ܗܘܡܣܐ ܡܚܪܝܐ - ܡܫܘܚܬܐ ܕ ملحمة شعرية - القصيدة الرابعة


المحرر موضوع: ܗܘܡܣܐ ܡܚܪܝܐ - ܡܫܘܚܬܐ ܕ ملحمة شعرية - القصيدة الرابعة  (زيارة 2462 مرات)

0 الأعضاء و 1 ضيف يشاهدون هذا الموضوع.

غير متصل خاميس كيوركيس

  • عضو فعال
  • **
  • مشاركة: 65
  • خاميس كيوركيس
    • مشاهدة الملف الشخصي
ܗܘܡܣܐ ܡܚܪܝܐ
ܡܫܘܚܬܐ ܕ

ܦܣܝܼܥܠܵܗ̇ ܠܲܩܵܕ̄ܡܵܐ ܒܲܙܗܝܼܪܘܼܬ̣ܵܐ ܪܲܒܬ̣ܵܐ ܘܡܲܣܝܵܡܬܵܐ ܕܒܵـܠܵܐ
ܚܙܘܼܩܝܵܐ ܠܵܐ ܝܕܝܼܥܵܐ ܘܕܲܥܬ̣ܝܼܕ ܚܸܫܟܵܢܵܐ ܒܲܬܗܝܼܪܘܼܬ̣ܵܐ ܢܦܵـܠܵܐ
ܢܵܛ̈ܘܼܪܹܐ ܕܡܲܠܟܵܐ ܟܪܝܼܟ̣ܹ̈ܐ ܠܐܝܼܢܵܢܵܐ ܒܣܲܝܦܵܐ ܘܡܲܛܵܠܵܐ
ܓܲܝܣܵܐ ܒܐܝܼܩܵܪܵܐ ܘܡܲܟܸܦܬܵܐ ܕܪܹܫܵܐ ܫܠܵܡܵܐ ܒܸܫܩܵܠܵܐ
ܡܲܠܟܵܐ ܥܲܠ ܡܟܼܝܼܪܬܹܗ ܒܚܲܕܘܼܬ̣ܵܐ ܪܲܒܬ̣ܵܐ ܠܨܲܕܪܹܗ ܒܸܩܦܵـܠܵܐ
ܓܝܼܓ̣ܠܵܐ ܕܡܲܪܟܵܒ̇ܬܵܐ ܠܓـܹܒܵܐ ܕܝܲܡܝܼܢܵܐ ܡܫܲܪܘܿܝܹܐ ܦܬ̣ܵܠܵܐ
ܣܲܪܢܵܐ ܕܲܦܪܸܙܠܵܐ ܓܵܘ ܚܘܼܓܬܵܐ ܛܚܵܢܵܐ ܘܨܸܪܨܸܪܬܵܐ ܕܩܵܠܵܐ
ܣܘܼܣܵܝ̄ܐ ܛܥܝܼܢܵܐ ܢܝܼܪܵܐ ܘܝܘܼܩܪܵܐ ܘܠܹܐ ܝܠܹܗ ܩܒ̣ܵـܠܵܐ
ܐܲܪܥܵܐ ܒܸܫܥܵܫܵܐ ܡܲܪܟܲܒ̇ܬܵܐ ܢܗܵܙܵܐ ܘܣܘܼܣܵܝ̄ܐ ܒܸܨܗܵܠܵܐ
ܠܲܩܲܕ̄ܡܵܐ ܛܪܵܝܵܐ ܒܹܝܢ ܓܲܠܹܠ̈ܐ ܕܚܝܼܙܵܐ ܬܪܵܥܵܐ ܘܦܨܵܠܵܐ
ܒܸܓܪܵܫܵܐ ܒܚܲܝܠܵܐ ܕܓܲܪܡܵܐ ܘܒܸܣܪܵܐ ܕܠܲܝܬ ܠܹܗ ܫܦܵܠܵܐ
ܫܡܲܝܵܐ ܫܓ̣ܝܼܫܬܵܐ ܦܘܼܚܵܐ ܕܬܵܝܡܢܵܐ ܘܙܵܘܥܵܐ ܕܥܲܠܥܵܠܵܐ
ܚܝܼܙܵܐ ܘܬܘܼܙ ܐܲܝܟ̣ ܩܲܡܚܵܐ ܛܚܝܼܢܵܐ ܒܲܡܚܘܼܠܬܵܐ ܢܚܵܠܵܐ
ܪܬܹܝܬܵܐ ܘܕܸܚ̱ܠܬ̣ܵܐ ܢܲܦ̮ܫܵܗ̇ ܘܪܸܥܝܵـܢܵܗ̇ ܘܦܲܓ̣ܪܵܗ̇ ܒܸܪܥܵܠܵܐ
ܚܸܠܡܵܗ̇ ܘܚܸܙܘܵܗ̇ ܘܪܸܓ̣̈ܫܵܗ̇ ܟܠܲܝܗܝ ܚܒ̣ܵܛܵܐ ܘܓܒ̣ܵܠܵܐ
 ܠܸܒܵܐ ܦܠܝܼܓ̣ܵܐ ܦܲܠܓܹܗ ܒܸܓܢܵܝܵܐ ܠܓܹܒܵܐ ܕܣܸܡܵܠܵܐ
ܚܘܼܒܵܐ ܕܒܲܪܝܼܵܐ ܥܲܡ ܚܘܼܒܵܐ ܕܡܲܠܟܵܐ ܒܡܲܣܲܐܬ̣ܵܐ ܬܩܵܠܵܐ
»»»»»»»»»»»»»»»»
ܬܪܵܘܝܗܝ ܒܫܲܘܝܘܼܬ̣ܵܐ ܡܫܘܼܚܬܵܐ ܕܚܘܼܒܵܐ ܒܟܹܐܢܘܼܬܵܐ ܟܝܵܠܵܐ
ܦܪܵܫܬܵܐ ܘܫܘܼܢܵܝܵܐ ܡܘܿܬ̣ܵܐ ܕܚܲܝܹ̈ܐ ܠܪܘܼܚܵܐ ܩܛܵܠܵܐ
ܦܘܼܣܩܵܢܵܐ ܫܩܝܼܠܵܐ ܚܸܠܛܵܐ ܝܵܢ ܬܪܝܼܨܵܐ ܠܒܵܪܘܿܝܵܐ ܬܟ̣ܵـܠܵܐ
ܗܘܼܝܡܵܢܵܐ ܕܒܵܒܵܐ ܘܕܟ̣ܵܪܵܐ ܕܝܸܡܵܐ ܬܸܠܝܹ̈ܐ ܥܲܠ ܩܕܵܠܵܐ
ܡ̣ܢ ܦܘܼܡܵܐ ܠܦܘܼܡܵܐ ܒܸܕ ܦܵܝܫܝܼ ܢ̈ܛܝܼܪܹܐ ܒܝܘܼܒܵܠܵܐ
 ܝܵܘܡܵܐ ܝܲܪܝܼܟ̣ܵܐ ܡܲܢܝܵܚܬܵܐ ܟܪܝܼܬ̣ܵܐ ܩܵܐ ܠܥܲܣܬܵܐ ܕܐܹܟ̣ܵـܠܵܐ
ܬܚܘܼܬ ܪܲܚ̈ܡܹܐ ܕܫܸܡܫܵܐ ܒܸܣܒܵܪܵܐ ܠܪܲܡܫܵܐ ܘܛܸܠܵܠܵܐ
ܒܸܚܠܵܡܵܐ ܒܛܘܼܪܵܐ ܘܓܲܢܬ̣ܵܐ ܘܪܲܓ̣ܘܿܠܵܐ ܘܢܲܗܪܵܐ ܙܲܠܵܠܵܐ
ܒܸܩܛܵܠܵܐ ܚܲܫܵܐ ܘܥܸܕܵܢܵܐ ܒܚܘܼܠܡܵܢܹ̈ܐ ܛܵܒ̣ܹ̈ܐ ܒܸܚܡܵܠܵܐ
ܣܲܒ̣ܪܵܐ ܕܐܲܣܝܼܪܵܐ ܕܲܕܥܲܪܬܵܐ ܠܒܲܝܬܵܐ ܚܘܼܠܡܵܐ ܕܲܓܵܠܵܐ
ܒܲܪܝܼܵܐ ܐܲܬ̣ܪܵܐ ܚܘܼܪܒܵܐ ܘܡܲܥܡܪܵܐ ܕܓܘܼܡ̈ܠܹܐ ܘܓܲܡܵܠܵܐ
ܒܠܸܠܝܵܐ ܘܐܝܼܡܵܡܵܐ ܐܲܝܟ̣ ܣܦܝܼܢܹ̈ܐ ܕܝܲـܡܵـ̈ܐ ܛܲܥ̈ܢܹܐ ܒܸܢܩܵܠܵܐ
ܐܲܪܥܑܵܐ ܝܒ̣ܝܼܫܬܵܐ ܡ̈ܝܼܵܐ ܡ̣ܢ ܒܹܐܪܑܵܐ ܒܥܲܣܩܘܼܬ̣ܵܐ ܢܛܵܠܵܐ
ܐܲܠܵܗܹ̈ܐ ܥܪܝܼܩܹ̈ܐ ܠܲܫܡܲܝܵܐ ܘܒܝܼܫܹ̈ܐ ܛܸܫܝܹ̈ܐ ܓܵܘ ܚܠܵܠܵܐ
ܐܲܠܵܗܵܐ ܐܵܫܘܿܪ ܓܵܘ ܬܵܝܡܢܵܐ ܠܲܝܬ ܠܹܗ ܗܲܝܟܠܵܐ ܘܐܝܼܣܵܓܵܝܠܵܐ
ܘܠܵܐ ܣܲܓ̣ܕܵܢܵܐ ܘܠܵܐ ܡܨܲܠܝܵـܢܵܐ ܘܠܵܐ ܟܲܗܢܵܐ ܡܲܠܵـܠܵܐ
ܘܠܵܐ ܕܟ̣ܵܪܵܐ ܘܙܘܼܝܵܚܵܐ ܘܠܵܐ ܥܲܕܥܹܐܕܵܐ ܘܨܠܘܼܬ̣ܵܐ ܘܗܘܼܠܵܠܵܐ
ܫܸܡܹܗ ܡܩܲܕܫܵܐ ܢܦܝܼܠܵܐ ܛܠܝܼܩܵܐ ܡ̣ܢ ܡܫܘܼܚܬܵܐ ܕܫܘܼܕܵܠܵܐ
 ܪܲܚ̈ܡܹܐ ܩܛܝܼܥܹܐ  ܒܝܼ̈ܫܵܬ̣ܵܐ ܘܥܵܩܵܬ̣ܵܐ ܫܦܵܥܵܐ ܐܲܝܟ̣ ܡܵܡܘܿܠܵܐ
»»»»»»»»»»»»»»»»»»»»»
ܡܹܐܙܲܠܬܵܐ ܓ̰ܘܵܓ̰ܵܐ ܚܲܕ̄ܟܡܵܐ ܫܠܵܡܵܐ ܘܟܠܵܝܵܐ ܘܒܸܢܦܵـܠܵܐ
ܠܲܝܬ̣ ܕܥܵܪܵܬܵܐ ܠܲܒܵܬ̣̄ܪܵܐ ܘܠܵܐ ܥܘܼܕܪܵܢܵܐ ܘܠܵܐ ܐܝܼܵـܠܵܐ
ܚܲܒ̣ܪܵܐ ܫܲܪܝܼܪܵܐ ܒܥܸܕܵܢܵܐ ܕܲܣܢܝܼܩܘܼܬܵܐ ܚܕܵܪܵܐ ܠܥܵܘܵܠܵܐ
ܐܲܝܟ̣ ܐܲܪܝܵܐ ܒܫܘܼܪܵܝܵܐ ܕܩܪܵܒ̣ܵܐ ܐܸܕܝܘܼܡ ܡܚܝܼܠܵܐ ܪܫܵܠܵܐ
ܕܲܪܒܹ̈ܐ ܨܠܝܼܦܹ̈ܐ ܢܲܦ̮ܫ̈ܬ̣ܵܐ ܟܪܝܼ̈ܗܹܐ ܒܫܵܘܒܵܐ ܘܲܫܥܵܠܵܐ
ܡܲܖ̈ܥܹܐ ܡܫܲܚ̱ܠܦܹ̈ܐ ܘܟܘܼܪܗܵܢܹ̈ܐ ܘܐܸܫܵܬ̣ܵܐ ܘܥܘܼܒܝܵܢـܵܐ ܕܛܲܚܵܠܵܐ
ܡܲܓܠܵܐ ܕܡܘܿܬ̣ܵܐ ܒܸܚܨܵܕܵܐ ܠܫܸܒ̈ܠܹܐ ܬܲܠܝܼܠܹ̈ܐ ܕܠܵܐ ܒܫܵܠܵܐ
ܐܲܝܟ̣ ܪܹܫܵܐ ܕܪܘܼܡܚܵܐ ܚܲܪܝܼܦܵܐ ܓܵܘ ܦܲܓ̣ܪܵܐ ܫܬܵܠܵܐ
ܠܲܝܬ̣ ܩܒ̣ܲܪܬܵܐ ܘܫܘܼܡܵܫܵܐ ܕܠܵܐ ܒܸܟ̣ܝܵܐ ܕܸܡ̈ܥܹܐ ܢܨܵܠܵܐ
ܦܲܓ̣ܪܵܐ ܕܲܟ̣ܝܵܐ ܒܥ̄ܓ̰ܠܕܘܼܬܑ̣ܵܐ ܚܕܵܪܵܐ ܠܚܸܡܩܵܐ ܘܲܚܒ̣ܵܠܵܐ
ܢܲܨܝܼܚܹ̈ܐ ܕܲܩܪܵܒ̣ܵܐ ܣܒܵܪܵܐ ܠܲܡܛܵܝܬ̣ܵܐ ܠܢܝܼܢܘܸܐ ܘܣܘܼܩܒܵܠܵܐ
ܠܡܸܫܬܘܼܬ̣ܵܐ ܕܙܘܼܘܵܓ̣ܵܐ ܕܡܲܠܟܵܐ ܘܚܲܡܪܵܐ ܘܥܸܢ̈ܒܹܐ ܒܲܣܓ̣ܘܿܠܵܐ
ܠܒܘܼܪܟܵܬ̣ܵܐ ܕܟܲܗܢܹ̈ܐ ܘܩܵܠܵܐ ܕܙܲܡܵܖܹ̈ܐ ܘܟܠܝܼܠܵܐ ܘܟܘܼܠܵܠܵܐ
ܘܩܪܵܝܬܵܐ ܕܲܨ̈ܠܘܵܬ̣ܵܐ ܥܲܠ ܠܘܼܚܹ̈ܐ ܣܪܝܼܛܹ̈ܐ ܒܩܲܢܝܵܐ ܕܙܵܠܵܐ
ܪܹܝܚܵܐ ܕܒܸܣܡܹ̈ܐ ܘܥܸܛܖܹ̈ܐ ܓܵܘ ܗܝܲܟܠܵܐ ܘܚܲܡܪܵܐ ܫܚܵܠܵܐ
ܡܲܠܟܵܐ ܡܗܲܕܝܵـܢܵܐ ܡܢܲܣܝܵܐ ܠܐܘܼܪܚܵܐ ܬܪܝܼܨܬܵܐ ܫܒܵـܠܵܐ
ܫܵܒ̣ܘܿܥܹ̈ܐ ܘܝܵܘܡܵܬ̣ܵܐ ܘܐܲܠܦܹ̈ܐ ܕܡܝܼܠܹ̈ܐ ܐܲܝܟ̣ ܩܲܡ̈ܨܹܐ ܙܚܵܠܵܐ
ܙܲܗܪܝܼܪܵܐ ܙܪܵܩܵܐ ܫܡܲܝܵܐ ܚܘܵܪܬܵܐ ܠܨܸܚܘܵܐ ܒܕܵܠܵܐ
ܥܒ̣ܵܪܵܐ ܩܘܼܖ̈ܝܹܐ ܘܡܲܬ̣̈ܘܵܬ̣ܵܐ ܘܫܘܼܩܹ̈ܐ ܘܚܵܢܘܼܬ̣ܵܐ ܕܒܲܩܵܠܵܐ
»»»»»»»»»»»»»»»»»»»»
ܐܲܟܵܖܹ̈ܐ ܒܟܲܪܡܹ̈ܐ ܒܸܠܩܵܛܵܐ ܥܸܢ̈ܒ̣ܹܐ ܒܣܲܠܵܐ ܘܩܸܪܛܵܠܵܐ
ܬܵܘܖܹ̈ܐ ܕܒ̣ܵܪܵܐ ܠܫܸܒ̈ܠܹܐ ܘܒܲܟ̣̈ܬܵܬ̣ܵܐ ܣܸܡ̈ܕܹܐ ܚܫܵܠܵܐ
ܚܸܛܹ̈ܐ ܘܣܲܥ̈ܪܹܐ ܓܵܘ ܒܹܝܬ ܐܸܕܖܹ̈ܐ ܣܪܵܕܵܐ ܒܥܲܪܒܵܠܵܐ
ܒܵܬܹ̈ܐ ܒܸܢܝܹ̈ܐ ܡ̣ܢ ܛܝܼܢܵܐ ܥܲܠ ܐ̄ܓܵܪܹܐ ܬܫܘܝܼܬ̣ܵܐ ܕܐܲܪܙܵܠܵܐ
ܡܕܼܝܼܢ̄ܬܵܐ ܩܲܪܒܘܼܢܹܐ ܒܘܼܪܓ̰ܵܗ̇ ܪܵܡܵܐ ܓܵܘ ܫܡܲܝܵܐ ܓܕܵܠܵܐ
ܡܲܩܘܵܚܬܵܐ ܕܓܲܝܣܵܐ ܘܩܵܠܵܐ ܕܛܲܒ̣̈ܠܹܐ ܥܒ̣ܵܕܵܐ ܙܸܠܙܵܠܵܐ
 ܢܝܼܢܘܸܐ ܡܕܝܼܢ̄ܬܵܐ ܕܓܲܢܹ̈ܐ ܬܸܠܝܹ̈ܐ ܕܣܲܢܚܹܝܪܲܒ̣ ܐܲܪܕܸܟ̣ܠܵܐ
ܠܲܡܵܣܘܿ ܢܵܛܘܿܪܵܐ ܩܕܲܡ ܬܲܪܥܵܐ ܟܸܠܝܵܐ ܡܲܒܝܘܿܢܹܐ ܪܲܓܵܠܵܐ
ܬܵܘܪܵܐ ܘܐܲܪܝܵܐ ܘܢܸܫܪܵܐ ܘܒܲܪܢܵܫܵܐ ܪܸܡܙܵܐ ܬܗܝܼܪܵܐ ܒܣܘܼܟܵܠܵܐ
ܚܲܝܠܵܐ ܘܲܠܒ̣ܝܼܒ̣ܘܼܬ̣ܵܐ ܘܚܸܟ̣ܡ̱ܬ̣ܵܐ ܡܚܲܝ̈ܕܹܐ ܒܓܘܼܫܡܵܐ ܦܥܵـܠܵܐ
ܡ̣ܢ ܫܡܲܝܵܐ ܢܚܸܬ̣ܠܹܗ ܝܵܢ ܡܛܲܝܒ̣ܵܐ ܠܲܦܪܵܚܵܐ ܝܼܠܹܗ ܫܘܼܐܵܠܵܐ؟
ܣܦܘܼܪܘܼ ܠܲܢ ܓܵܘ ܡܫܘܼܚܬܵܐ ܗ

ܟ̣ܵܡܝܼܣ ܓܝܼܘܲܪܓܝܼܣ













غير متصل عوديشو سادا

  • عضو فعال جدا
  • ***
  • مشاركة: 487
    • مشاهدة الملف الشخصي
    • البريد الالكتروني
ܚܲܝܬ ܡܝܲܩܪܐ ܡܵܚܘ̇ܪܵܢ ܚܲܒܝܼܒܼܐ ܡܫܲܡܗܵܐ ܟܼܵܡܝܼܣ ܓܝܼܘܲܪܓܝܼܣ ܒܚܲܒܪܵܢܘܼܟܼ ܘܚܲܫܚܵܬܘܼܟܼ ܘܦܸܬܼܓܼܵܡ̈ܐ ܕܡܫܘܼܚܬܘܼܟܼ ܡܸܠܝ̈ܐ ܡܢ ܝܘܼܬܼܪܵܢܐ ܘܚܘܼܒܐ ܐܒܼܵܗܵܝܐ ܠܬܲܫܥܝܼܬܐ ܕܐܘܼܡܬܲܢ ܙܗܝܼܬܼܐ ܒܟܠܲܝܗ̈ܝ ܡܲܫܩܠ̈ܐ ܕܙܲܒܼܢ̈ܐ ܛܵܒܼ̈ܐ ܘܫܲܦܝܼܪ̈ܐ ؛ ܒܲܣܡܐ ܓܵܐܢܘܼܟܼ ܠܪܸܢܝܘܼܟܼ ܒܣܸܩܠܐ ܕܲܡܫܘܼܚܬܘܼܟܼ ܘܐܲܡܝܼܢܵܐܝܬܼ ܗܵܘܸܝܬ ܒܫܘܼܘܫܵܛܐ ܘܛܘܼܘܵܪܐ ܕܨܘܼܪܬܐ ܡܲܚܪܲܝܬܐ ؛ ܡܛܠ ܚܲܝܠܐ ܕܚܲܫܚܵܬܐ ܘܨܘܼܪܬܐ ܡܲܚܪܲܝܬܐ ܟܸܐ ܡܣܲܩܠܝܼ ܠܲܡܫܘܼܚܬܐ ܕܟܠ ܡܵܚܘܼܪܐ ܒܪܘܼܚܐ ܘܒܲܫܪܵܪܐ ؛؛ ܐܝܼܢܐ ܡܐܲܝܟܼ ܕܩܪܹܐܠܝܼ ܠܟܲܝܠܐ ܕܲܡܫܘܼܚܬܘܼܟܼ ܐܸܢ ܝܵܗܒܸܬܠܝܼ ܦܣܵܣܐ ܒܐܲܡܪܸܢܘܼܟܼ ܒܸܚܙܵܝܐ ܝ̄ܘܸܢ ܡܢ ܢܸܣܝܵܢܝܼ ܒܚܲܩܠܐ ܕܲܡܫܘܼܚܬܐ ܐܬܘܼܪܲܝܬܐ ܠܡܸܬܚܐ ܕܲܬܠܵܬـܝܼ ܘܬܪܸܝܢ ܫܢ̈ܐ ܥܒܼܝܼܪ̈ܐ ؛ ܒܸܚܙܵܝܐ ܝ̄ܘܢ ܕܠܲܝܬܠܘܼܟܼ ܢܸܣܝܵܢܐ ܓܡܝܼܪܐ ܡܢ ܕܐܵܗܐ ܓܸܢ̄ܒܐ ؛؛ ܒܚܲܝܠܐ ܕܐܲܠܵܗܐ ܒܕܲܥܬܝܼܕ ܒܗܵܘܹܝܬ ܒܸܫ ܚܲܝܠܵܢܐ ؛ ܠܫܘܼܡܠܵܝܐ ܘܲܓܡܝܼܪܘܼܬܐ ܠܫܲܦܝܪܘܼܬ ܘܣܩܝܼܠܘܼܬܐ ܒܛܘܼܘܵܪܐ ܘܙܲܗܝܘܼܬܐ ܒܙܲܗܪܝܼܪ̈ܐ ܠܨܘܼܪܬܐ ܡܲܚܪܲܝܬܐ ܘܗܲܢܝܐܘܬܼ ܡܘܼܣܝܼܩܝܼ ܠܩܪܲܝܬܐ ܕܲܡܫܘܼܚܬܘܼܟܼ ؛؛ ܒܚܘܼܬܵܡܐ ܩܒܘܼܠ ܫܠܵܡܝܼ ܘܚܘܼܒܝܼ ܘܝܼܩܵܪܝܼ

ܐܵܚܘܼܢܘܼܟܼ ܒܐܘܼܡܬܐ ܐܬܘܼܪܲܝܬܐ

ܡܵܚܘ̇ܪܐ ̣ ܥܲܒܼܕܝܼܫܘ̇ܥ ܣܲܗ̄ܕܐ ܝܘܼܚܲܢܐ

ܬܘܼܪܟܝܼܐ – ܣܛܲܢܒܘܼܠ

6 ̣ 11 ̣ 2013

 



ܐܵܚܘܢܝܼ ܡܝܲܩܪܐ ܓܼܵܡܝܼܣ ܓܝܼܘܪܓܝܼܣ ܐܗܵܐ ܐܝܼܠܹܗ ܟܲܝܠܐ ܕܡܫܘܚܬܘܼܟܼ ܫܪܝܼܪܐ 15 ܟܠ ܓ̮ܲܪܓܐ ܡܢ ܒܵܬܪ ܕܡܘܼܕܪܸܣܠܝܼ ܠܦܲܘܕ̈ܐ ܕܟܲܝܠܐ ܥܲܡ ܚܲܕ̄ܟܡܐ ܚܸܠܛ̈ܐ ܕܙܘܥ̈ܐ ܘܫܪܟܐ ܕܝܗ̄ܘܵܘ ܓܘ ܡܫܘܚܬܘܼܟܼ ؛؛ ܩܒܘܼܠ ܫܠܵܡܝܼ ܘܝܼܩܵܪܝܼ
--------------------------------------------------------------
ܗܘܡܣܐ ܡܚܪܝܐ
ܡܫܘܚܬܐ ܕ ؛؛

ܦܣܝܼܥܠܵܗ̇ ܠܲܩܵܕ̄ܡܵܐ ܒܙܲܗܝܘܼܬ̣ܵܐ ܪܲܒܬ̣ܵܐ ܘܡܲܣܝܵܡܬܵܐ ܕܒܵـܠܵܐ
ܚܙܘܼܩܝܵܐ ܠܵܐ ܝܕܝܼܥܵܐ ܘܕܲܥܬ̣ܝܼܕ ܚܸܫܟܵܢܵܐ ܒܕܘܼܡܵܪܐ ܢܦܵـܠܵܐ
ܢܵܛܘܼܪ̈ܐ ܕܡܲܠܟܵܐ ܟܪܝܼܟ̣ܹ̈ܐ ܠܐܝܼܢܵܢܵܐ ܒܣܲܝܦܵܐ ܘܡܲܛܵܠܵܐ
ܓܲܝܣܵܐ ܒܐܝܼܩܵܪܵܐ ܘܡܲܟܸܦܬܵܐ ܕܪܹܫܵܐ ܫܠܵܡܵܐ ܒܸܫܩܵܠܵܐ ؛
ܡܲܠܟܵܐ ܥܲܠ ܡܟܼܝܼܪܬܹܗ ܒܚܲܕܘܼܬܼܵܐ ܪܲܒܬ̣ܵܐ ܠܨܲܕܪܹܗ ܒܸܩܦܵـܠܵܐ
ܓܝܼܓ̣ܠܵܐ ܕܡܲܪܟܵܒ̇ܬܵܐ ܠܓـܹܢ̄ܒܵܐ ܕܝܲܡܝܼܢܵܐ ܡܫܲܪܘܿܝܹܐ ܦܬ̣ܵܠܵܐ
ܣܲܪܢܵܐ ܕܲܦܪܸܙܠܵܐ ܓܵܘ ܚܘܼܓܬܵܐ ܛܚܵܢܵܐ ܘܨܸܪܨܸܪܬܵܐ ܕܩܵܠܵܐ
ܣܘܼܣܵܝ̄ܐ ܛܥܝܼܢܵܐ ܝ̄ܠܹܗ ܢܝܼܪܵܐ ܝܲܩܘܼܪܵܐ ܘܠܹܐ ܝܠܹܗ ܒܸܩܒ̣ܵـܠܵܐ ؛
ܐܲܪܥܵܐ ܒܸܫܓܼܵܫܵܐ ܡܲܪܟܲܒ̇ܬܵܐ ܢܗܵܙܵܐ ܘܣܘܼܣܵܝ̄ܐ ܒܸܨܗܵܠܵܐ
ܠܲܩܲܕ̄ܡܵܐ ܛܪܵܝܵܐ ܒܹܝܢ ܓܲܠܠ̈ܐ ܕܚܝܼܙܵܐ ܬܪܵܥܵܐ ܘܒܸܦܨܵܠܵܐ
ܒܸܓܪܵܫܵܐ ܒܚܲܝܠܵܐ ܒܝܼ ܓܲܪܡܵܐ ܘܒܸܣܪܵܐ ܕܠܲܝܬ ܠܹܗ ܫܸܦܵܠܵܐ
ܫܡܲܝܵܐ ܫܓ̣ܝܼܫܬܵܐ ܝܠܵܗ̇ ܘܦܘܼܚܵܐ ܕܬܲܝܡܢܵܐ ܘܙܲܘܥܵܐ ܕܥܲܠܥܵܠܵܐ ؛
ܘܚܝܼܙܐ ܘܚܲܦܘܼܬܼܐ ܡܐܲܝܟ̣ ܩܲܡܚܵܐ ܛܚܝܼܢܵܐ ܒܲܡܚܘܼܠܬܵܐ ܢܚܵܠܵܐ
ܪܬܹܝܬܵܐ ܘܕܸܚ̱ܠܬ̣ܵܐ ܢܲܦ̮ܫܵܗ̇ ܘܪܸܥܝܵـܢܵܗ̇ ܘܦܲܓ̣ܪܵܗ̇ ܒܸܪܥܵܠܵܐ
ܓܵܘ ܚܸܠܡܵܗ̇ ܘܚܸܙܘܵܗ̇ ܥܲܡ ܟܠܲܝܗܝ ܪ̈ܚܫܹܐ ܚܒ̣ܵܛܵܐ ܘܒܸـܓܒ̣ܵܠܵܐ
ܠܸܒܵܐ ܦܠܝܼܓ̣ܵܐ ܝ̄ܠܹܗ ܦܲܠܓܹܗ ܒܸܓܢܵܝܵܐ ܠܓܹـܢ̄ܒܵܐ ܕܣܸܡܵܠܵܐ ؛
ܚܘܼܒܵܐ ܕܒܲܪܝܼܵܐ ܥܲܡ ܚܘܼܒܵܐ ܕܡܲܠܟܵܐ ܒܡܲܣܲܐܬ̣ܵܐ ܬܩܵܠܵܐ
ܬܪ̈ܘܲܝܗܝ ܒܫܲܘܝܘܼܬ̣ܵܐ ܚܲܕ̄ ܡܫܘܼܚܬܵܐ ܕܚܘܼܒܵܐ ܒܟܹܐܢܘܼܬܵܐ ܟܝܵܠܵܐ
ܦܪܵܫܬܵܐ ܘܫܘܼܢܵܝܵܐ ܡܼܢ ܡܲܘܬܼܐ ܕܚܲܝܹ̈ܐ ܠܪܘܼܚܵܐ ܒܸܩܛܵܠܵܐ
ܦܘܼܣܩܵܢܵܐ ܫܩܝܼܠܵܐ ܚܸܠܛܵܐ ܝܵܢ ܬܪܝܼܨܵܐ ܠܒܵܪܘܿܝܵܐ ܬܟ̣ܵـܠܵܐ :
ܗܲܝܡܵܢܬܐ ܕܒܵܒܵܐ ܘܕܘܼܟ̣ܪܵܢܐ ܕܝܸܡܵܐ ܬܸܠܝܹ̈ܐ ܥܲܠ ܩܕܵܠܵܐ
ܡ̣ܢ ܦܘܼܡܵܐ ܠܦܘܼܡܵܐ ܒܸܕ ܦܵܝܫܝܼ ܢܛܝܼܪ̈ܐ ܩܐ ܟܠ ܝܘܼܒܵܠܵܐ
 ܝܲܘܡܵܐ ܝܲܪܝܼܟ̣ܵܐ ܡܲܢܝܵܚܬܵܐ ܟܪܝܼܬ̣ܵܐ ܩܵܐ ܠܥܲܣܬܵܐ ܘܐ̄ܟܼܵܠܐ
ܬܚܘܼܬ ܪ̈ܚܡܹܐ ܕܫܸܡܫܵܐ ܒܸܣܦܵـܪܵܐ ܠܪܲܡܫܵܐ ܘܦܲܢܝܐ ܘܛܸܠܵܠܵܐ ؛
ܒܸܚܠܵܡܵܐ ܒܛܘܼܪܵܐ ܘܓܲܢܬ̣ܵܐ ܘܪܲܓ̣ܘܿܠܵܐ ܘܢܲܗܪܵܐ ܙܲܠܵܠܵܐ
ܒܸܩܛܵܠܵܐ ܚܲܫܵܐ ܘܙܲܒܼܢ̈ܐ ܒܚܘܼܠܡܵܢܹ̈ܐ ܛܵܒ̣ܹ̈ܐ ܒܸܚܡܵܠܵܐ
ܣܲܒ̣ܪܵܐ ܕܐܲܣܝܼܪܵܐ ܕܲܕܥܵܪܬܵܐ ܠܒܲܝܬܵܐ ܘܚܘܼܠܡܵܐ ܕܲܓܵܠܵܐ
ܒܲܪܝܼܵܐ ܐܲܬ̣ܪܵܐ ܚܘܼܪܒܵܐ ܘܡܲܥܸܡܪܵܐ ܕܓܘܼܡ̈ܠܹܐ ܘܓܲܡܵܠܵܐ ؛
ܒܠܸܠܝܵܐ ܘܐܝܼܡܵܡܵܐ ܡܐܲܝܟ̣ ܣܦܝܼܢܹ̈ܐ ܕܝܲـܡ̈ܐ ܛܲܥ̈ܢܹܐ ܒܸܢܩܵܠܵܐ
ܐܲܪܥܑܵܐ ܝܒ̣ܝܼܫܬܵܐ ܝܠܵܗ̇ ܡܲܝܵܐ ܡ̣ܢ ܒܹܐܪܑܵܐ ܒܥܲܣܩܘܼܬ̣ܵܐ ܢܛܵܠܵܐ
ܫܡܲܝܐ ܒܫܠܝܘܼܬܼܐ ܘܒܝܼܫܹ̈ܐ ܡܛܵܫܘܼܝ̈ܐ ܒܥܘܼܡܩܐ ܕܚܸܠܵܠܵܐ
ܐܲܠܵܗܵܐ ܐܵܫܘܿܪ ܒܬܲܝܡܢܐ ܠܲܝܬܠܹܗ ܚܲܕ̄ ܐܝܼܣܵܓܵܝܠܵܐ ؛
ܠܲܝܬܠܹܗ ܣܲܓܼܕܵܢ̈ܐ ܠܲܝܬܠܹܗ ܡܨܲܠܝܵـܢ̈ܐ ܘܟܲܗܢܵܐ ܡܲܠܵـܠܵܐ
ܘܠܲܝܬܠܹܗ ܚܲܕ̄ ܕܟ̣ܵܪܵܐ ܒܙܘܼܝܵܚܐ ܘܥܹܐܕܐ ܘܨܠܘܼܬ̣ܵܐ ܘܗܘܼܠܵܠܵܐ
ܐܵܦ ܫܸܡܹܗ ܡܩܲܕܫܵܐ ܡܢ̄ ܐܝܼܬܘܼܬܼܐ ܛܠܝܼܩܵܐ ܡ̣ܢ ܡܫܘܼܚܬܵܐ ܢܦܵܠܐ
 ܪ̈ܚܡܹܐ ܩܛܝܼܥܹܐ ܝܢܵܐ  ܘܒܝܼܫ̈ܐ ܘܥܵܩܵܬܼـܐ ܫܦܵܥܵܐ ܐܲܝܟܼ ܡܵܡܘܿܠܵܐ ؛
ܡܹܐܙܲܠܬܵܐ ܓ̰ܘܵܓ̰ܵܐ ܘܚܲܕ̄ܟܡܵܐ ܒܲܫܠܵܡܵܐ ܟܠܵܝܵܐ ܘܒܸܢܦܵـܠܵܐ
ܠܲܝܬ̣ ܕܥܵܪܵܬܵܐ ܠܲܒܵܬ̣̄ܪܵܐ ܘܠܲܝܬ ܐܵܦ ܥܘܼܕܪܵܢܵܐ ܘܠܲܝܬ ܚܲܕ̄ ܐܝܼܵـܠܵܐ
ܚܲܒ̣ܪܵܐ ܫܲܪܝܼܪܵܐ ܒܥܕܵܢܵܐ ܕܲܣܢܝܼܩܘܼܬܵܐ ܚܕܵܪܵܐ ܠܥܵܘܵܠܵܐ
ܡܐܲܝܟ̣ ܐܲܪܝܵܐ ܝܼܠܹܗ ܒܫܘܼܪܵܝܵܐ ܕܩܪܵܒ̣ܵܐ ܡܚܝܼܠܵܐ ܪܫܵܠܵܐ ؛
ܕܲܪ̈ܒܵܬܼܐ ܨܠܝܼܦܹ̈ܐ ܢܲܦ̮ܫ̈ܬ̣ܵܐ ܟܪܝܼ̈ܗܹܐ ܒܫܵܘܒܵܐ ܘܲܫܥܵܠܵܐ
ܡܲܖ̈ܥܹܐ ܡܫܲܚ̱ܠܦܹ̈ܐ ܘܟܘܼܪܗܵܢܹ̈ܐ ܥܲܣܩ̈ܐ ܘܥܘܼܒܝܵܢـܵܐ ܕܛܲܚܵܠܵܐ
ܐܵܦ ܡܲܓܠܵܐ ܕܡܲܘܬ̣ܵܐ ܒܸܚܨܵܕܵܐ ܠܫܸܒ̈ܠܹܐ ܬܸܪ̈ܝܹܐ ܕܠܵܐ ܒܫܵܠܵܐ
ܐܲܝܟ̣ ܪܹܫܵܐ ܕܪܘܼܡܚܵܐ ܚܲܪܝܼܦܵܐ ܣܪܝܼܚܐ ܓܵܘ ܦܲܓ̣ܪܵܐ ܫܕܵܠܵܐ ؛
ܩܒ̣ܵܪܬܵܐ ܘܫܘܼܡܵܫܵܐ ܕܠܵܐ ܓ̮ܢܵܢܐ ܘܒܸܟ̣ܝܵܐ ܕܡ̈ܥܹܐ ܒܸܢܨܵܠܵܐ
ܦܲܓ̣ܪܵܐ ܕܲܟ̣ܝܵܐ ܝ̄ܠܹܗ ܒܓ̰ܵܠܕܘܼܬ̣ܵܐ ܚܕܵܪܵܐ ܠܚܸܡܩܵܐ ܘܲܚܒ̣ܵܠܵܐ
ܢܲܨܝܼܚܹ̈ܐ ܕܩܪܵܒ̣ܵܐ ܣܦܵـܪܵܐ ܠܲܡܛܵܝܬܐ ܠܢܝܼܢܘܸܐ ܘܣܘܼܩܒܵܠܵܐ
ܠܡܸܫܬܘܼܬ̣ܵܐ ܪܲܒܬܼܵܐ ܕܡܲܠܟܵܐ ܘܐܵܦ ܚܲܡܪܵܐ ܘܥܸܢ̈ܒܹܐ ܒܲܣܓ̣ܘܿܠܵܐ ؛
ܠܒܘܼܪܟܵܬ̣ܵܐ ܕܟܲܗܢܹ̈ܐ ܘܩܵܠܵܐ ܕܙܲܡܵܖܹ̈ܐ ܘܟܠܝܼܠܵܐ ܘܟܘܼܠܵܠܵܐ
ܘܩܪܵܝܬܵܐ ܕܨܠܘܵܬ̣ܵܐ ܥܲܠ ܠܘܼܚܹ̈ܐ ܣܪܝܼܛܹ̈ܐ ܒܝܼ ܩܲܢܝܵܐ ܕܙܵܠܵܐ
ܥܲܡ ܪܹܝܚܵܐ ܕܒܸܣܡܹ̈ܐ ܘܥܸܛܖܹ̈ܐ ܓܵܘ ܗܲܝܟܠܵܐ ܘܚܲܡܪܵܐ ܫܸܚܵܠܵܐ
ܡܲܠܟܵܐ ܡܗܲܕܝܵـܢܵܐ ܡܢܲܣܝܵܢܐ ܠܐܘܼܪܚܵܐ ܬܪܝܼܨܬܵܐ ܫܸܒܵـܠܵܐ ؛
ܫܵܒ̣ܘܿܥܹ̈ܐ ܘܝܵܘܡܵܬ̣ܵܐ ܘܐܲܠܦܵܝ̈ܐ ܕܡܝܼܠܹ̈ܐ ܐܲܝܟ̣ ܩܲܡ̈ܨܹܐ ܙܚܵܠܵܐ
ܙܲܗܪܝܼܪܵܐ ܙܪܵܩܵܐ ܫܡܲܝܵܐ ܚܘܵܪܬܵܐ ܝܠܵܗ̇ ܠܨܸܚܘܵܐ ܒܸܕܵܠܵܐ
ܒܸܥܒ̣ܵܪܵܐ ܒܩܘܼܖ̈ܝܹܐ ܘܡܲܬ̣̈ܘܵܬ̣ܵܐ ܘܫܘܼܩܹ̈ܐ ܘܚܵܢܘܼܬ̣ܵܐ ܕܒܲܩܵܠܵܐ
ܐܲܟܵܖܹ̈ܐ ܒܟܲܪܡܹ̈ܐ ܒܸܠܩܵܛܵܐ ܥܸܢ̈ܒ̣ܹܐ ܒܣܲܠܵܐ ܘܩܸܪܛܵܠܵܐ ؛
ܬܵܘܖܹ̈ܐ ܒܸܕܒ̣ܵܪܵܐ ܠܫܸܒ̈ܠܹܐ ܘܒܲܟ̣̈ܬܵܬ̣ܵܐ ܣܸܡ̈ܕܹܐ ܒܸܚܫܵܠܵܐ
ܩܐ ܚܸܛܹ̈ܐ ܘܣܲܥܪ̈ܐ ܕܝܼܠܲܝܗ̈ܝ ܒܒܹܝܬܼ ܐܸܕܖܹ̈ܐ ܣܪܵܕܵܐ ܒܥܲܪܒܵܠܵܐ
ܒܵܬܹ̈ܐ ܒܸܢܝܹ̈ܐ ܝܢܵܐ ܡܢ̄ ܛܝܼܢܵܐ ܥܲܠ ܐ̄ܓܵܪܹܐ ܬ̄ܫܘܝܼܬ̣ܵܐ ܕܐܲܪܙܵܠܵܐ
ܡܕܼܝܼܢ̄ܬܵܐ ܩܲܪܒܘܼܢܹܐ ܒܗ̇ܘ ܒܘܼܪܓ̰ܵܗ̇ ܪܵܡܵܐ ܓܵܘ ܫܡܲܝܵܐ ܓܕܵܠܵܐ ؛
ܡܲܩܘܵܚܬܵܐ ܕܓܲܝܣܵܐ ܘܩܵܠܵܐ ܕܛܲܒ̣ܵܠܹܐ ܥܒ̣ܵܕܵܐ ܙܸܠܙܵܠܵܐ
 ܢܝܼܢܘܸܐ ܡܕܝܼܢ̄ܬܵܐ ܝܠܵܗ̇ ܕܲܓܢܵܢ̈ܐ ܬܸܠܝܹ̈ܐ ܕܣܲܢܚܹܝܪܒ̣ ܐܲܪܕܸܟ̣ܠܵܐ
ܠܲܡܵܣܘܿ ܢܛܵܪܐ ܩܲܕ̄ܡ ܬܲܪܥܵܐ ܟܸܠܝܵܐ ܡܲܒܝܘܿܢܹܐ ܪܲܓܵܠܵܐ
ܬܵܘܪܵܐ ܥܲܡ ܐܲܪܝܵܐ ܘܢܸܫܪܵܐ ܘܒܲܪܢܵܫܵܐ ܬܗܝܼܪܵܐ ܒܣܘܼܟܵܠܵܐ ؛
ܚܲܝܠܵܐ ܘܲܠܒ̣ܝܼܒ̣ܘܼܬ̣ܵܐ ܘܚܸܟ̣ܡ̱ܬ̣ܵܐ ܡܚܲܝ̈ܕܹܐ ܒܓܘܼܫܡܵܐ ܒܸܦܥܵـܠܵܐ
ܡ̣ܢ ܫܡܲܝܵܐ ܢܚܸܬ̣ܠܹܗ ܝܵܢ ܡܛܲܝܒ̣ܵܐ ܠܦܪܵܚܵܐ ܝܼܠܹܗ ܫܘܼܐܵܠܵܐ؟

ܟ̣ܵܡܝܼܣ ܓܝܼܘܲܪܓܝܼܣ
------------------------------------------------
ܫܡܘܼܟܼ ܓܵܘ ܦ̮ܲܝܣ ܒܘܼܟ ((facebook ܡܘܼܕܝܼܠܹܗ ܟܬܘܼܠܹܗ ܩܵܬܝـܼ ܩܐ ܕܗܵܘܹܝܬ ܚܲܒܼܪܝܼ ܓܘ ܦ̮ܲܝܣ ܒܘܼܟ

ܐܢܐ ܫܡܝܼ ܓܘ ܦ̮ܝܣ ܒܘܼܟ ܐܝܼܠܹܗ )audisho albelate)