السلام عليكم
شلونكم شباب احب ان اشكد هذا المنتدى الرائع على ما قدمة من معلومات ونصائح وصبرنه كل هاي الفتره المضت والحمدلله وصلنا الى امريكا بسلام بعد السفره الطويله والمتعبه والانتظار الطويل من اربيل الى امريكا
طبعا اجاني اتصال انت عمر نعم احنه iom عمان مستعد تسافر يابه اسافر وين جنتو من زمان انتضركم هههههه كال لعد استلم رحلتك م اربيل لعمان ومن عمان لباريس ومن باريس لنيويورك الحقائب كل واحد حقيبه 20 كغم مع هاند باك ولابتوب وعندك موعد حبايه ب ابن البيطار قبل يومين من السفر كان يوم 3/2/2014 طبعا موعد ضيق وماكدرنه ناخذ ويانه الى القليل من الغراض المهم قبل يوم السفر اتصل موظف المنظمه باربيل عدكم رحله ساعه 3 الفجر المهم ماحجيلكم على الطريق من البصره لاربيل والتعب ومطار اربيل حلو بس المشكله هوايه ناس ماجو لان ما متصلين بيهم واسمائهم عد الموظف المهم طلعنه من اربيل وصلنه عمان ساعه 5 الفجر استقبلنه الموظف ونطانه اكيس مالت iom وكال شوي واجي وره شوي اجه كال اعتذر منكم طيارتكم غدا وماكدر اوديكم فندق رح تبقون بصاله الترانزيت يوم كامل واحنه تعبانين كلنه مو مشكله نصبر جان يجيبلنه بطايق علمود نشتري اكل كل شخص 4 وجبات عاد منا ومنا خلص الوقت اجت الطيارة لباريس صعدنه واحنه تعبانين بشكل نمنه بالطيارة ورحله دامت 5 ساعات وصلنا باريس كان الترانزيت 3 ساعات استقبلنه موظق المنضمه ودانه للبوابه ونتظرنه معافنه لحد ما طرنه اجتي طياره نيو يورك ودحله دامت 8 ساعات الى مطار جون كندي وصلنا هناك الجو برد وثلوج وستقبلونه وفتحو الكيس واخذو اوراق ورجعو بعده كالي طيارتك بعد ساعه متروح لفندق وجان ياخذني ونروح وانتظار دام 3 ساعات تاجلت الطيارة لثاني يوم الصبح واخذوني الى الفندق وبتنه هناك لصبح هو فندق صغير بس مرتب بعده اجه الصبح طبعا وصلنه الفندق ساعه 11 واجه اخذنه للمطار ساعه 3 الفجر ملحكنه بس غفوه بعده ننتظر الى الساعه 7 طيارتنه وجان تنلغي الرحله طبعا حيل تعبنه بعده كال الموظف رح احولكم على غير شركه خطوط عاد همين حولنه وننضر لساعه 5 والرحله الى فلوريدا 3 ساعات وصلنه ساعه 8 بالمطار مال اورلاندو وصلنه ستقبلنه الكفيل وهسه احنه يمه بالبيت وجزى الله خير لحد ما المنظمه تشوفلنه شقه ،،
وبالختام اتمنى السفر للجميع واي سؤال اني حاضر
