الموجودة لدينا في السفارة الامريكية ليس هناك تمديد والاعداد التي لم تستلم الفيزا قبل هذا الموعد سوف تحول ملفاتهم على برنامج الــ IOM وعند التحويل ستكون الاعداد كبيرة جدا وستتغير السياسة حسب كلام بعض المحلفين وسوف لن يكون هناك تعليق وملفات قيد الدراسة في امريكا اكثر من ذلك وسوف تكون هناك لجنة تدرس الملف وتعطي به قرار في بغداد اما موافقة مشروطة بالتجييك الامني كالعادة واما رفض لاسامح الله , لان الاعداد لاتسمح بالتعليق سنوات وسنوات مثل مامضى ولا الوقت يسمح بهذا الشيء بعد تحويل اعداد برنامج الــ SIV الى الــ IOM .




جار الانتظار

[Jason IZ-133]

تسلملي عيني جاري الانتظار على الجواب

[روك]

اني بعد شهرين بالضبط .. راح ادخل بالسنة الثانية من التعليق

الله يعين الجميع ويسهل اموركم وتصير سوالف باذن الله


روك

[التوكل على الله]

واني هم صارلي اكثر من 14 شهر تعليق
وكل تاخيره ان شاء الله بيه خيره
والحمد لله على كل حال

[سبيس]

ان شاء الله الكل تطلع من التعليق وسافر يا رب





ابو الوليد

[luqman1988]

السلا م عليكم اخواني
انا معلق سنة وستة اشهر الله يفرج الجميع ان شاء الله.

[كاري ميرو]

والله يأخواني اني ماريد حبطكم اني بقيت تعليق سنه ونص وقبل 5شهور طلعت من التعليق وفحصت واكتمل المحلف ولحد الان كاعد ننتضر
علما ماعدنا اي شي يتأخر المعاملة الاضافه طفل والسفر للعراق ولا كلشي
مادري ليش هل التأخير يعني المعلق يشبع ضيم وانتضار وره ما يطلع من التعليق هم ينتضر 6شهورر!!!!
تعبنا شوكت نرتاح
طبعا اني جنت اسمع المعلق بس يطلع من التعليق گبل فحص وطيران 

[Jason IZ-133]

اخواني الاعزاء .


الي دا اشوفه بالمنتدى انه اكول هواية معلقين ف اني اكول ليش منسوي موضوع يخص المعلقين , يعني نشارك بي معلوماتنة مثلاً اذا شخص طلع من التعليق يكتب شكد يلة طلع من التعليق لان والله هاي الاخبار شوية ترفع معنوياتنة ,  يعني هسة من قريت التعليقات واكو اخوان صارلهم سنة واكو صار سنتين شفت نفسي بعدني ببداية الطريق , وهذا مجرد اقتراح وانت براحتكم

[اجونة]

مبروك على الي  طلع من التعليق وان شالله لكل المعلقين .
اختكم اجونه عمان . صار سنه و3 اشهر ع التعليق .

[catwoman]

احب اشارك وياكم صديق زوجي معلق من 26-3-2012 ولحد يوم 2-9-2013 اجاه اتصال على الفحص الطبي فتح ايميلة جايتة رسالة من المنظمة موافقة مشروطة بالامنية انشاء الله تفرج عليكم