السلام عليكم
البارحة الخميس ساعة 5 ونص المغرب خابروني المنظمة والحمد لله وانطوني موعد سفر من اربيل يوم 16 شباط ان شاء الله من اربيل والحباية يوم 13 شباط من ابن البيطار والبارحة مكتبت الموضوع ﻻن كنت طالع ورجعت بالليل واليوم من الصبح ليهسة دنحضر الجنط وتايهة علينا ﻻن بموعد السفر اﻻول ب 9 اكتوبر كان كل شخص له حق جنطتين بيها 23 كيلو بس السفر الجديد كل واحد له جنطة وحدة ام ال 20 كيلو وتخيلوا ﻻزم اكثر من نص الغراض نصفيها هاي طبعا بعد ما كنا مصفين بالموعد اﻻول وخط الرحلة هالمرة من اربيل الى عمان الى القاهرة الى نيويورك ووراها بعد ما اعرف واني وجهتي اﻻخيرة ان شاء الله الى هيوستن علما لحد اﻻن الملف بعده فعال والامنية والسفر انتظار بس اني بيوم 5 جانيواري اجاني ايميل يكول انت على جدولة السفر وخابروني كالوا لي بيومها انت عندك جزء من اﻻمنية اكسباير وكان الكﻻم يناقض الايميل عالعموم بوكتها بعض اﻻخوان كالولي انتظر 45 يوم ورة هذا اﻻيميل وانت واصل ان شاء الله وتوقعهم كان صحيح والحمد لله ادعو من الله يفرجها على جميع المنتظرين واروح اكمل الجنط اصبروا وشوفوا رب العالمين اشلون يفرجها عليكم اني دخلت السنة الخامسة ببداية هالشهر بس الحمد لله رب العالمين مضيع لي الصبر اشوفكم بخير ان شاء الله
