مرحبا أخواني أخواتي
في هذا الموضوع الجديد راح أغير لغة الكتابة من الفصحى إلى اللغة العراقية العامة لأن دا اشوف انو الأعضاء يتقبلون المواضيع المكتوبة بلغة بسيطة وتكون مفهومة أكثر ، على أي حال اليوم راح نحجي عن البحث عن العمل في امريكا
اكو هناك الكثير من الوسائل علمود تكدر تدور شغل في امريكا ومن اهمها
-- اسأل أصدقائك جيرانك كرايبك عن فرص العمل.
-- دور بالجرايد عن الأعلانات الي يطلبون بيها ناس للعمل
-- سويلك زيارة للمنظمات اللي تساعد المهاجرين على ايجاد فرص عمل.
-- دور على الأشغال بالأنترنيت ومن أهم مواقع التوضيف هو
http://www.indeed.com/تقديم طلب العمل
أغلب أصحاب الأعمال راح يطلبون منك تعبي طلب توظيف وهذا الطلب يكون بي اسئلة عادة عن عنوانك ومستواك العلمي وخبراتك السابقة في العمل ، ومن الممكن ايضا يطلب منك معلومات عن اصحاب العمل السابق اللي كنت تشتغل بي ، علمود يجوز يتصلون بيهم ويسألون عنك.
أهم نقطة انو اللي يريد يقدم على عمل لازم يحضر السيرة الذاتية مالتة Resume فالسيرة الذاتية تعرفك على صاحب العمل ومن خلالها يقدر يعرف خبراتك السابقة ، بيا مجال جنت تشتغل بي ، الدورات اللي اخذتهة سابقا ، والسيرة الذاتية الجيدة تحتوي على أسمك ، عنوانك ، رقم تلفونك ، الوظائف اللي اشتغلت بيها سابقا مع التواريخ ، مستواك العلمي (شمخلص) ، اي مهارات تعرفهة (مثلا تعرف تستخدم كومبيوتر بشكل محترف مثلاً) واهم شي تكون سهلة القراءة ومابيهة أخطاء.
اللغة الانكليزية
اذامتعرف انكليزي زين حاول تتعلم بسرعة وبأقرب وقت ولتضل تضيع وقت ، اكو هواية دروس مجانية او دروس بكلفة ضئيلة جدا وهذه أغلبها تلكاهة بالمدارس العامة او الجامعات فاللغة تخليك تلكي شغل جيد
مقابلة العمل
بعض اصحاب العمل يطلبون مثلا الأجتماع بيك علمود يشرحولك عن طبيعة الوظيفة والعمل وانت ايضا من خلال المقابلة تقدر تطرح اسألتك مثلا شراح يطلعلك مخصصات او منافع من الشغلة بالأضافة إلى أجرك فمن الممكن ان تحصل على عناية طبية ، التأمين على الحياة ، تقاعد .... الخ
القوانين الفدرالية الأميركية تحظر التمييز ضد الأشخاص اللي يدورون على شغل بسبب:
-- العرق ، اللون ، الدين ، البلد الأصلي ، الجنس (قانون الحقوق المدنية)
-- العمر (قانون التمييز ضد السن في العمل)
-- الإعاقة (قانون الأميركيين ذوي الإعاقات)
-- الجنس (قانون المساوة في الراتب)
واذا تريدون معلومات اكثر عن هذه الحمايات ، تكدرون تزورون الموقع التالي
http://www.eeoc.gov أو تتصل على الرقم 8006696820
يكدر اصحاب العمل يسألك اسئلة كثيرة ولكن ميكدر يسألك عن
عرقك ، لونك ، جنسك ، حالتك الزوجية ، دينك ، بلدك الأصلي ، عمرك ، اي عوق عندك لا سامح الله ، وميحق ايضا لأصحاب العمل التمييز ضدك بسبب وضع هجرتك يعني مختصر مفيد ميكدر صاحب الشغل يرفض تعيينك بسبب هجرتك أو انت متحمل الجنسية الأمريكية
واذا حسيت باي منهاي التصرفات يمكنك تشتكي وذلك بالأتصال بمكتب المستشار الخاص 8002557688 وايضا اكو تفاصيل كثيرة يمكنكم الأطلاع عليها من خلال الموقع التالي
http://www.usdoj.gov/crt/oscتحياتي
