يكَولك أكو واحد راح يتعلم السياقة ...
من طلع الدرس ويّـة المدرّب على سـيارة التدريب ..
المدرّب طلع كَرايبة وأكبر منه بالسن ..
كَال له المدرّب : تحرك ...
فتحرك بدون ما ينطي إشارة .. !
كَال له المدرّب :
يا أثول غير تنطي إشارة بعدين تمشي ! ..
آنزعج الرجال وفكر شلون المدرّب يحچي وياه بها لطريقه
حتى لو چان كَرايبة .. !
المهم طنّـش .. ومشى وراد يتجاوز لوري ..
فتجاوز بدون ما يباوع وراه ..
كَال له المدرّب :
يا أثول غير تباوع وراك كَبل ما تتجاوز ..
آنزعج الرجال وفكر شلون المدرّب يحچي وياه بها لطريقه .. !
وبعد هم طنـش ومشى وچان كَدامه إشارة ضوئية أصفر ..
كَام داس بانزين وتجاوزها .. !
كَال له المدرّب :
يا أثول الإشارة الصفرا يعني هـدّئ السرعة مو تزيد السرعة .. !
الرجال طلعت روحه وكَال للمدرّب :
أنا الحق علـيّ آني كَاعد أتـدرّب ويّــة أشكالك .. !
ما أريد أتـدرّب على السواقة وأريدك ترجعني منّـين ما أخذتني ..
المهم نزلوا وتبادلوا الأماكن , وشغل المدرّب السيارة
وتحـرّك بدون ما ينطي إشارة .. !
شافه شرطي المرور ووكَـف صاحبنـه اللّي يريد يتعلم ..
فرح هواية وكَال هسة الشرطي راح ياخذ
حيفي منّـه .. !
إجا الشرطي لعنده وكَال له :
الحق مو عليك .. أنت باين عليك تتـدرّب .. !
بـس الحق على الأثول اللّـي كَاعد بصفك .. !
