عمر العزاوي يحيكم من جنة الارض

[عمر ٱلعرٱقَيّ]

السلام عليكم ورحمه الله وبركاته .. بالبدايه بس اريد اكول شي واحد لهذوله الناس الي يكولون لحد يجي لمريكا وامريكا صعبه الحياة  وتبجون بوجه الله من الله لا ينطيكم لان امريكا روعه واكثر من الروعه ومن صدك تستاهل هذه الصبر ولو جنت اعرف انو هيج امريكا راحه وحلوه وامان الى درجة واحترام وتقدير لكل كلمه تنطق بيهه جانت صبرت اكثر من 10 سنوات علمودها والله ثم والله لهذه ابشركم ياصبرين اصبرو ثم اصبرو لان من صدك ماتتعوض والله العظيم فد شي ماكدر اوصفه .... المهم عمي اني وصلت امريكا والحمدلله والشكر وصلت بخير وسلام وكل شي تمام والامور تخبل وامريكا مثل ما وصفته جــنــة ناسهه طيبه ومسالمه وكلش يقدروك ويقدرون البداخلك وفد شي ماكدر اوصفه والله العظيم كلش مرتاح بأمريكا صحيح تأذيت بالسفر وفتره طويله بس مو مشكله المهم وصلت النتيجة ترضيني وترضيكم همين هسه اني حاليأ في ماستشوستس مدينه لين  وساكن ويه اشخاص اثنين كلش طيبين وحبابين وطبعا مثل ماتعرفو  رحت لمريكا عندي بس 100$ لا اكثر وحق الله لحد الان ماصرفت منهه ولا فلس لان كلشي على حساب المنظمة بالطيارات اكو اكل وحمامت ومي وشرب ومادري شنو يعني مايحتاج اصرف فلس منه وهسه الجو يمي بارد كلش وثلوج والمدينه كلهه بيضه يبووو احلى شي  والرحله جانت من الاردن المشؤؤمه الى مصر ومدة الطيران كانت ساعه ونص .. بعدين بمصر كعدنه بالمطار مالتهم الي يخزي والكعده بالكاع لمدى 5 ساعات لحد ما طارت الطياره الى امريكا نيويورك ومدى الطيران جانت 14 ساعه لان الطيار يريد ينزل بالمطار مال نيويورك بس ميكدر بسبب الطقس واني كلت راح توكع الطياره ههههههههههههه وكمت ادعي وخفت من صدك لان كلت خرب انه من تحقق حلمي اموت بطياره   وبعد 3 ساعات طيران بالغيوووم حطت الطياره ونزلت بأمان وصورت الرحله بالكامل بس اعذروني ماكدر ارفعه لان اني حاليأ بمقهى ان شاء الله ارفع الكم الفيديو بالكامل وبي تعليمات حو الرحله كلهه ... ماراح انزل معلومات ملفي لان ميحتاج واكو شي فاجئني كلش انو اني من وصلت امريكا بديت احجي انجليزي شلون ماعرف والله تلقائي هههههههههههههههههههههه فديتني ابن امريكي عمي مو بيدي   المهم يا اخوان اصبرو ثم اصبرو والله العظيم ماتتفوت شكد ماتصبرون هذه قليل بحق امريكا يا اخي كلش حلوه وحتى شغل متوفر ودورات اكو وكلشي سهل مو مثل ما توصف الناس اكيد كلشي سهل بأذن الله تعالى ... تحياتي اخوكم عمر العزاوي  

[the_skull_of_raziel]

الف الف مبروك انشاء الموفقيه يا رب والله تستاهل حبي عموري شايف الف خير

[طالب لجواء الى امريكا]

حبي عموري الف الف الحمد الله والشكر على سلامتك ...والله فرحتلك هواية تستاهل ..تحياتي ..

[noor noor noor noor]

اخ عمر العزاوي  اني ما اعرفك بس مو الف مبروك مليون مبروك انشاء الله تتوفق  وانشاء الله الى كل من يحتاج السفر

[Ŗảaḟaṱ Hấmẕā]

ابو الحب حمد لله على سلامتك
وثاني شي كلامك كلة صح امريكا هيه توب والناس اللي بيه ميردون احد من ربعنه يوصلة لان جائز يكون افظل منة لات امريكا ارض الفرص
تحياتي

[عمر ٱلعرٱقَيّ]

الف الف مبروك انشاء الموفقيه يا رب والله تستهال حبي عموري شايف الف خير
[/quote] اشكرك حبيب قلبي يوم الالك ان شاء الله عمي تعالو شوفو احنه وين وهمه وييين شكد ما اوصف قليله بحقهم وربي

[عمر ٱلعرٱقَيّ]

حبي عموري الف الف الحمد الله والشكر على سلامتك ...والله فرحتلك هواية تستاهل ..تحياتي ..

تسلملي حبيب قلبي الله يخليك ياروحي يوم الالك بالتوفيق الكم ان شاء الله تجووون اهنااا دعيت الكم وربي

[عمر ٱلعرٱقَيّ]

اخ عمر العزاوي  اني ما اعرفك بس مو الف مبروك مليون مبروك انشاء الله تتوفق  وانشاء الله الى كل من يحتاج السفر
[/quote] اشكرج جزيل الشكر اختي الغاليه للجميع ان شاء الله يارب

[عمر ٱلعرٱقَيّ]

ابو الحب حمد لله على سلامتك
وثاني شي كلامك كلة صح امريكا هيه توب والناس اللي بيه ميردون احد من ربعنه يوصلة لان جائز يكون افظل منة لات امريكا ارض الفرص
تحياتي

مشكور حبيبي الغالي اي والله امريكا من صدك توب واتمنى الكل ياخذون النصيحه ولحد يسمع كلام اي واحد تره كلش حلوه والله ومليون هلا بيكم في امريكا  بادارة عمر العزاوي

[طالب لجواء الى امريكا]

حبي عموري الف الف الحمد الله والشكر على سلامتك ...والله فرحتلك هواية تستاهل ..تحياتي ..

تسلملي حبيب قلبي الله يخليك ياروحي يوم الالك بالتوفيق الكم ان شاء الله تجووون اهنااا دعيت الكم وربي

تسلم يا ذهب رحم الله والديك الله يسهلها عليك ..احجيلي كعدت بمجمع ؟لو بيت

[عمر ٱلعرٱقَيّ]

حبي عموري الف الف الحمد الله والشكر على سلامتك ...والله فرحتلك هواية تستاهل ..تحياتي ..

تسلملي حبيب قلبي الله يخليك ياروحي يوم الالك بالتوفيق الكم ان شاء الله تجووون اهنااا دعيت الكم وربي

تسلم يا ذهب رحم الله والديك الله يسهلها عليك ..احجيلي كعدت بمجمع ؟لو بيت
[/quote

[فرندو]

مبرووووووك عموري العظيم و الف على الخير بحياتك الجديدة

[Abdullah2006]

الف مبرووووووووك والله يوفقك ويسعدك

[عمر ٱلعرٱقَيّ]

الله يبارك بيكم اسف وقت الكمبيوتر راح يخلص وينقفل ماكدر ارد عليكم بعد اعذروني وسامحوني والله دعيت الكم الله يسهل عليكم يارب مع السلامه

[عراقي مغترب]

الف الف مبروك. وحمدا لله على السلامة تستاهل كل خير.  واشكرك على هذا الكلام الي فعلا محتاجينه. ويارب يسعدك ويهنيك عموري الوردة
تحياتى للك من تركيا

[hopefully]

يمعود تأخرت بالكتابة بالنا يمك بس الحمد لله على سلامتك وشايف كل الخير وان شاء الله يوم اﻻلنا

[ĈAŃDŶ]

اهلا وسهلا بيك بامريكا وان شاء الله تعجبك اكثر

بلتوفيق

كاندي ...

[Sshakar]

الف مبرووك الوصول والحمدلله على السلامة عزيزي
بالتوفيق لك بالحياة الجديدة ان شاء الله

[alaa_iom]

السلام عليكم
مبروك اخي على الوصول انشالله حياه جديده تحقق كول ما تتمنى
وامريكا حلوه وتخبل او ورده مال الله مثل ما وصفته بس نصيحه اخويه وبما انه انته حاليا بشهر العسل اتصل باهلك على السريع خلي يحولولك فلوس لان بهاي ال100 دولار العندك امريكا ما راح تبقه حلوه.
والله بوفقك

[شاويش]

الف مليون مبروك ان شاء الله ما تشوف الا الخير والله يعوض صبرك وتنفتحلك ابواب الفرج

[احمدمالك]

الف مبروك وصولك الى ارض الاحلام ان شاء الله اتحقق كل احلامك




احمد

[ام راما]

الف مبروك عمر وان شاء الله دائما تبقى هيج متفائل

اختك ام راما

[ابو علاوي]

اهلا وسهلا بيك في امريكا بلد الحريات والفرص احسن خطوة سويتهة في حياتك ومراح تندم  عليهة  يومية من اكعد من النوم واطلع الصبح للشغل وشوف الشوارع والنضام والعالم اغلبهة تحترم القانون اكون سعيد لاني احس انولدت من جديد ابنص وطني الجديد  على الاقل اشوف العالم من كل الاجناس عايشة سوة ما تحس ابنصهم ابغربة لانهم مثلك مهاجرين على الاغلب  واخرا الف مبرووووك على الوصول

[aabid 1]

اخي الكريم ابو الخطاب السلام عليكم
الف الحمد لله على سلامة الوصول
يا رب التوفيق بالحياة الجديده
اااااااامييييييين

اخوك المهندس ابو عبد الرحمن

[iraqi star]

الحمد لله على السلامة

والف الف الف مبروك

ان شاء الله الحياة السعيده والموفقية يارب

أختك ملك

[steven_siv]

الحمدلله ع السلامة واتمنا دوم تشوفها جنة

[محتاج أفرح]

الحمد لله على السلامة والله يوفقك وتحقق الي تتمناه

ودير بالك على روحك زين وظل متفائل حتى بأقسى الظروف اكيد امريكا ما راح تكون مثل عمان .

تقبل تحياتي

والحمد لله على السلامة مره ثانية .

اخوك ابو طارق

[وطن المغتربين]

تحية و أحترام ................ مبروك الاخ العزيز عمر ويارب تنفتح بوجهك كل أبواب الراحة والرزق وتحقيق الاماني إن شاء الله ...... لو جنت أعرف اهلهل جان هلهلت .......... الفرحه متنوصف من واحد يحقق اهدافه الي صبر وكافح من أجلها أكرر دعائي الك بالموفقية دائما ....

أخزك المهندس
أبو يوسف
وطن المغتربين

[ابو الامراء]

الف الف مبروك بسلامة الوصول وبالتوفيق بحياتك الجديده وشكرا على هذه الاخبار الحلوه

[ميمي2010]

الف الف مبروك اخويه عمر والحمد لله على سلامه الوصول
الله يفتحها بوجهك وييسر أمرك
أختك ميمي

[um shaheen]

الف مبروووك وبالسلامه وبالتوفيق بكل خطواتك
تحياتي
خالتك ام شاهين

[Abu-Yahya]

الف مبروك اخويه واتمنالك كل الموفقيه وانشاء الله تسهيل كل الامور

اخوك
ابو يحيى

[ام اديان]

الف مبروك . والحمد لله على سلامة الوصول . بالتوفيق ان شاء الله بحياتك الجديدة .

[لارا لولو]

الف مبروك والحمدلله على سلامتك

[لازم نهاجر]

الف الحمد لله عالسلامة واتمنالك الحياة السعيدة وللجميع التوفيق .

[هذا عراقي]

مبروك حبي

[hamada2]

الف مبرووووووووووووووووووووووووووووووووووك


ياريت تغير اسم الموضوع ؟

عمر العزاوي يحيكم من جنة الارض بدلا من ( عمر العزاوي يحيكم من الجنة )  


تحياتي


وان شاء الله تحظى بجنة الاخرة

[نور القمر 21]

  مبروك الوصول وحمد لله على السلامة اخ عمر

[husseinhah]

احلى خبر واحلى تحية الك ياطيب والف الحمد لله على سلامتك وربي يوفقك بالحياة الجديدة ان شاء الله

[★★★ AIRBORNE ★★★]

بالخير عليك الوصول بالسلامة والحمد الله والشكر انت بخير وسعيد وان شاء الله تتوفق بكل امنياتك اتمنالك حياة سعيدة وموفقة

[برشلونة]

مبروك حجي ....شايف الف خير ...ان شاء الله يوم اللي نحضر عرسك....الحمد لله...الحمد لله..فرحتنة والله..ادعيلنة ﻻن الدعاء من خارج العراق مستجاب اكثر ...عيني عموري إذا شفت بريندا هاي اللي تنطي ال VOE مال شركة التايتن كوللها بابا حني على العراقيين ترى ديشوفون الويل منج.....سﻻمي الك وتحياتي الك....اخوك برشلونة

[laith_albander2]

هلا هلا هلا الف الحمد لله على السلامه
و اخيرا بيض ديجكم ... ان شاء الله يبيض ديجنا و تفرج علينة

[عديل الروح]

الف الف الف حمدلله على السلامه وانشاءالله حياه جديده سعيده والله يوفقك بحياتك وعملك

[samy90]

حمدلله على سلامت الوصول اخي عمرونشالله شايف خير امريكا ويجفيك شرها
انا صاحبك اللي قابلت وياك بالمحلفين وحسافه ماخذت اللفه مالتك  جان صارت بيننا عيش وملح 
اشكرك على الموضوع والشرح الوافي وهذه اللي تعودنا منك وخاصه انت شجعتنا اكثر على الصبر وبنصبر  على الامنيه وغيرها والله كريم

[اوس الدنماركي]

مبروك وشايف كل الخير شوقتني لامريكا
لتنسه تتواصل معنا وتسولفنه عن تجاربك

[حبيبي العراق]

حبي عموري الف مبروك وتستاهل كل خير ويارب تبقة دوووووووووووووووووووم فرحان ومرتاح اتمنالك الموفقية والنجاح

اخوك حبيبي العراق

[hamssa]

الحمد لله على السلامة وان شاء الله الموفقيه بحياتك وضحكتني من تحجي انكليزي تلقائيا امريكي مو بيدك ههههههه
                                                                                                                                                         اختكم همسه

[ابو جليبيب]

مبارك عليك اخويه العزيز عموري والله يوفقك في حياتك الجديدة

[* اطير و طيح *]

  مليون مبروووووك عيوني عمر واكيد تستاهل امريكا الانتضار لعد يابلد يستاهل  ومليون ثاني مبروك للوصول  من اطير وطيح

[abuali1919]

بسم الله الرحمن الرحيم

اولا الف مبروك
اولا كلمن وتوفيقة
ثانيا اكو ناس ما تحب الخير للغير
وهذا هو مخلص الكلام

[كنداوية]

مبروك السفر اخويه عمر .. الله يعطيك خير امريكا  ويبعد عنك شرها .

[AUS2013]

أيباهههههههههه...حبيبنا عموري الغالي
الف مليون ترليون كوكليون مبروووووووووووووووووووووووك يا طيب
الف الحمد لله على سلامتك
يارب تحقيق الاماني والموفقية والنجاح الدائم ان شاء الله

تستاهل كل خير يا طيب

[Sound of Soul]

الف مبروك اخ عمر
بالنوفيق والنجاح حياتك الجديدة باذن الله
تحياتي
ساوند .

[slam hawk]

الف الف الف مبروووووووووووووووووووووك عموري عزيزي الديج دبيض وخليني اسافر

[ارون]

ألـــــف ألـــــف ألـــــــف مبـــــــــــروووك تستاهل كل الخيـــــــر وان شاء الله الموفقية بالحياة الجديدة
الحمـــد لله على سلامة الوصول ياأخي الغالي

[سبيس]

الف مبروك يا عموري

وتستاهل والله ياطيب

ابو الوليد

[شبعاد]

الف مبروك وصولك وحمدلله على سلامتك اخويه عمر يارب يوفقك وتشوف كل خير بأمريكا

[حسين الجبوري]

الف الحمد لله على سلامة الوصول ويارب كل التوفيق في حياتك الجديده
اخوكم
ابو ديمه

[لورنس السفاح]

الف الف مليون ترليييييييييييييييييييون عمووووووووووووووري
تستاهل كل الخير
الحمدلله ع سلامة الووووووووووصول
لعد وينك يابه كنت خابصنا هيج اسوي وهيج اسوي بالطيارة
تاليها طلعت تخاف لاتوووووكع هههههههههههههه
بس قوية مال اول منزلت كمت تحجي انكلييييييييييييزي
ولك اخاف كضيتها بس يس  و    نووووووووو
وهم تلكيهم كانوا يسالوك سؤال وانت تكوللهم  يسسسسسسسسس يبسسسسسسسسسسس
ههههههههههههههههههههههههههههههههههه
الف مبروووووك عمر
وان شاءالله موفق بحياتك الجديدة
هسه عاد خلصت مرحلة السفر عليك بالششششغل
واريدك  مثل هذا ابو (( هو وينه الشغل  لا اكله  اكل )) 

مبروووووووووك  عموري

تحياتي

[صبيه]

مليار رررررترليوووووون مبررررررروك ابو الخطاب على سلامه الوصول تستاهل ياورده وبلتوفيق انشاء الله
تحياتي
صبيه

[نصبر والله كريم]

الف مبروك على الوصول تستاهل كل الخير ...

[كلــــــــــــوري المحبة]

الف الف مبروك عمر
ياربي دوم تعم الفرحة عليك
والحمد الله ع السلامة

تحياتي
كلوري برووو

[قلمون]

  مبرووووك عموري الف مبروك ... حمدالله عالسلامة ويارب يفتحها بوجهك .. هاي شنو ياب صاير تحجي انكلوزووو   المهم فرحنالك هواي وانشالله مثل ماكلت ماكو غير الصبر ومشكوووور على الاخبار الحلوة .

[ahmed k falah]

الف الف الف مبروك عموري الوردة . ويارب الموفقية والنجاح بحياتك الجديدة . والله فرحتلك لان انت تستاهل كل الخير
احمد

[bashar.alani]

اولا الف حمد لله على سلامتك
ثانيا مرحبا بك في بلد الحرية
ثالثا والاهم الك اخوان هنا بولايتك وحسب اتصالي وياك كتلك انت تبعد عني نص ساعه واجيك لو مشي على ايدي مو بسيارة اذا جتاجيتني وان شاء الله ربي يوفقك ويفتحها بوجهك وتحقق احلامك وتتيسر امورك واني اخوك امانه اي شيء تحتاج تتصل بيه وما تلكانه الة فوك راسك وامريكا بقارتها اذا ما تشيلك عيوني وراسي الك وهذا مو بس كلام لان الحمد لله احنا كول وفعل والله يا عمر مو مجامله بس اي شيء تحتاج احنا حاضرين اسال الله الك الموفقية وللجميع بتحقيق مبتغاهم والسفر القريب والعاجل لكل من ينتضر يا رب امين
تحياتي

[البرق]

  حوبي عموري صدوك هسه انت هناك يم الدعابيل  خنب ان الف يا الف مليار ونص مبروووووك    بداعت بيبي فرحان اني هسه عبالك اني سافرت دير بالك على روحك حوبي  يارب يفتحه بوجهك وتشوف كولشي حلو  تحياتي ورد .


                                  اخوك البرق / تركيا

[Gamma]

اخونا الفاضل الف مبروك على سلامة الوصول
وانشاء الله الموفقية والنجاح في حياتك الجديدة
تحياتي
Gamma

[dhia]

اااااااااااااااااالف اااااااااااااااااااااالف اااااااااااااااااااالف الحمد لله على سلامه الوصول عموري الورده والله ايوفقك ابحياتك الجديده هناك وصييييييييييير سبع هاااا.....مو وره شهر  تكتبنا موضوع تبجي بي مثل هوايه تنابله.. وان شالله نسمع اخبارك الطيبه يا بطل ..ولتنسه (عليك الحركه وعلى رب العالمين البركه) وانته من اولها صرت تحجي انكليزي هههههههه حلوه منك الله شاهد ....والله فرحنا  بوصولك بخير وسلامه  ياطيب وربي يجعلك بكل خطوه تخطوها هناك خير وبركه ..وكلنا نعرف انته كدها وكدود والنعم من عموري البطل..وتحياتي وامنياتي الك بالتوفيق والنجاح دائما................

                        اخوك
              ضـــــــــــــــــــــــياء

                                     

       

[تعبان وماعرف]

الف مبروك وربي يفتح كل الخير بوجهك امين  
ويوما الي وذبح طلي

مبروووووووووووووووووووووووووووووووووووووووووووووووووووووووووووك    *************** مبرووووووووووووووووووووووووووووك[/color]

[عمر ٱلعرٱقَيّ]

السلام عليكم حبايب قلبي والله ماعرف شلون ارد عليكم او اشكركن من صدك نشاعري تخربطت مادري اضحك ع الردود مادري ابجي اني هسه فاتح من موبايلرومجاي اعرف اكتب اعذروني بس افتح من كمبيوتر ارد عليكم وشكد ماراح اكتب قليل بحقكم لان انتو ارقى. وجمل واطيب واحسن ناس عرفتكم بحياتي ربي يخفضكم من كل شر ويستر عليكم ويسرع سفركم واقسم الكم انو بس اصبرون كلشي يصير بس صبر اني اسف باجر افتح من كوفيرنت وارد عليكم لان هسه ماعرف اكتب بالموبايل تسلمولي على. كلشي باجر ارد عليكم

[ابو سماني]

                                

              
                        

                          
                          





ابو سماني

[ترتيل]

الف مبروك حمد الله على سلامتك

[star_usa]

الف حمدلله على السلامه والف مبروك نورت امريكا بوجودك

[UN]

الف مبروك يا غالي ويارب تكون كل أيامك سعادة

[مونتريال1]

الف مبروك والحمد لله على السلامة وان شاء الله الفرج عن قريب لكل العر اقيين المنتظرين

[افراح]

   الف  الف  مبروك والحمد  لله  على  السلامه وشايف  كل  الخير  ان  شاء الله

     وصدك تكول  اميركا  كلها  حلوه  بكل  شي

[loyal24]

الف مبروك ........... الف مبروك

[غريب غريب]

الــــــــــــف الـــــــــــــــــــف مبروك عموري صبرت وتحملت ورب العالمين عوضك خير وتمنياتي لك بكل التوفيق

[الصبر الجـميل]

الف مبروك عمووووووووووووووووووووووووووووووووووووووري وسلامة الوصول , ترة أحنة نعرف أمريكا عالم آخر , وأنشاء الله تبقى أمريكا حلوة دائماً بنظرك حين يكرمك الله بعمل جيد وأستقرار والله أنت تستاهل كل الخير أتمنالك التوفيق ولكنني أقول لك شيء .. أكيد انت أنولدت
من جديد ..وفقك ألله وسدد خطاك
                                               أبــــــــــــــــــــو روان

[عمر ٱلعرٱقَيّ]

بسم الله الرحمن الرحيم طبعا والله ماعرف شلون اشكركم جزيل الشكر على التهنئه والمباركات الله يبارك بيكم ويخليكم الي يارب والله انتو اطيب ناس عرفتهم بحياتي وكلكم طيبين وغوالي عليه وراح اوكف وياكم بكل لحضه لان انتو من صدك تستاهلون كل الخير  والله دادعيلكم لحد هاي الحضه بالسفر السريع لان حرام انتو تعيشون بالعراق او سوريا او الاردن والله حرام ناس مثلكم لازم يرحون للجنه  الله يخليكم ويستر عليكم من كل شر ومابقى شي بس اصبرو شويه كلكم تسافرون ولو المنظمات اهنا شغلهم بطيئ كلش وخطيه جماعه عمان جنه نذب الصوج بيهم اهنا الامريكان جادين كلش يعني اذا كال هاي yes يعني yes ماتتغير ابد نحسين كلش ولو اهنا حريه ومحد يكدر يحجي وياك وتكدر دكول اي شي يعجبك كلشي تكدر تسوي حتى تمشي بدون ملابس بالشارع محد اله دخل بيك ... يعني من صدك حياة .. ومره ثانيه ادعي لربي ان يوفقكم ويسرع سفركم وييسر اموركم امين ياربي تحياتي الكم ... بالتوفيق ان شاء الله لا تنسون بس اصبرو والله العضيم راح تجون تشوفون الونسه شويه تحملو فديت قلبكم  ابشركم همين صادقت استراليا ههههههههههههههههههههههه

[عمر ٱلعرٱقَيّ]

حمدلله على سلامت الوصول اخي عمرونشالله شايف خير امريكا ويجفيك شرها
انا صاحبك اللي قابلت وياك بالمحلفين وحسافه ماخذت اللفه مالتك  جان صارت بيننا عيش وملح 
اشكرك على الموضوع والشرح الوافي وهذه اللي تعودنا منك وخاصه انت شجعتنا اكثر على الصبر وبنصبر  على الامنيه وغيرها والله كريم

هههههههههههههههههههههههههههههههه حبيبي يامليون هلا بيك ياعمري اي باوع لو ماخذ من الفه مالتي جان هسه انت مسافر 

[عمر ٱلعرٱقَيّ]

الف الف مليون ترليييييييييييييييييييون عمووووووووووووووري
تستاهل كل الخير
الحمدلله ع سلامة الووووووووووصول
لعد وينك يابه كنت خابصنا هيج اسوي وهيج اسوي بالطيارة
تاليها طلعت تخاف لاتوووووكع هههههههههههههه
بس قوية مال اول منزلت كمت تحجي انكلييييييييييييزي
ولك اخاف كضيتها بس يس  و    نووووووووو
وهم تلكيهم كانوا يسالوك سؤال وانت تكوللهم  يسسسسسسسسس يبسسسسسسسسسسس
ههههههههههههههههههههههههههههههههههه
الف مبروووووك عمر
وان شاءالله موفق بحياتك الجديدة
هسه عاد خلصت مرحلة السفر عليك بالششششغل
واريدك  مثل هذا ابو (( هو وينه الشغل  لا اكله  اكل )) 

مبروووووووووك  عموري

تحياتي

ههههههههههههههههههههههههههههههههههههههههه حياتي لورنس الذهب اي عمي وينه الشغل بس جيبه 

[lionofiraq]

الف مبروك و كلام صحيح اخوية عمر امريكا دولة عظيمة و العظمة لله

[ام اتنا]

ألف الف مبروووووووك وان شاء الله موفق بحياتك
اكيد امريكا حلوة
والنجاح بيهة يخليك تعيش ملك
ان شاء الله التوفيق للجميع يارب

[frozen]

مساء الخير
 مبروك و الحمدالله على السلامه
و انشاء الله التوفيق
تحياتي

[Imad al Timimi]

مبروك الوصول السليم . ارجو ان تكون على قدر المسؤولية وان تلقى ما تتمناه ولكن ارجو كذلك ان لا تصل بك المواصيل بعد فترة وجيزة وانت في الجنة تطلب سماع اغنية " ها حبيبي ؟؟ .. مو على بعضك احسك ! .

[سبيس]

مبروك الوصول السليم . ارجو ان تكون على قدر المسؤولية وان تلقى ما تتمناه ولكن ارجو كذلك ان لا تصل بك المواصيل بعد فترة وجيزة وانت في الجنة تطلب سماع اغنية " ها حبيبي ؟؟ .. مو على بعضك احسك ! .

احلا كلام واحلا اغنية

ابو الوليد

[lionofiraq]

مبروك الوصول السليم . ارجو ان تكون على قدر المسؤولية وان تلقى ما تتمناه ولكن ارجو كذلك ان لا تصل بك المواصيل بعد فترة وجيزة وانت في الجنة تطلب سماع اغنية " ها حبيبي ؟؟ .. مو على بعضك احسك ! .

احلا كلام واحلا اغنية

ابو الوليد

اخي سبيس انت شنو بالضبط نفس السبيس الي يخلوا بالتبليط هههههههههههههههههههههههههههههههه

[samy90]

حمدلله على سلامت الوصول اخي عمرونشالله شايف خير امريكا ويجفيك شرها
انا صاحبك اللي قابلت وياك بالمحلفين وحسافه ماخذت اللفه مالتك  جان صارت بيننا عيش وملح 
اشكرك على الموضوع والشرح الوافي وهذه اللي تعودنا منك وخاصه انت شجعتنا اكثر على الصبر وبنصبر  على الامنيه وغيرها والله كريم

هههههههههههههههههههههههههههههههه حبيبي يامليون هلا بيك ياعمري اي باوع لو ماخذ من الفه مالتي جان هسه انت مسافر 

عموري خذت اللفه الحجيه اللي لابسه عبايه  تلقاها هسه ببوسطن يمك تلعب جوبي

[عمر ٱلعرٱقَيّ]

السلام عليكم ورحمه الله وبركاته .. اني اشكركم واشكر تفاعلكم ويايه وتبريكاتكم ربي يحفضكم ويخليكم واتمنى انو تجون اهنا والله الحياة كلش حلوه ولو اني ستعجلت وكلت اريد احول بس بفضل الله وبفضلكم راح اصبر هذه الشهر ومن صدك اني مستعجل كلش اول 3 ايام ردت احول  بس هسه ماراح احول ان شاء الله راح ابقى شهر او شهرين اشوف الوضع طبعا الكيس وركر مالتي ابنيه وحبابه هم زين ولو الولكم نعلس عليه كالولي شيل فكره الولكم من بالك بس اكو شي ثاني ابالي احسن من الولكم وبلكي الله يصير  المهم وسالفه ال100 دولار بعدها بجيبي لحد الان مصارف ولا فلس كله ع المنظمة اكل شرب نوم سجلت بنادي حديد وداروح دورات انجليزي والحمدلله والشكر الاستاذ يمدح بيه وهسه اني صرت احجي انجليزي بنسبه 70% شلون والله ماعرف يمكن اني اعرف احجي بس ماكو من يسوي الواهس ومن اجيت اهنا كمت احجي عمي ابن اجنبي هيه كوه  .. واكو سالفه قهرتني كلش مال عراقيين هوملس شفت عراقيين اهوايه يسوون نفسهم ظهرهم يوجعهم ومادري شنو علمود ياخذ 700$  تقاعد ورادو يعلموني اسوي هيج بس كتلهم والله لو اموت عمي اروح اتعلم واشتغل اطلع ابوهن خلال سبوع مو شهر . ولحد الان كاعد امشي بالطريق الصحيح . لا ادخن ولا اشرب ولا رحت بارات ونوادي وهل سوالف اروح بطريقي واجي بطريقي .. من المدرسه الى قاعه الجيم .. من الجيم اروح دورات ثانيه للكمبيوتر مجانا كـ تقوية اليه لان هدفي اوصل لمايكروسوفت.. ووراها اروح اسبح واطلع ويه صديقتي طبعا صادقت ابنيه امريكيه وكلش حلوه وهي دتعلمني كلشي  وعدها سياره و نسيت اكلكم الموبايل مالتي جلاكسي اشتريته من عمان ويشتغل اهنا اي واحد يريد يجيب موبايل خلي يجيب وياه عادي يشتغل ..وبعد شنو خلي اتذكر .. اي يابه دلال مو طبيعي الفود ستامب اول 4 ايام صرفت منه 70 دولار ههههههههههههههههههههههه جان يجيني تحذير كالولي دير بالك تره راح نقطع الفودستامب عنك ع كيفك ويانه  ها وصدك نسيت اكلكم .. اليوم صاحبي راح سوى اسنانه شلعهن وراح يركبوله اسنان همين اب 1400$ على برنامج اوباما كير يعني بلاش يعني منا وهيج التامين يغطي الاسنان والعيون لديرون بال بس تعالو واني بولاية مستشوس اي شي تحتاجون اخوكم وبخدمتكم بس كولو .. والي يجي من العراق خلي يجيب وياه بريج هههههههههههههههههههههههههه تره حاطين بطل مي ومنكدر نشد شطافه  ها وشغله ثانيه . عمي امريكا اول 8 اشهر ..دلال وشهر عسل بعد الـ8 اشهر احم احم يبدي الـ**** وانتو تعرقون الباقي .. تحياتي اخوكم عمر العزاوي مـــــــن امــريكـــا ماستشوس  تحيه خاصه الى المنظمة في امريكا ادري بيكم دتشوفون الكلام اكبر لواته انتو لهذه كاعد امدح بيكم اهوايه
  هههههههههههههههههههههههههههههههههههههههههههههه

[*Ray]

مبرووك عموري والحمدلله ع سلامتك 

[samy90]

بالتوفيق انشالله عمر اخبار زينه
انا يمك  كفيلي بنيو هامشر  بس بعدني بعمان طبعا

[سبيس]

السلام عليكم ورحمه الله وبركاته .. اني اشكركم واشكر تفاعلكم ويايه وتبريكاتكم ربي يحفضكم ويخليكم واتمنى انو تجون اهنا والله الحياة كلش حلوه ولو اني ستعجلت وكلت اريد احول بس بفضل الله وبفضلكم راح اصبر هذه الشهر ومن صدك اني مستعجل كلش اول 3 ايام ردت احول  بس هسه ماراح احول ان شاء الله راح ابقى شهر او شهرين اشوف الوضع طبعا الكيس وركر مالتي ابنيه وحبابه هم زين ولو الولكم نعلس عليه كالولي شيل فكره الولكم من بالك بس اكو شي ثاني ابالي احسن من الولكم وبلكي الله يصير  المهم وسالفه ال100 دولار بعدها بجيبي لحد الان مصارف ولا فلس كله ع المنظمة اكل شرب نوم سجلت بنادي حديد وداروح دورات انجليزي والحمدلله والشكر الاستاذ يمدح بيه وهسه اني صرت احجي انجليزي بنسبه 70% شلون والله ماعرف يمكن اني اعرف احجي بس ماكو من يسوي الواهس ومن اجيت اهنا كمت احجي عمي ابن اجنبي هيه كوه  .. واكو سالفه قهرتني كلش مال عراقيين هوملس شفت عراقيين اهوايه يسوون نفسهم ظهرهم يوجعهم ومادري شنو علمود ياخذ 700$  تقاعد ورادو يعلموني اسوي هيج بس كتلهم والله لو اموت عمي اروح اتعلم واشتغل اطلع ابوهن خلال سبوع مو شهر . ولحد الان كاعد امشي بالطريق الصحيح . لا ادخن ولا اشرب ولا رحت بارات ونوادي وهل سوالف اروح بطريقي واجي بطريقي .. من المدرسه الى قاعه الجيم .. من الجيم اروح دورات ثانيه للكمبيوتر مجانا كـ تقوية اليه لان هدفي اوصل لمايكروسوفت.. ووراها اروح اسبح واطلع ويه صديقتي طبعا صادقت ابنيه امريكيه وكلش حلوه وهي دتعلمني كلشي  وعدها سياره و نسيت اكلكم الموبايل مالتي جلاكسي اشتريته من عمان ويشتغل اهنا اي واحد يريد يجيب موبايل خلي يجيب وياه عادي يشتغل ..وبعد شنو خلي اتذكر .. اي يابه دلال مو طبيعي الفود ستامب اول 4 ايام صرفت منه 70 دولار ههههههههههههههههههههههه جان يجيني تحذير كالولي دير بالك تره راح نقطع الفودستامب عنك ع كيفك ويانه  ها وصدك نسيت اكلكم .. اليوم صاحبي راح سوى اسنانه شلعهن وراح يركبوله اسنان همين اب 1400$ على برنامج اوباما كير يعني بلاش يعني منا وهيج التامين يغطي الاسنان والعيون لديرون بال بس تعالو واني بولاية مستشوس اي شي تحتاجون اخوكم وبخدمتكم بس كولو .. والي يجي من العراق خلي يجيب وياه بريج هههههههههههههههههههههههههه تره حاطين بطل مي ومنكدر نشد شطافه  ها وشغله ثانيه . عمي امريكا اول 8 اشهر ..دلال وشهر عسل بعد الـ8 اشهر احم احم يبدي الـ**** وانتو تعرقون الباقي .. تحياتي اخوكم عمر العزاوي مـــــــن امــريكـــا ماستشوس  تحيه خاصه الى المنظمة في امريكا ادري بيكم دتشوفون الكلام اكبر لواته انتو لهذه كاعد امدح بيكم اهوايه
  هههههههههههههههههههههههههههههههههههههههههههههه

هل بعموري وحجاياته الحلو

ابو الوليد

[سبيس]

مبروك الوصول السليم . ارجو ان تكون على قدر المسؤولية وان تلقى ما تتمناه ولكن ارجو كذلك ان لا تصل بك المواصيل بعد فترة وجيزة وانت في الجنة تطلب سماع اغنية " ها حبيبي ؟؟ .. مو على بعضك احسك ! .

احلا كلام واحلا اغنية

ابو الوليد

اخي سبيس انت شنو بالضبط نفس السبيس الي يخلوا بالتبليط هههههههههههههههههههههههههههههههه

تريد اجاوبك

اذا تريد اجاوبك لازم تتحملني ومتنزعج مني هههههههههههههه

ابو الوليد

[ريحانة بغداد]

الف الف الف مبروك وبالتوفيق

[trashtolive]

ترا عمر كشي مفتهمنا منك مرة تكول جنة ومرة تسويها جهنم
تحياتي الك

[lionofiraq]

حبيبي ابو الوليد تاج راسي

[ابو رقية]

السلام عليكم ورحمه الله وبركاته .. بالبدايه بس اريد اكول شي واحد لهذوله الناس الي يكولون لحد يجي لمريكا وامريكا صعبه الحياة  وتبجون بوجه الله من الله لا ينطيكم لان امريكا روعه واكثر من الروعه ومن صدك تستاهل هذه الصبر ولو جنت اعرف انو هيج امريكا راحه وحلوه وامان الى درجة واحترام وتقدير لكل كلمه تنطق بيهه جانت صبرت اكثر من 10 سنوات علمودها والله ثم والله لهذه ابشركم ياصبرين اصبرو ثم اصبرو لان من صدك ماتتعوض والله العظيم فد شي ماكدر اوصفه .... المهم عمي اني وصلت امريكا والحمدلله والشكر وصلت بخير وسلام وكل شي تمام والامور تخبل وامريكا مثل ما وصفته جــنــة ناسهه طيبه ومسالمه وكلش يقدروك ويقدرون البداخلك وفد شي ماكدر اوصفه والله العظيم كلش مرتاح بأمريكا صحيح تأذيت بالسفر وفتره طويله بس مو مشكله المهم وصلت النتيجة ترضيني وترضيكم همين هسه اني حاليأ في ماستشوستس مدينه لين  وساكن ويه اشخاص اثنين كلش طيبين وحبابين وطبعا مثل ماتعرفو  رحت لمريكا عندي بس 100$ لا اكثر وحق الله لحد الان ماصرفت منهه ولا فلس لان كلشي على حساب المنظمة بالطيارات اكو اكل وحمامت ومي وشرب ومادري شنو يعني مايحتاج اصرف فلس منه وهسه الجو يمي بارد كلش وثلوج والمدينه كلهه بيضه يبووو احلى شي  والرحله جانت من الاردن المشؤؤمه الى مصر ومدة الطيران كانت ساعه ونص .. بعدين بمصر كعدنه بالمطار مالتهم الي يخزي والكعده بالكاع لمدى 5 ساعات لحد ما طارت الطياره الى امريكا نيويورك ومدى الطيران جانت 14 ساعه لان الطيار يريد ينزل بالمطار مال نيويورك بس ميكدر بسبب الطقس واني كلت راح توكع الطياره ههههههههههههه وكمت ادعي وخفت من صدك لان كلت خرب انه من تحقق حلمي اموت بطياره   وبعد 3 ساعات طيران بالغيوووم حطت الطياره ونزلت بأمان وصورت الرحله بالكامل بس اعذروني ماكدر ارفعه لان اني حاليأ بمقهى ان شاء الله ارفع الكم الفيديو بالكامل وبي تعليمات حو الرحله كلهه ... ماراح انزل معلومات ملفي لان ميحتاج واكو شي فاجئني كلش انو اني من وصلت امريكا بديت احجي انجليزي شلون ماعرف والله تلقائي هههههههههههههههههههههه فديتني ابن امريكي عمي مو بيدي   المهم يا اخوان اصبرو ثم اصبرو والله العظيم ماتتفوت شكد ماتصبرون هذه قليل بحق امريكا يا اخي كلش حلوه وحتى شغل متوفر ودورات اكو وكلشي سهل مو مثل ما توصف الناس اكيد كلشي سهل بأذن الله تعالى ... تحياتي اخوكم عمر العزاوي