(( هل يتم تحويل المرفوضين للتوطين لامريكا للتوطين في بلد ثاني ام يغلق ملفهم في بغداد؟))

[Gamma]

السلام عليكم أعضاء المنتدى الأحبة
اود ان اسال الاحبة الذين وصلوا الى استراليا عن الملفات المرفوضة في بغداد وكيفية التعامل مع هذه الملفات...
هل يتم غلق الملف بعد الرفض؟ ام يتم تحويلها الى بلد توطين اخر؟
رغم اني لم اقابل المقابلة الاولة بعد... الا اني اتعاطف بشكل لا يوصف مع الاخوة الاعضاء المرفوضين
وصدقا افكر فيهم ليل نهار ليس في حالتي وحالة عائلتي ولكن  فيهم ايضا بسبب انتظارهم كل هذه السنين وبالتالي يأتيهم الرفض!
أرجو الاجابة من الاعضاء الاحبة وخاصة الذين مروا بهذه التجربة هم او معارفهم
تحياتي
Gamma 

[عمر ايكو]

اهلا كاما

شنو المقصود "في بغداد"
وعلى منو دتحجين؟ جماعة اليو أن، لو كفالات استراليا؟




عمر

[Gamma]

شكرا اخ عمر على مرورك العطر
سؤالى بخصوص العراقيين المقدمين على الاي او ام من بغداد
في حالة رفض الكيس مالتهم
هل هناك احد من اعضاء المنتدى لديه اصدفاء او افرباء تم رفضهم في بغداد وتم تحويلهم الى استراليا؟
ارجو ان يكون سؤالى واضح
تحياتي
Gamma

[kyky77]

لا يوجد هكذا شي واتصور انتم من العائين من دول الجوار وكان عدكم توطين امريكا قبل العوده للعراق نصيحه اذهبو الى احد دول الجوار وفتحو ملفكم او تقديم جديد ويوجد احتمال ان يطلعلكم توطين استراليا او كندا

[usa sky]

لا يوجد هكذا شي واتصور انتم من العائين من دول الجوار وكان عدكم توطين امريكا قبل العوده للعراق نصيحه اذهبو الى احد دول الجوار وفتحو ملفكم او تقديم جديد ويوجد احتمال ان يطلعلكم توطين استراليا او كندا

حبيبي تكلك مقدمين على اي او ام iom بغداد بدون يو ان un جاب دول جوار مادري اكو من العراق بغداد تقديم مباشر على اي او ام للي مشتفلين بشركات امنيه امريكيه او صحافيه امريكيه او جيش امريكي انت شون صورت هما من العائدين من دول جوار مادري  شكد اجب العراقيين من يقسرون كيفهم

[kyky77]

اخي احنا منفسر على كيفنا مقصد جوابي لايوجد تحويل لاستراليا للاشخاص اللي مقدمين على iom من بغداد وانا تصورت انهم عائدين من سوريا اذا انته فهيم مجاوبت بس عرفت اتعلق على تعليقي حتا كتابتك مكطعه كوه فهمتها ( ؟ مشتفلين- جاب - شون - صورت - اجب - يقسرون )

[عمر ايكو]

على كيفكم شباب كولو يا الله وكلام كاما يتفسر بأكثر من تفسير وهسة وضحت الصورة اذا كانو عائدين لو مشتغلين بشركات امنية وكل الاجوبة صارت موجودة لكاما



تحياتي

[Gamma]

مساء الخير شباب
شكرا على مروركم العطر
اني حبيت استفسر من الاخوة والاخوات في المنتدى
الذين مروا بحالة رفض كيسهم الى امريكا هل تم تحويلهم الى استراليا؟
رجاءا لا تكتبوا رأي شخصي.
 فقط الذين مروا بهذه الحالة هم او اقاربهم او اصدقاءهم.
تحياتي
Gamma