إعادة الموظفين من اللاجئين العراقيين العائدين الى البلاد لوظائفهم واعتبار فترة الهجرة اجازة بدون رات

[فرندو]

أخوان هذا خبر منقول على هذا الرابط خاصة لأخوتنا في سوريا و دول الجوار من الموظفين و غير الموظفين ((قرر مجلس الوزراء، الثلاثاء، إعادة الموظفين من اللاجئين العراقيين العائدين الى البلاد لوظائفهم واعتبار فترة الهجرة اجازة بدون راتب، فيما قرر شمول العائدين ممن لا يملكون مؤهلات دراسية كافية بالضمان الاجتماعي.

وقالت الأمانة العامة لمجلس الوزراء في بيان، صدر اليوم، وتلقت "السومرية نيوز"، نسخة منه، إن "مجلس الوزراء عقد، اليوم، جلسته الـ48 الاعتيادية برئاسة رئيس الوزراء نوري المالكي وقرر خلالها إعادة الموظفين من اللاجئين العراقيين العائدين الى الوطن لوظائفهم واعتبار فترة الهجرة اجازة بدون راتب".أضاف البيان أن "المجلس قرر ايضاً شمول العائدين من اللاجئين العراقيين من الذين لا يملكون مؤهلات دراسية كافية ببرامج وزارة العمل والشؤون الاجتماعية والخاصة بالمشاريع الصغيرة والمدرة للدخل".
على هذا الرابط
http://www.faceiraq.com/inews.php?id=2360624

[slam hawk]

شكرا على نقل الخبر

[عميد الهجرة]

برأيك ليش الا هسة صارت هيج خطوة من الحكومة ؟؟؟!!! مجان سووها من زمان لو الا بوكت الانتخابات ؟؟؟؟؟؟؟؟؟؟ والله مسكين هالشعب هذا .

[سيناريو]

الله يبشرك بالخير بس ردت اسالك اني صارلي بامريكا 8 اشهر ورجعت للعراق وجنت موظفة بالنفط يشمل هاي القرار وزارة النفط  بشرني والله حالتي النفسية تعبانة خلوني الحقراء اقدم استقالة وماطوني اجازة سووها ضلمة

[فرندو]

الله يبشرك بالخير بس ردت اسالك اني صارلي بامريكا 8 اشهر ورجعت للعراق وجنت موظفة بالنفط يشمل هاي القرار وزارة النفط  بشرني والله حالتي النفسية تعبانة خلوني الحقراء اقدم استقالة وماطوني اجازة سووها ضلمة

أخوية حضر انشاء الله اثباتاتك وراجع وزارتك و الله كريم .

[حبيبي العراق]

الله يبشرك بالخير بس ردت اسالك اني صارلي بامريكا 8 اشهر ورجعت للعراق وجنت موظفة بالنفط يشمل هاي القرار وزارة النفط  بشرني والله حالتي النفسية تعبانة خلوني الحقراء اقدم استقالة وماطوني اجازة سووها ضلمة

اختي العزيزة سيناريو تحية طيبة
نعم تكدرين ترجعين للوزارة بس لازم تطلعين هوية مال المهجرين العائدين الى العراق ومقرهم بالحارثية بشارع الكندي وتأييد سكن من المجلس البلدي وتقدمين معاملة وترجعين .
اني اعرف ناس هواي رجعوا للوظيفة وهذا القرار مو جديد موجود بكل السفارات من زمان .

اخوك حبيبي العراق

[سيناريو]

زين خاف يكولولي بس المفصولين سياسيين وخاف يكولون منحتاج خدماتها شنو راييكم

[حبيبي العراق]

اختي سيناريوا ابدا ما الهم علاقة بس تاخذين جوازك للهجرة والمهجرين وتكوليلهم اني رجعت للعراق طوعيا ويطلبون مستمسكات منك ويسون هوية مال (المهجرين العائدين الى البلد) وترجعين تاخذين نفس درجتك الوظيفية طبعا هذا الكلام ياخذ اقل شي ٣ اشهر لان لازم الوزارة تحصل موافقة وزارة المالية  واتمنالك التوفيق.

اخوك حبيبي العراق

[AUS2013]

رجعوا اعزائي .... والبوري بانتظاركم  

لعد شكو سافرتوا وطلبتو لجوء؟؟!!


طبعا بالتوفيق والسلامة لليرجع
لكن اني مامقتنع بهذا الكلام

[سيناريو]

رجعوا اعزائي .... والبوري بانتظاركم  

لعد شكو سافرتوا وطلبتو لجوء؟؟!!


طبعا بالتوفيق والسلامة لليرجع
لكن اني مامقتنع بهذا الكلام

سافرنا مثل ماانت فد يوم راح تسافر وتتندم 

[abo adm]

رجعوا اعزائي .... والبوري بانتظاركم  

لعد شكو سافرتوا وطلبتو لجوء؟؟!!


طبعا بالتوفيق والسلامة لليرجع
لكن اني مامقتنع بهذا الكلام

سافرنا مثل ماانت فد يوم راح تسافر وتتندم 

الاخت العزيزة ارجو ان تتقبلين نقدي بكل رحابة صدر
اذا انته متندمة على السفر لعد سكو سافرتي اولا
ثانيا اكو شي اسمة الانترنت وتكدر تطلع على اي شي بالعالم وانته كاعد بمكانك يعني تكدر تشوف وتسمع وتسافر الى اي بلد بالعالم وانته كاعد بغرفتك وحتى تكدر تعرف هذا البلد وحتى الفرع الي راح تسكن بي في بلاد الغربة ( ولو اني اكره هاي التسمية لان احنا بالعراق ويم اهلنا ونحس بالغربة طبعا اني اتكلم عن نفسي ) شكد بي نسبة جريمة وشكد بي عمل وكل الي تريد تعرفهه
عليه اعذرني على هذا الجواب بس هذا سوء تصرف مو ندم ؟؟؟؟؟


اخوك ابو ادم

[AUS2013]

بارك الله بيك عزيزي ابو ادم على هذا الجواب!

المشكلة الناس الي يتندمون على السفر واضح انهم غير مهددين عندما كانوا بالعراق, اي بمعنى اخر سفرهم كان بطر ومجرد تجربة ومزاحمة الاخرين المهددين والمضطهدين ومستحقين للسفر بحق.

اعزائي احنا تركنا العراق مو لأنه بطرانين لو ماعدنا شغل زين لو ماعدنا بيوت
احنا تركنا العراق لأسباب الامن والاضطهاد والتمييز العرقي وفقدان الكرامة.

فاذا تحسون بنفسكم مافاقدين هذي الاشياء ميحتاج تقدمون على لجوء وتضيعون نفسكم وتتندمون بعدين.

تحياتي وأرجو تقبل كلامي برحابة صدر.

[H.K.L.M]

انا عندي خدمة 17  سنة و طلعت استقالة ( ضربت الباب و كعدت بالبيت) لان ما قبلوا ينطوني استقالة, هذا الحجي بالزمن الاغبر بالتسعينيات من جان الراتب بسعر طبقة بيض  و خسرت التقاعد وطلعت صفر اليدين و الحمدلله  ... المهم اذا ارجع شراح ينظوني و شنو راح يعوضوني ؟؟؟ خلينا كاعدين هنا عسى و لعل الجايات احسن من الرايحات . .. والله كريم ويفرجها على عباده

[wesamy]

انا عندي خدمة 17  سنة و طلعت استقالة ( ضربت الباب و كعدت بالبيت) لان ما قبلوا ينطوني استقالة, هذا الحجي بالزمن الاغبر بالتسعينيات من جان الراتب بسعر طبقة بيض  و خسرت التقاعد وطلعت صفر اليدين و الحمدلله  ... المهم اذا ارجع شراح ينظوني و شنو راح يعوضوني ؟؟؟ خلينا كاعدين هنا عسى و لعل الجايات احسن من الرايحات . .. والله كريم ويفرجها على عباده

اخوية سوي روحك مفصول سياسي وادخل بقد حزب كمن الاحزاب العراقية الهواية واكيد رح تحصل منصب مدير عام

[H.K.L.M]

اخوي wesamy شكرا على المقترح

[سيناريو]

اخوان اكدر اعرف شنو الاثباتات واي واحد يكدر يطلع هوية الهجرة والمهجرين؟؟؟؟

[wesamy]

تاخذ الجواز مالتك الي بي تاشيرة الخروج وتاييد سكن انو انتة رجعت للسكن وتاييد انو انتة تهجرت او تركت بيتك.المهم هاي تدكر كلهة تسويهة بفلوس عدا واز السفر ما اعرف شلون وهم يمك يصير بفلوس انا اعرف وحدة رادوا عليها 5اوراق حتى يسوون جواز وبي تاشيرات خروج مال تسعينات.طبعا بسوق مريدي.وممكن تسوي الطريقة الي شرحتهة وتحصل منصب بالحكومة العتيدة

[سيناريو]

تاخذ الجواز مالتك الي بي تاشيرة الخروج وتاييد سكن انو انتة رجعت للسكن وتاييد انو انتة تهجرت او تركت بيتك.المهم هاي تدكر كلهة تسويهة بفلوس عدا واز السفر ما اعرف شلون وهم يمك يصير بفلوس انا اعرف وحدة رادوا عليها 5اوراق حتى يسوون جواز وبي تاشيرات خروج مال تسعينات.طبعا بسوق مريدي.وممكن تسوي الطريقة الي شرحتهة وتحصل منصب بالحكومة العتيدة

خوية هسة اني ماريد منصب بس اريد ارجع للوظيفة وعالعموم شكرا على النصائح بس تاييد من المختار لو من المجلس البلدي؟

[سيناريو]

اب بلا زحمة تاييد من المختار لو من مجلس المحافظة

[fuqy]

طلب مساعدة مهمة جزاكم الله كل خير
السلام عليكم أخي العزيزwesamy وجميع الاخوة في المتتدى
بدون مقدمات ومباشرة ادخل بالموضوع.. مو أحسن؟
أخواني الكرام
انا عمري 50 سنة .. يعني استحق تقاعد على القانون الجديد...وأنا كنت موظف في شركة ناقلات النفط العراقية لغاية عام 2006 لم استطع الذهاب للدوام في الشركة ومقرها كما هو معروف في البصرة بسبب الأحداث اولا وبسبب اني كنت لاجيء في سوريا منذ عام 2005
الشركة طبعا تابعة لوزارة النفط
وانا اعمل فيها كمهندس بحري . وقد تم اعتباري مستقيلا بسبب الغياب منذ عام 2006 
المهم اخواني انا الان في الاردن وقد قابلت المقابلة الاولى على iom وانتظر مقابلة المحلفين بعد كم يوم ان شاء الله وانتم تعرفون اني اذا رجعت للعراق ولو يوم واحد فان ملفي في اعادة التوطين سوف يفشل تماما وانا علقت على هذا الموضوع آمال كبيرة انا وعائلتي. فلا استطيع التخلي عنه...
الخلاصة اخوتي الكرام
انا لدي كل المستمسكات التي تثبت اني خرجت من العراق عام 2005 ومثبة في ورقة المفوضية السورية
مع كتاب دائرتي باعتباري مستقيلا بسبب الغياب
وعندي بطاقة سكن في بغداد
قرأت تعليق الاخ وسامي بأنه يعرف اخت سوولها اختام  في جوازها لكي تعود الى وظيفتها
ما اطلبه منك اخي اني اريد واحد يسويلي اعادة للوظيفة ويقدم لي على التقاعد مباشرة.. بدون حضوري للعراق...
ومستعد اعطيه ما يطلب من المال ولكن بعد اخراج هوية التقاعد لي طبعا واكتمال المهمة
اعتقد ان شغلتي لا هي سهلة ولا هي صعبة
فان كنت تستطيع مساعدتي ولكل الاخوه من يستطيع المساعدة فجزاه الله كل خير وانا مستعد للاتفاق معه على ما يطلبه ان شاء الله

واتمنى ان يكون ردك على رسالتي هذه من خلاله
شكري الجزيل وتقديري لكم في كل الاحوال
Fuqy