السلام عليكم ..تحياتي القلبيه لبيتنا الثاني ولابناءه الكرام ..اولا اعذروني على التاخير لان مجان عندنا نت ويوميه معاملات من يوم الي وصلنا وثاني شي لان الخمسة ايام الاولى انام بالنهار ونكعد بالليل ههههههه ..عيني طبعا رحلتنا جانت من عمان الى اسطنبول وجان موظف الاي او ام بعمان جدا خلوق ومحترم وكملنا كلشي وصلنا الى قاعه السفر طبعا طرنا الى اسطنبول ساعه وحده ونص بالليل وصلنا ساعه خمسه الفجر وكان بانتظارنا اكثر من موظف اي او ام وسهلولنا هوايه امور واتصوروا ظلينا ثمان ساعات ترانزيت والموظف كاعد ويانه الى ان اجه موعد الطياره وراح ..طرنا ساعه وحده ونص الضهر الى شيكاغو وكانت 11 ساعه وصلنا كلش تعبانين واستقبلونا موظف عراقي وياه واحد هم عربي طبعا حتى يشيلون بالجنط ويه المسافرين الله يبارك بيهم .خلونا بسيارات ودونا لفندق والعاصفه الثلجيه بشيكاغو مو طبيعيه ..بتنا وحتى عشا صعدولنا لكل المسافرين .الصبح كل مجموعه راحت ويه موظف وبقينا احنا اجتنا موظفه امريكيه وياها سايق واخذتنا للمطار وكالعاده ظلت ويانا الى ان وصلتنا للطياره وسلمت علينا وراحت طبعا المفروض طيارتنا الى فينكس ومن فينكس راسا طياره الى سكرمنتو يعني ماكو ترانزيت بس الي صار انه الطيار تاخر ساعه ضبط يالله طار لان ضلو يغسلون بالثلج من الطياره المهم بنص الطريق جان يكول الطيار اني اعتذر فاتت الطياره عليكم بس راح تاخذون الطياره الي بعدها ونزلنا بفينكس وغيرولنا تكتات الطياره وظلينا ترانزيت 3ساعات ترانزيت هنا طبعا جان ماكو موظف بس الي خدمنا شويه نعرف لغه والحمدلله طرنا الى سكرمنتو وجان الكفيل بانتظارنا والحمدلله جان محضر كل الامور الله ينطيه من البيت الى اصغر شي ..وماحجيلكم على جمال امريكا وذوق ناسها والرقي بالتعامل يعني اخوان تستحق التعب والانتظاروالله يفرج هم كل واحد ويحقق امانيكم ..واي سؤال اني حاضره ..وختاما سلامي للجميع واولهم ساوند العزيزه..وان شالله الله يستجيب دعاءى لان اول مسافرت دعيت للجميع بالسفر العاجل ..تحياتي اختكم ام مريم
