( <> ( <> ( حُــبـــك ) <> ) <> )

[aboMareo]

( <> ( <> (   حُــبـــك   ) <> ) <> )

**************************************

شلون أوصف  حُبك ألي  يا  حُبي     
         معَزتك بالروح  من  بعد مـعَـزة  ربي 
                       أنت عيني وأنت روحي وأنت ًكلبي 
                                          حُبك فرحتي ودمعت عيوني
         
**************************************
       
 حُبك حبيبي بالــًكلب منحوت     
                      ما يفارًكني عنك  بس الموت
                              أحبك و أصيح  بعالي الصوت       
                                                  من  حبيبي لا تحرموني

***************************************

أني العراق وحُبك الجنائن المُعلقة بية
           أني الصين و حُبك سورها العظيم  ألية 
                   أني  سجين الغربة وحُبك الوطن والحُرية
                                               نزارالقباني بحُبك يسموني     
                                         
 ***************************************
             
حُبك حبيبي مُستحيل يتكرر من ثاني
             ولو العُمر نعيشَ مرتين أحبك  من ثاني
                       أني حبيبك الأول والأخير وما  من ثاني
                                              حُبك صار حياتي و عنواني
                                           
    ***************************************                       
                       
† ليحميكم الرب †

                       أخوكم/ أبو ماريو
 

[maryamat]

مــا ادري شـلون اوصفك يا اخــي العـزيز ابـو ماريـو على هذا الشعر الجميل والكلمات المعبره

قلت .....انت العراق وحبها الجنائن المعلقة بيه وانت الصين وحبها سور الصين
وانا اضيــف واقول ـ......انت  الأهرامـــــــات العظيمة
                               ومثلك يا ابو ماريو ماكو عظيم
  اختكم/مـريمات                     

[bid]

ياسلام يا ابو ماريو يا سلام
        عاشت الايادي .. اخوكم .. حكمت البيداري

[Abdul02]

عاشت ايدك الحلوه على الكلامات

[sarina patio]

شكر ا لك اخي مهند
إ ُحبكِ حب الروح إلى الروح.......
إ ُحبكِ بكل مافي قلبي من جروح...... 

تحياتي سارينا

[aboMareo]

شكراً لكُم أخواني وأخواتي ألأعزاء على مشاعركم الطيبة

شكراً أختي العزيزة مريمات أنتو العُضماء بذوقكُم وبمشاعركُم وبأحساسكُم وهاي ردودكُم هي أغلة كنز بحياتي .

شكراً أخي  العزيز  الغالي  حكمت البيداري .

شكراً أخي العزيز عبد الرزاق وأنت الحلو يا وردة .

شكراً أختي العزيزة سارينا وأنتي ألي روعة .

† ليحميكم الرب  †

                       أخوكم/ مهند  أبو ماريو

[MALKOTHA]

اتحدا العالم وانا معك

وبسوط عالى اقولهااهواك

انت حبيبي وقلبي وروحي فداك

ان عشقي اليك عشق القمر والنجوم ولليل والسهر

وشوقي فوق الخيال واحتمال كل البشر

[الثريا]

  احسنت .. انت مبدع نرجو منك التواصل والمزيد . رائعة كتاباتك مليئة بالاحساس  

[Aboud Esho Isaac]

اللــــــــــــــــــــــــه اللـــــــــــــــــــه اللـــــــــــــــــــه
ياســلامـ عليك يا ابو ماريو و على احساسك وكلامك
الرب يحميك و يقويك .

اخوك عبود ايشو اسحق

[aboMareo]

شكراً لكُم أخواني وأخواتي ألأعزاء على مشاعركم الطيبة

شكراً للغالية ملكوثا .

شكراً للعزيز عبود .

شكراً للوردة الجديدة ثريا .

† ليحميكم الرب  †

                       أخوكم/ مهند  أبو ماريو