سرقة وأقتباس مواضيع حسين الجبوري

[ضاري]

أخواني
السلام عليكم

قبل فترة شفت ظاهرة غريبة على المنتدى وهي سرقة واقتباس لمواضيع حسين الجبوري وهاي تعتبرة جريمه ( حق الملكية الفكرية )

لان بالمنتدى اكو قوانين تحكم هاي الشغلة

اني بس أكول عيب على الشخص يسرق تعب غيره ويتباهه على أساس هو الي تعب وكتب هذا الشي ويسوي نفسة أبو العريف 

حبيبي عوف الخبز لخبازة ولا أتورط نفسك بالاسئلة المحرجه ,,,, وتروح ادور على مواضيع حسين الجبوري حتى اجاوب الناس

والله من وراء القصد

[ابو سهم]

والله اخوية لا عاب حلكك والله الحرامية هواي خاصة بالعراق بلد الاربعين حرامي سابقا والاربعمية الف حاليا

[UN]

الي استحوووو ماتو

[محمد الفاتح]

مع كل الاسف نصل الى هذا المستوى ....بس كي يقال ان هذا الانسان فاهم بمواضيع السفر ويجاوب ...ويسرق تعب الاخرين الي كاعد يسهرون للصبح حته يصل الى معلومه لخدمة الاخوة داخل المنتدى وخارجه .....مع كل الاسف اقوله للذين يصعدون سلم النجاح على اكتاف الاخرين ....وشكرا لصاحب الموضوع ...وتحيه للعملاق ابوديمه وهذا الي كاعد ايصير من سرقة لمواضيعك دليل قاطع على نجاحك وتألقك في كل المواضيع الي نشرته

[سبيس]

الاخ ضاري صاحب الموضوع

ممكن يحدث

يجب ان تتحدث عن اسم الشخص واسم الموضوع وتكون شجاع

لان موضوعك مبهم لحد الان


ابو الوليد

[البرق]

 
  لا والله عيب يعني ميستحون ميخجلون مو حرام على الاقل اذكر المصدر ولو اشاره تقبلو مروري اخوكم البرق

[(ابن بغداد)]

السلام عليكم

تحياتي  لكم احبائي

حقيقة اني اقدم احتراماتي للعمالقة ابو ديمة وجاري الا نتظار  وفراس وسنكل مان ووووووو

اللي همة امتداد لعمالقة سابقين عكعك التطوي وابو قمر وابو عبدالله التكساسي وووووووووووووووو

واللي الحمد لله استقروا بامريكا الان ويعيشون حياتهم بامان وسلام

اخوان لا تاخذون موضوع الاجابة من قبل الاخرين موضوع تحسس منتدى الهجرة جيل يسلم لجيل مهمة انسانية هي مساعدة الاخرين

قدر الامكان والكل بدون استثناء تعلم من اللي قبله

خلي الكل يتحاور  ويتشاركون الهموم

بالامس نزلت موضوع استفسار حساس بالنسبة الي وكان الكثيرين يدخلون فقط بدون اي مشاركة ولو براي  عدا تعليق للاخت المحترمة ام اديان

وبالليل الحقيقة حذفت موضوع الاستفسار اللي نزلته لان من تشوف ماكو تجاوب مع مشكلتك من الاخرين تندم على مشاركتهم همومك

انشاء الله سفر الاخوان العمالقة قريب باذن الله وراها ينشغلون بترتيب حياتهم الجديدة وراح تكون مواضيعهم باقيةكمرجع  معتمد للاجابة والتعليق 

تحية لكل من يحاول ان يزرع ابتسامة على محيا الاخرين وتحية لكل من يجعل هموم الناس شغله الشاغل وتحية لكل من لا يرجو من خدمةالعباد 

سوى مرضاة رب العباد

[ضاري]

السلام عليكم

أخي سبيس بالنسبة للاسم الشخص .... ماكو داعي نظهر اسم الاشخاص والتشهير بيهم

اني من نزلت هذا الموضوع ردت أعرف الاعضاء انه يوجد أشخاص في المنتدى يقتبسون كلام حسين الجبوري

مع بعض التغيير ,,, وهذا الشخص يوميا" يدخل

وانت حضرتك تكدر تبحث وراح تكتشف هذا الشي مثل ما سويت اني وراح تعرف اسم الموضوع وتشوف اشلون يقتبس هذا

الشخص للمواضيع

أما بالنسبة للشجاعه ماكو داعي للحديث عنها لان احنا مو بالمعركه حتى تختبر شجاعتي

والمنتدى لفائدة الجميع مثل ماكال BIG MAN
أني اشكر كل ألي شارك 

[مهجر وافتخر]

السلام عليكم
اخواني حسين الجبوري هو فنان او كاتب روايات او مطرب لا
هو شخص جاي يفيد اخوانة بنصيحة جزاة الله خير وانا متاكد انة مايدور على ان يكو مميز الشخص يريد دعاء وفقط لذا وين المشكلة اذا نقل احد مواضيع الاخ الجبوري حتى ولو سماها باسمة هذا ان دل دل على ان مايقوله الاخ الجبوري كلام منطقي لذا تناقلو مايقوله
لماذا لم ينتاقلو مواضيع  (مهجر وافتخر)  تعرفون لش لانة مواضيع غير هادفة واضح
وسلامي على الكل

[مهجر وافتخر]

لتوضيح فقط
اذا قصدك العضو ابو ديما
ترا هو نفسة الاخ حسين الجبوري داخل باسم اخر لاسباب هو يعرفها

[وين أروح]

السلام عليكم

أخواني أني قبل فترة دزيت رسالة الى العم حسين الجبوري وسألته عن رسالة أجتني من المنظمة الدولية للهجرة

والرجل جاوبني بكل صدق وشرح لي تفاصيل الرسالة .

المشكلة اخواني يجي شخص يقتبس هذا الرد مال حسين الجبوري وينسبة الى نفسة واني قريت الرد مال هذا الشخص

ودزيت رسالة كتله هذا الموضوع مال حسين الجبوري .... يجاوبني يكولي أني ما أعرف تفاصيل ملفك أني وين أحجي وهو

وين يحجي .

أخي مهجر وافتخر مواضيع حسين الجبوري كلها فائدة

[سبيس]

السلام عليكم

أخي سبيس بالنسبة للاسم الشخص .... ماكو داعي نظهر اسم الاشخاص والتشهير بيهم

اني من نزلت هذا الموضوع ردت أعرف الاعضاء انه يوجد أشخاص في المنتدى يقتبسون كلام حسين الجبوري

مع بعض التغيير ,,, وهذا الشخص يوميا" يدخل

وانت حضرتك تكدر تبحث وراح تكتشف هذا الشي مثل ما سويت اني وراح تعرف اسم الموضوع وتشوف اشلون يقتبس هذا

الشخص للمواضيع

أما بالنسبة للشجاعه ماكو داعي للحديث عنها لان احنا مو بالمعركه حتى تختبر شجاعتي

والمنتدى لفائدة الجميع مثل ماكال BIG MAN
أني اشكر كل ألي شارك 

الاختبار في الكلمه الصادقه

وليس في ميدان المعركه

والحمد لله تحن في بيتنا

وانا لم اقل لك اين عضلاتك

ويله روح اضربه ضربا مبرحا

حبيبي اني الى اقصده لا تتردد في الكشف عنه

حتى تتبين ما ذكرته في موضوعك وابوك الله يرحمه


اخوك ابو الوليد

[حسين الجبوري]

بسم الله الرحمن الرحيم
 الاخوان الاعزاء خلي يسرق المهم يفيد اخوانه   وماكو داعي  اتركو الموضوع واطلب من الاخ صاحب الموضوع ان يحذف الموضوع

[Mount Zion]

Whats Up 

[/color][/size]

[Sound of Soul]

في حال وجود اقتباسات حرفية لردود او مواضيع أي عضو  من قبل عضو اخر
 ونسبها لنفسه او لاخر يرجى ابلاغ الادارة متضمنة  لنك المشاركة المقصودة
تحياتي .

[باسويرد]

شنو هاي هنا هم