بين نارين

[هريوف]

أخوان السلام عليكم آني عضو بهذ المنتدى الرائع صار لي سنة من سجلت وكل مدة انزل نفس الموضوع عسى ان أجد احد يساعدني واني متأكد من إن لا احد يقصر بالمعلومة لو يمتلكها لكن أتوكل على الله واكرر نفس السؤال أخوان آني من  اللي اشتغل ويه شركة ساتكو السعودية بمطار بغداد  بصفة طباخ عام 2005 ومسئوولنه كان لبناني جنسية أمريكية اسمه خالد عطية والضابط الأمريكي كان اسمه( لوني )  وردت أقدم على إعادة التوطين للسفر الى أميركا ونشرت هذا الطلب سابقا بهذا المنتى الرائع والإخوان ما قصروا الأخ الفرج 2  انطوني عناوين وأرقام هواتف الشركة بالسعودية للحصول على التوصية وكل يوم اتصل ويحولوني على موظفين من واحد للاخ ومسوين عليه نصبه من هاي التمام ويضحكون ويستهزئون بيه وبطلبي كتاب توصية لمكتب عمان واني يشهد الله قاسم الفلوس اللي تجيني بين اهلي وبين كروت الاتصال لهاي الشركة اللي ما اكول غير الله يوفقهم بس الانسر مشين مالتهم يرادلهه ساعة حتى توجهك وساعة يطلعلي مصري وساعة يطلعلي سوداني ومرة سعودي والجماعة متونسين الله لايسامحهم وصار فترة طويلة على هاي الحالة وجماعة عمان مايقبلون ينطوني كيس نمبر من دون التوصية وكم مرة شرحتلهم الحالة ويه ساتكو بس ما يقبلون يسمعون علما إنو عندي باجات من هاي الشركة اللي لا حصلت منها لا حق ولا باطل بس الضحك عليه من اسألهم واني حاير وين أنطي وجهي بين نار ساتكو لو نار اي او ام فرحمه لوالديكم اللي يعرف كيف احل المشكلة ولو بنصيحة لا يبخل بيهه عليه وما خاب من استشار والله يوفق الجميع .... اخوكم هريوف 

[slam hawk]

الله يعينك اخي الفاضل

[عكعك التطوى]

اخي ماكو  غير طريقه انه تحصل ايملاتهم الخاصه من اشخاص تعرفهم ولهم علاقه بهم
وتخاطبهم او ممكن تبحث على هؤلاء  الاشخاص عن طريق وسائل التواصل الاجتماعي الفيس بوك و تويتر.

تحياتي

[ابو الامراء]

اخوي العزيز انت صرفت على الاتصالات الكثير وسوف تصرف اكثر من ذالك ولن تحصل على نتيجه فنصيحه اذهب الى الشركه في السعوديه وهذه افضل لانك ستكون بمواجهتهم وتعرف راسك من رجليك وارجوا من الله ان يقبلون وتاخذ الكتاب منهم مباشرة

[طريق السعادة.frg]

اخي  العزيز هريوف
اللة يساعدك واللة من قريت الموضوع كلش انقهرت بس ماكو جارا وياهم
انا عندي مقترح لو اتفكر وتدرس الموضوع زين بلكي اللة يحل المشكلة مالتك
انا اشوف لو مثل ما اتكول عندك باجات واوراق شغل وايا الامريكان , انة تسافر الى تركيا وتقدم على الهجرة عن طريق un اخي افضل الك صدقني من الانتظار من هل الناس اليرد عليك بالتلفون واللة افضل ,
اخي حاول اتسافر احسن حل , واللة يوفقك واي شي سؤال انا خادم

[هريوف]

اشكر كل مشاعركم الصادقة اللي تفاعلت ويه قضيتي الحمدلله على كل حال بس بالنسبة للاخ ابو الامراء يريدني اروح للشركة بالسعودية اني اشكرك اخوية ومتاكد انو انت تريد الخير اللي بس ياخوية قابل اركب كيا واروح للسعودية ليش انت متعرف الحال وامور السفر واذا كالو شنو سبب الزيارة شرد عليهم قابل هي حج لو عمرة ؟؟؟؟ اشكرك مرة ثانية واشكر كل من قام بالرد وانشاء الله تسافرون كلكم واني راضي باللي قاسمه اللي ربي .... اخوكم هريوف

[أم سعود]

اخوي بالنسبه لسفرك للسعوديه اعتقد سهل فيزه عمره ولك حق تبقا شهر بالسعوديه خلال هذا الشهر تروح وتقابلهم هناك اسهل وافضل وممكن تحصل مديرهم المسؤول الي ممكن يتعاطف معاك ويسويلك شي

[المشتاق2]

السلام عليكم حبيبي هرفوف اشلونك اني مثلك هم اشتغلت ويه ساتكو او نفس المكان الي اشتغلت بيه زين كنا طباخين واعتقد تعرفني بس مختصر مفيد المنظمه متفيدك اني انطوني كيس نمبر او ماكو فائد او قررت اطلع وقدم على اليو ان او نصيحه مني والله ماكو فائده او هذولي حقراء سفله حشه السامع او الله يوفقك ان شاء الله

[أم سعود]

السلام عليكم حبيبي هرفوف اشلونك اني مثلك هم اشتغلت ويه ساتكو او نفس المكان الي اشتغلت بيه زين كنا طباخين واعتقد تعرفني بس مختصر مفيد المنظمه متفيدك اني انطوني كيس نمبر او ماكو فائد او قررت اطلع وقدم على اليو ان او نصيحه مني والله ماكو فائده او هذولي حقراء سفله حشه السامع او الله يوفقك ان شاء الله

سبحان الله كل المنظمات الي اجت للعراق ما بيهم خير
انا بعد اشتغلت مع منظمه لاعاده الاعمار بس ماعندي منهم ولا شي بس الباج تعتقد ينفعني لان اصلا الموضوع الي صار وياي(التهديد) يتعلق بعملي مع المنظمه