ياحـوتـَــه يامـَـنـْحـوتـَــه

[ميسون نعيم الرومي]

ياحـوتـَــه يامـَـنـْحـوتـَــه
ميسون نعيم الرّومي
 
ياحـوتـَه يامـَنـْحـوتـَه هـدّي گـُمـَرْنـَه العالي
 وانْ چـانْ مـَتـْهديـنـَه إنـْدُگـْـلچْ ابْصينـيـَه
 
بـَــغـْدادْ الگـمـَرْ ضـَوَّه ابـْـلـَيـاليـنـَــه
شـو غـَفـْـلـَه انـْهـِزَمْ وانـْضرَبْ سـِچـيـنـَه
طيـقْ اوطاقْ..اوانـدِگْ شـرَدْ يـِسـْبـيـنـَـه
العـالي گـمـَرْنـَـه .. ويـَـن هالنـِـيـَّه ؟
------------------
غـابْ الگــُمـَرْ عـَـنـّچْ يـَـبـَـغـْدادْ
مـِنْ عـِنـدچْ مـِشـَوْ سـومـَرْ اوشـبـْعـادْ
هـولاكـوْ اهـْجـِموْ واولادَه والأحـْـفـادْ
كـُلْ يـومْ اليـِـمـرْ هالعـِدْنـَه لـَطـْمـيـَه
-------------------
حـكوماتْ اوچـثـيـرَه اهواي حـُكـْمـَتـنـَه
بالدَمْ طـَبـّشـَتْ كـِتـْـلـَتْ اوذبـْحـَـتـْـنـَـه
حـراميـَّه التـِبوگ اوكـُلـشـي..فـَلسـَتـْـنـَه
ياســـامـعْ الصوتْ..العـَبـَـوْ چـوبـيـَه
-------------------
گاعـِدْ بالسـِمـَه يالگــُمـَرْ يالگـاعـِدْ
اذراعْ العـَدالـَه انـْتَ والسـاعـِدْ
هالأنـْتَ الوَحـيـدْ الشـاهـِدْ الواحـِدْ
تـِشـْـهـَدْ وابـْظـلمْ ذولـَـه اللهـيـَبـيـَه
---------------------
گاعـِدْ بالعـَلالي ياگـُمـَر ياسـاكـتْ
ولدْنـَه اتـْيـَتـِمـَتْ هالضاعـَتْ اوتاهـَتْ
امـْريكا الوَطـَنـَّه احـْتـَلـَتْ اوباعـَتْ
ويـّاهـَه مـِشـَــتْ جـوگــَـة افــَنـْديـَـه
-------------------
ويـلي اتـْـفـَـلـِشـَـتْ بـَغـْدادْ ياويـَـلي
شـو چـَنـْهـَه خـَرابـَه او يهـدمْ ابـْحيلي
يادنـْيـَه المـَصيرْ اشـْلونْ گــُليـلي
ابـْكـُلْ بـيـَتْ اونـمرْ مـَكـْـتـولْ واليـّه
-------------------
غـَضَبْ هذا النـَفـط ماتـُـقـْبـضْ اومـِنـَّه
يـِضْحـَكْ للغـرُبْ وابـنـارَه يـِحـْرگـْنـَه
للجـيرانْ زودَه..اومـَضـْمـَضْ ابدَمـْنـَه
يادَمْ العـِراقْ الدفـَگْ ليـَلـيـَه
--------------------
مـَدارسـْـنـَه تـِخـَرجْ دومْ لـَطــّامـَه
دكـْـتـورا صارْ ابـْلـَفْ العـْمـامـَه
للمـاضي نـِسَـه منْ يـِدگْ دَمّـامـَه
سـِمـَعـْـتـي بالمـضَه خاله يـَنـَـشـميـَّه
-------------------
شـِعـاراتْ ارفـْعوْ اوأَبـَدْ مـَكـتـوبـَه
وانـْـتـَخـْبـوْ الشـَفـيـه الشـاعـَتْ اعـْيـوبـَه
عَ الكـُرْسـي تـِروكـِضْ كـُلهـَه مـَچـْـلوبـَه
إنـّتـَخـْبـوْ العـَفـيـفْ الصـادقْ النـِيـّه
--------------------
النـِسـوانْ عـيـنـي امـْچـَفـفـَه اوتـخـْطـبْ
إجـْواريبْ لبـْسـَتْ بالوَطـَنْ تـِلـْعـَبْ
اسـْوَدْ كـُلْ لـِبـِسـْهـَه اغـْرابْ يـِتـمـَلعـَبْ
نـالوْ مـِنْ قـَدَرْهـَه مـَرأه عـِراقـيـَه
-------------------
اكتوبر / 2013
ســـتـوكــهـولم

[Odisho Youkhanna]

مـَدارسـْـنـَه تـِخـَرجْ دومْ لـَطــّامـَه
دكـْـتـورا صارْ ابـْلـَفْ العـْمـامـَه
للمـاضي نـِسَـه منْ يـِدگْ دَمّـامـَه
سـِمـَعـْـتـي بالمـضَه خاله يـَنـَـشـميـَّه
-------------------
شـِعـاراتْ ارفـْعوْ اوأَبـَدْ مـَكـتـوبـَه
وانـْـتـَخـْبـوْ الشـَفـيـه الشـاعـَتْ اعـْيـوبـَه
عَ الكـُرْسـي تـِروكـِضْ كـُلهـَه مـَچـْـلوبـَه
إنـّتـَخـْبـوْ العـَفـيـفْ الصـادقْ النـِيـّه
--------------------
النـِسـوانْ عـيـنـي امـْچـَفـفـَه اوتـخـْطـبْ
إجـْواريبْ لبـْسـَتْ بالوَطـَنْ تـِلـْعـَبْ
اسـْوَدْ كـُلْ لـِبـِسـْهـَه اغـْرابْ يـِتـمـَلعـَبْ
نـالوْ مـِنْ قـَدَرْهـَه مـَرأه عـِراقـيـَه