طلب معلومات عن ((((عمان))) حالياً فيدوني الله يخليكم أرجو ألمساعدة وألرد

[husseinhah]

أخواني أني راح أسافر لعمان هالايام أريدكم تفيدوني

1- سعر ألأيجار للشقة ستديو غرفة وهول وحمام ومطبخ تكفي لزوج وزوجة وطفل وفي مكان مناسب مثلاً جبل الحسين او شارع الجامعة او ماركا وطريقة ألأيجار وكيف
2- تكاليف النت والغاز والماي والكهرباء
3- ألتقديم وألموعد ألأولي لل un
4- ألمبلغ ألتقريبي للمصروف ل 3 اشخاص
5- ألمساعدات من un موجودة ام لا
6- وأي تفاصيل ممكن تفيدني

شكراً لتعاونكم وأرجو ألمساعدة والرد

اخوكم حسين

[Lady Fatal]

مرحبا اخي

اذا مفروش بجبل الحسين مثلا اتوقع تكون ب 350 دولار يمكن او اكثر بشوية اذا فارغة يمكن تطلع ب 250 دولار هاي اخر شي هيجي اتذكر الايجارات بهيجي منطقة
طريقة الايجار اذا من يمك من العراق الاحسن انو تطلب من احد معارفك يحاول يأجرلك هنا او تجي يم احد هنا وبعدين تدور حضرتك على استوديو

النت اكو عروض هوايه مثل اللي تكون يو اس بي وتعبيها ب 15 دولار تقريبا كلما تحتاج وهايه من ارخص عروض النت
والمي المعدل يمكن 15 دولار بالشهر ويمكن اكثر بشويه والكهرباء حسب الاستهلاك تجي بين ال 20 دولار وال 30 دولار واحيانا يرفعوها كل فترة
وهذي التكاليف تقديريا للي شفته ويه الناس وبعضها من اللي آني جنت ادفعه

التقديم اخي تروحون لليو ان تاخذون موعد مقابلة اولى ويكون كارت مكتوب عليه الموعد وحاولو تروحون الصبح من وكت افضل
اما مصاريف 3 اشخاص بالشهر يمكن 550 دولار اقل شي اعتقد
المساعدات المالية اللي اعرفه تحتاج زيارات للبيت وتدقيق ومينطون شي يكفي بس ماعرف تفاصيل المساعدات


حاولت اجاوب على كَد معرفتي للمساعدة والاعضاء اللي بعمان مرح يقصرون بالمساعدة والاجابة على اسئلتك اكيد 


بالتوفيق الكم

[husseinhah]

شكراً اخت ليدي على التوضح ألله يسهل امرج

[husseinhah]

اخت ليدي المصروف 550 دولار قصدج مع ألأيجار والفواتير لو فقط طعام وشراب وملابس

[husseinhah]

يعني احسب حسابي

1- 250 دولار شقة ستديو صغيرة بدون اثاث
2- 500 دولار مصروف شهري طعام ونقل
3- اضافة مبلغ الفواتير بحدود 100 دولار

علماً اني اريد العيش ببساطة بدن تبذير

هذا الحساب مضبوط افيدوني

[abo shams]

اخي ان شاء الله انته قريب على التقديرات
ولا تنسه انه السكن بمنطقه زوينه يعني لان الاخوه السوريين هواي رفعو الايجارات
و ايضا كلشي يعتمد على تقديرات اخرى ...
مثلا مصاريف الشتاء بسبب التدفئه اكبر و ربك الشافي ان شاء الله لكن الاطباء غاليين و العلاجات ايضا وولو اكو بمناطق معينه لعراقيين علاجات و ادويه مجانيه .. لكن افضل انه تخلي زياده على توقعاتك وان شاء الله يتحقق الاقل اكيد
لان الاردن يوميه يغلا شي

[Zakory]

اخي الايجارات بصورة عامة مو رخيصة يعني فارغة و بس غرفة و مطبخ و حمام ب 200 دولار 140 دينار اردني هاي ارخص شي لكيتة .
اذا تريد وياهة صالة راح يكون الايجار اغلة و الحجي اللي دا اكولة متأكد من عندة يعني مو اقل من 200 دينار تقريباً 300 دولار  هذا ارخص شي  .
و بالنسبة للكهرباء اذا بس انارة و ثلاجة و سخان تشغلة حسبة ساعتين باليوم راح تجيك 15 دينار  (20 دولار)
و المي 5 دنانير بالشهر ( 7 دولار ) تقريباً
و الانترنيت اكو هواي عروض لازم انت تجي و تختار بس اعتقد ارخص شي 20 دينار بالشهر
و المصرف اذا متريد تصرف و تببذر اقل شي 250 دولار  175 دينار اردني
و الغاز القنينة تقريباً كل 3 شهور تخلص و سعرهة 10 دنانير 

اتمنى فدتك شوية بالاسعار و اي شي تحتاج هم جاهز 

[husseinhah]

شكراً اخوية ابو شمس على التوضيع الله يسهل امرك أن شاء الله

[husseinhah]

شكراً اخوية زاكوري على التوضيح وعاشت ايدك بس حبيت اعرف أي منطقة أنسب للعائلة وهادئة وأكدر احصل بيها بهاي الاسعار وتكون متوفرة بيها الخدمات مثلاً اسواق قريبة
بصراحة دا اشوف عمان أنسب من تركيا وأسهل بالتعامل من حيث أللغة وسهولة ألتنقل وألمصروف بتقديري نفس الشي تقريباً شنو رأيكم أخواني من هالناحية أرجو ألرد وشتفضلون

مع جزيل ألشكر أخوية زاكوري وألأخوة ألأعضاء وربي يسهل أمركم وتسافرون بأسرع وقت

[ام ريا]

عاشت ايدك زاكوري كفيت ووفيت  معلوماتك مضبوطة ... واخي بما انه انت هسة رح تبدي مشوارك فاحسنلك تستاجر فارغ وتنزل لوسط البلد يم الجامع الحسيني تشتري اثاث مستعمل واكو طباخات وتلفزيونات باسعار هواية انسب من المولات وتكون جديدة وبيه كفالة يعني موشرط مستعمل تاخذ الكهربائيات  وترة العيشة موغالية احجيلك عن حالي الحمدلله 400 دولار مكفيتني بالشهر ومستاجرة وكاعدة بعمان الغربية وعندي طفلتين وثق بالله اذا ادير بالك علة طفلك متحتاج توصل للطبيب وحتة الدوا متحتاجة ومع هذا اكو طبيب اطفال كلش معروف بالكاردنز ومن اهل الله سعر الكشف 5 دنانير بينما الباقين 20 دينار اسم الدكتور مؤمون شوقي عميرة مقابيل البوبايز بالكردنز وان شاء الله متحتاجة
والنت حاليا نزل سيم كارت لزين اسمة مش طبيعي تعبي 6 دنانير بالشهر وطول الشهر مكالمات داخلية مجانية وبي ا كيكا نت بصراحة زين احسن من الراوترات وكل شهر ادفع 25 دينار او اكثر  واي شي تحب تسئلة اني حاضرة ممكن اجاوب وتوصلون بالسلامة ان شاء الله

[هشام ابو يوسف]

شكرا على المعلومات القيمه . هسه ياهو احسن تركبه لو عمان . بعدني كاعد ابغداد ناس اتكول تركيا احسن عمان غاليه تركيه فيزه سهله عمان شهر وراه بره امين مجيت ارجع واني ظال احجايه اجيبني وحجايه اترجعني او حاير الى اين التوجه ...

[ام ريا]

تركيا ماعرف عنه شي بس عمان محد يطردك هاي العالم كلهة هنا محد طردهة بس اني اكلك شغل ماكو لان السوريين يشتغلون باكلهم ونومتهم بدون فلوس يعني لازم يكون عندك فلوس وتجي لعمان او احد يدزلك من العراق ومو مبلغ جبير 500 دولار تكفيك ان شاء الله وية الكهرباء والاجار

[husseinhah]

شكرأ اختي ام ريا الله يوفقج يارب على الرد الحلو واني السبت راح اقدم فيزا ان شاء الله واتوكل بس اريد اعرف اي منطقة مناسبة لسكن العائلة وبالنسبة لمنطقتج الي ساكنة بيهة شلونهة انطيني معلومات شوية ومن احتاج شي اراسلج

وشكد يكلف الاثاث المستخدم تقريباً

شكراً جزيلاً واتمنالج التوفيق والسفر القريب يارب

[Zakory]

شكراً اخوية زاكوري على التوضيح وعاشت ايدك بس حبيت اعرف أي منطقة أنسب للعائلة وهادئة وأكدر احصل بيها بهاي الاسعار وتكون متوفرة بيها الخدمات مثلاً اسواق قريبة
بصراحة دا اشوف عمان أنسب من تركيا وأسهل بالتعامل من حيث أللغة وسهولة ألتنقل وألمصروف بتقديري نفس الشي تقريباً شنو رأيكم أخواني من هالناحية أرجو ألرد وشتفضلون

مع جزيل ألشكر أخوية زاكوري وألأخوة ألأعضاء وربي يسهل أمركم وتسافرون بأسرع وقت

العفو اخوية العزيز اني مريت بنفس حيرتك ولهذا اعرف اللي ديصير بيك و بالنسبة للمنطقة اني افضلك شارع الجامعة لأن النقل بيه سهل و زين و كلشي اكو قريب من عندك و الاسعار بيه مناسبة نوعاً ما باقي عمان بصورة عامة غالية الا المناطق الكلش بعيدة تلكاهة رخيصة و اني ابد ما انصح بيهة و اانت على راحتك و الله يوفقك 
و بالنسبة تركية لو الاردن اني اشوف الاردن احسن لأن التعامل وية الناس اسهل و معاملاتها مو كلش بطيئة زينة يعني الامم المتحدة ينطوك مقابلة بالاردن ورة 3 شهور من التسجيل بتركيا من 5 الى 7  و انت بكيفك بعد  .

[Zakory]

شكرا على المعلومات القيمه . هسه ياهو احسن تركبه لو عمان . بعدني كاعد ابغداد ناس اتكول تركيا احسن عمان غاليه تركيه فيزه سهله عمان شهر وراه بره امين مجيت ارجع واني ظال احجايه اجيبني وحجايه اترجعني او حاير الى اين التوجه ...

اخي الفيزة المكاتب تطلعلكياهة ورة 15 يوم  بشارع السعدون  روح جيك وية  الشركات و شوف ياهية اكثر وحدة تناسبك
و عمان احسن مثل مكالت الاخت ام ريا 500 دولار تكفيك بالشهر اذا تقتصد بالصرف و تركيا ما اعتقد الصرف  اقل من هيج شي
و خلي ببالك ترة اول شهر بهذلة كلش مابين تدور شقة و مابين تتعلم الدروب مال الاردن و هالسوالف و نصيحة لتروح على دلالين ترة نصابين ياخذون العمولة و ياخذوك على شقق كلش تعبانة و متستفاد اي شي منهم اجرر اول شهر شقة حتى لو غالية و بهالشهر دور على راحتك بالجرايد .
و اي مساعدة اكدر اقدمهة اني جاهز

[Zakory]

عاشت ايدك زاكوري كفيت ووفيت  معلوماتك مضبوطة ... واخي بما انه انت هسة رح تبدي مشوارك فاحسنلك تستاجر فارغ وتنزل لوسط البلد يم الجامع الحسيني تشتري اثاث مستعمل واكو طباخات وتلفزيونات باسعار هواية انسب من المولات وتكون جديدة وبيه كفالة يعني موشرط مستعمل تاخذ الكهربائيات  وترة العيشة موغالية احجيلك عن حالي الحمدلله 400 دولار مكفيتني بالشهر ومستاجرة وكاعدة بعمان الغربية وعندي طفلتين وثق بالله اذا ادير بالك علة طفلك متحتاج توصل للطبيب وحتة الدوا متحتاجة ومع هذا اكو طبيب اطفال كلش معروف بالكاردنز ومن اهل الله سعر الكشف 5 دنانير بينما الباقين 20 دينار اسم الدكتور مؤمون شوقي عميرة مقابيل البوبايز بالكردنز وان شاء الله متحتاجة
والنت حاليا نزل سيم كارت لزين اسمة مش طبيعي تعبي 6 دنانير بالشهر وطول الشهر مكالمات داخلية مجانية وبي ا كيكا نت بصراحة زين احسن من الراوترات وكل شهر ادفع 25 دينار او اكثر  واي شي تحب تسئلة اني حاضرة ممكن اجاوب وتوصلون بالسلامة ان شاء الله

و ايدج العايشة اخت ام ريا انشالله اللي نكدر نساعد بيه نسويه

[Zakory]

شكرأ اختي ام ريا الله يوفقج يارب على الرد الحلو واني السبت راح اقدم فيزا ان شاء الله واتوكل بس اريد اعرف اي منطقة مناسبة لسكن العائلة وبالنسبة لمنطقتج الي ساكنة بيهة شلونهة انطيني معلومات شوية ومن احتاج شي اراسلج

وشكد يكلف الاثاث المستخدم تقريباً

شكراً جزيلاً واتمنالج التوفيق والسفر القريب يارب

عاشت ايدهة للأخت ام ريا على معلوماتها 
و بالنسبة للأثاث
1000 دولار اعتقد تكفيك تأثث تأثيث مناسب و انشالله تلكة الارخص

[husseinhah]

شكراً اخوية زاكوري وأختي ام ريا وألله يبرد قلوبكم بخبر سفركم أن شاء الله والله ما اعرف شلون اشكركم على هذي المعلومات القيمة وباجر اتوكل عالفيزا وألله كريم وأرحم الراحمين

[هشام ابو يوسف]

شكرا الى اخت ام ريا والى اخ زاكوري على الرد . والى اخ husseinhah . فيزه موجود 60 دولار شهر تخلص وراه اجدد نازم ...

[husseinhah]

شكرا ابو يوسف الصبح اتوكل لكراج العلاوي او للمنصور واقدم فيزا مناك لأن أريد أسافر بالباص او جيمسي لأن الطيران غالي

شكراً اخي العزيز

[ام ريا]

الله يسهل امركم ومن هسة حضروا هدوم شتوية  وجيبوا بطانيات ام الطبقتين  واذا تكدر جيب شاشة تلفزيون وياك وستلايت  وحاول يتخليهم يبينون مستعملات حتة مينحسب عليك كمرك واول يوم من توصلون بخير وسلامة انزلوا بشقق فندقية اكو بالكاردنز خلف السيرك الروسي توصلون تعبانين ترتاحون وثاني يوم اطلعوا بالمنطقة اتمشوا وتلكون اوراق مال اجار شقق واستوديوهات عالعواميد وعلاحياطين واتصل بيهم .. واني ماعندي مانع اشوفلكم هاي الاعلانات الي بمنطقتي لكن افضل انتو يجوز متعجبكم المنطقة او مثلا عدكم كرايب بغير مكان وتردون ترحون قريب منهم فعلة راحتكم بس اول يوم توصلون حتة لتحيرون الشقق الفندقة الي خلف السرك زينة ومنطقة حلوة وامينةولتحاف من اسعار الاجار لان شتة وسياحة ماكو

[husseinhah]

شكراً ام ريا بارك الله بيج وبجهودج ماقصرتي ربي يحفظج ويسهل امرج

[ام ريا]

وطبعا لتنسون جنطة الادوية بندول علة كم شريط انتي بايوتك وللطفل الله يحمي فد كم علبة انتي بايوتك لان شوية غالي الدوة وان شاء الله متحتاجوا وجيب وياك جاااااااااااي عراقي لان هنا كلة تي باك وكلش مطيب

[عمر النعيمي]

السلام عليكم ردود مفيدة

واني ايضا جنت حاير بين تركيا وعمان بس استقريت على عمان

من ناحية شغل اقاربي يدبرولي ومن ناحية معيشة

يوصلني 700$ من بغداد بلشهر

وعندي بس طفلة وزوجتي

يعني اذا يدخلي الف دولار

تكفيني بلشهر

لو لا

ارجوكم ساعدوني لان راح اترك وضيفتي وكولشي

ماريد ارجع لبغداد

ومن ناحيةً الموعد الاول كم شهر

والمساعدات سمعت بلشهر ينطون 65 دينار للشخص الواحد

ارجو الرد

ومشكورين

اخوكم عمر النعيمي

[abo shams]

اخي العزيز
احد الاخوه نزل البارحه موضوع بنفس سؤالك وجاوب عليه الكثير من الشباب مشكورين ياريت تطلع عليه ... عموما
بالنسبه للسكن الاخت ( ام راما ) كلمتك عن منطقه اني ساكن بيه  " الكاردنز " اخي قبل يومين بحثت لصديق على استوديو لشخص واحد
دفع 5 اوراق باستدوديو وما قبلو ياجرو .. عمان الشرقية ارخص بكثير من عمان الغربية هذا شئ ... الاخر كل الخضراوات و المواد الغذائية
في عمان الشرقية ارخص بكثير من منطقتنه ... و الشئ المهم الاخر انه بس تخبر اليو ان انك تسكن بالكاردنز انسه شي اسمه مساعدات اطلاقا .. لان همه رح يجوك زياره اكيد قبل ما يخصصولك راتب .. طبعا تفاصيل الراتب ياريت اتنزل موضوع بي هذا السؤال لان ما عندي بي اي معلومه ... اما بخصوص اول مقابله هاي الفتره العراقيين مقابلاتهم انفصلت عن السوريين فان شاء الله ما تتاخر يجوز شهر او اكثر بقليل الله واعلم لكن الموعد ما يتجاوز ثلاث اشهر او اقل ,,
بخصوص التلفزيون اني اقربي جاب بلازمه مستمعمله وما تسوه يعني قياس 28 اخذو منه ورقه كمرك .. لكن ممكن اجيب رسيفر و الادوات الكهربائيه محد يحاجيك و سوالف البطانيات وغيره هم جيب تره هنا غاليه و الجو بارد .... و اذا تكدر جيب لوبيا حمره " عوووين " لان هنا سعر الكيلو 5 اردني وهسه مفقوده .. واني كلش احبه بالسبيناغ 

[عمر النعيمي]

مشكور اخوية ابو شمس على اجوبتك

مقصرت واللوبية الحمرة هنا ب بغداد محد بحالها

شعجب مفقودة

واني لا احب السبيناغ ولا ال لوبية

مشكوور وردة

تحياتي

[ام ريا]

ابو شمس يمعود ايست العالم العالم خطية ترة اكو شقة ارضية يم بيتي ب250 دينار فارغة بس غرفتين نوم (جبيرة يعني ماتوقع تفيد الاخوة)وال250 دينار تساوي تلثمية وخمسين دولار  بعدين سامح مول ماشاء الله اسعار الاكل والاغراض كلهة نفس وسط البلد اذا مواقل  اني مرات الجمع انزل للبلد بالعكس التكاسي تطلع علية اغلة اصلا سامح مول الاكل بي حتة ارخص من بغداد ... وعاللوبية الحمرة كلي وين انت اني اوصي اهلي من العراق يدزولك لان ذابحيني بالاشياء اليابسة الباكلة والحمص والفاصولية يمكن الي بالعراق  عبالهم احنة هنا عايشين سبات ههههههههههه

وعالكهربائيات اني كل ماروح للعراق اجيب مرة جبت غسالة ماتي مال بيتي مستعملة ومرة اوفن كهربائي رسيفر هم زوالي صغيرة وبطانيات وصوبات صغيرة طبعا بس تلفزيون كان السايق جايب بلازما واني بالحدود كتلهم هذا الي ومكلولي اي شي بس يمكن لان مقيمة ماعرف بعد عالعموم كلشي يفيد الشتة والبرد يستحسن تجيبواوالي يسئلكم بالحدود كلولة هاي لكرايبنة مقيمن لتكولون الكم لان يتخبلون من اللاجئين لان عمان مليانة ناس

[abo shams]

ابو شمس يمعود ايست العالم العالم خطية ترة اكو شقة ارضية يم بيتي ب250 دينار فارغة بس غرفتين نوم (جبيرة يعني ماتوقع تفيد الاخوة)وال250 دينار تساوي تلثمية وخمسين دولار  بعدين سامح مول ماشاء الله اسعار الاكل والاغراض كلهة نفس وسط البلد اذا مواقل  اني مرات الجمع انزل للبلد بالعكس التكاسي تطلع علية اغلة اصلا سامح مول الاكل بي حتة ارخص من بغداد ... وعاللوبية الحمرة كلي وين انت اني اوصي اهلي من العراق يدزولك لان ذابحيني بالاشياء اليابسة الباكلة والحمص والفاصولية يمكن الي بالعراق  عبالهم احنة هنا عايشين سبات ههههههههههه

وعالكهربائيات اني كل ماروح للعراق اجيب مرة جبت غسالة ماتي مال بيتي مستعملة ومرة اوفن كهربائي رسيفر هم زوالي صغيرة وبطانيات وصوبات صغيرة طبعا بس تلفزيون كان السايق جايب بلازما واني بالحدود كتلهم هذا الي ومكلولي اي شي بس يمكن لان مقيمة ماعرف بعد عالعموم كلشي يفيد الشتة والبرد يستحسن تجيبواوالي يسئلكم بالحدود كلولة هاي لكرايبنة مقيمن لتكولون الكم لان يتخبلون من اللاجئين لان عمان مليانة ناس

هلو اخت ام ريا
اني ساكن يم اسواق شاكر .. شي 200 متر عنه
و الله اني احكيلك اللي صار وياي بالضبط الاسبوع الماضي
ياريت ادليني وين هاي الشقه ؟؟؟ لان عندي عائلة صديق ديجون بعد كم يوم ممكن اخذه الهم