{{{ جمعية يمضون ونبقى }}}

[HeliosGreek]

بعد التوكل وبعد دعم الاخوة ... نفتح اول صفحة لجمعية يمضون ونبقى والخاصة باصحاب الملفات المنسية 101و111,112 واللي بعدها واللي قدمو من 2008 و 2009 وليهسة ... لاخبر لا جفية لا حامض حلو ولا موعد سفر او امنية ... بيناتنا نشوف شنو اللي ديصير جديد

[Hawk 80]

اني وياك بالجمعيه

التقديم 2009

الرقم  115

[slam hawk]

اخي الفاضل 110 ملفي

[ryan dani]

108 ومن طيح الله حظج يامريكا

[ام اديان]

الله يفرجها عليكم بالقريب العاجل. وتسافرون هاي السنه ان شاء الله .

[ابو حسون البصراوي]

صح الملفات القديمة الي صاير عليها طن تراب. والي ملفي من ظمنهم.
تحياتي للجميع

[hardihardi]

رح اقولها بصراحة حقكم والله والله والله حقكم
لما تكونون ضايجين وانة مريت بنفس حالتكم وياست كلش
بس الملامة هي من شقين
اكو جماعة من عدنا احنة  العراقيين الله لايسامحهم دق تلفون كل يوم
خلت المنظمة هسة متحترمنا احنة العراقيين او اي اتصال يجي من العراق يسووه...........
هذا حسب اعتقادي الشخصي اتمنى من كل قلبي كل عراقي يطلع برا العراق ويباق بس المسولين حفظهم الله
بالعراق العظيم

[HeliosGreek]

بالنسبة للناس اللي خابروهم المنظمة وما جاوبوهم .... هي قسمة ونصيب ... وكل واحد وقدره ... اني اللي يحز بنفسي اني ما تزوجت لان كنت متأمل اسافر ,,, ورفضت فرص للاستقرار بالوظيفة لكن ..... يبقى الامل نبدي بداية جديدة نظيفة ونخلص من هالبلد ... مو ... كرها بالعراق بس باللي ديصير بيه .... نورتوني حبايبي واخواني واخواتي ....

[طيارة ورقية]

بالخير افتتاح هاي الجمعيه للمنسيين الي اني منهم 2009     الرقم 108
انشاء الله كلنا نمضي للخير والى بلد الاحلام  ولايبقى واحد   بأذن الله باقرب وقت
الله يفرجه على كل المنتظرين

[الصبر الجـميل]

[b]بالنسبة للناس اللي خابروهم المنظمة وما جاوبوهم .... هي قسمة ونصيب ... وكل واحد وقدره ... اني اللي يحز بنفسي اني ما تزوجت لان كنت متأمل اسافر ,,, ورفضت فرص للاستقرار بالوظيفة لكن ..... يبقى الامل نبدي بداية جديدة نظيفة ونخلص من هالبلد ... مو ... كرها بالعراق بس باللي ديصير بيه .... نورتوني حبايبي واخواني واخواتي ....

والله يأخي العزيز أحنة هم معاناتنا مو قليلة أحنة جيرانكم 2010 ( جماعة البلوكة ) نواسيكم ونشاطركم المعاناة ونتطلع سوية للأمل عسى أن تشرق الشمس من فوقنا يوماً , لقد هزت مشاعري معاناتك ولكن أي أستقرار بالوظيفة والدوائر تغرق بالفساد الأداري والمالي أي أستقرار ويعيش الموظف الشريف فيها محارب ومظلوم  وأي أستقرار والموظف لايأمن ولايظمن أن يعود الى بيته لكثرة فرص الموت المتاحة التي تنتهي بأقتحام مسلحين يرتدون زيا رسمياً يخطفون الناس من دوائرهم , أردت أن أذكر . هل هذا بلد يندم الأنسان فيه على فرصة , أنني أشعر بمعاناتك وأقدرها ولكن ثق أن سعادتك ستكون أكبر من كل هذه المعاناة حين تستلم موعد السفر أنشاء الله, وأنشاء الله في القريب العاجل يارب أقولها لك كما قلتها لمن سبقك وهو الأن في طريقه الى أمريكا , وأعلم أن الكثير من أعضاء المنتدى ممن سافروا حديثا هم من الكيسات القديمة وأنني لأرى أن المنظمة تتوجه لحسم الملفات القديمة وتسريعها من خلال حركة السفر وأعادة المقابلات الكثيرة التي تحدث ,وأعود للقول وسأبقى أرددها (( اللهم أجعلها سنة خير 2014وسفر للجميع يارب))
                                                        أبــــــــــــــــــو روان[/color][/size][/color][/b]

[علي حقي]

كلي هاي الجمعية بيها لم دجاج هههههههههههههههه اشاقة بس

[hhs]

وياكم ومتضامن وروحي طالعة ..الكيس 111 سنة 2009 والحبل عالجرار

[HeliosGreek]

احنا الناس اللي الايميل الوحيد اللي يجينا من المنظمة
Dear Sir/Madam,



 



Thank you for your email,



 



A careful review of our records indicates that your case is currently pending U.S. government security reviews which are required for all refugees prior to departure for the United States.  We are unable to predict when the security checks might be completed, as this process is under the authority of various agencies in the United States and beyond the control of IOM.  When the results are made available to IOM, we will contact you.

يعني صبرا

عااااااااااااا

[ميمي2010]

سجلونه وياكم تقديم لليو ان 2009 عمان
ورقم الملف ****122
جماعتنه أكثرهم سافروا
يمكن بس احنه ظلينه
صابرين
والله كريم
أختكم ميمي

[ميمي2010]

نسيت اكلكم ان شاء الله يصير اسم الجمعية
يمضون ونمضي ولا يبقى احد بأذن الواحد الأحد

[دقه قلب]

يااخوان وياخوات تفائلو بالخير تجدوه هالسنه لابد يخلصون القدماء اكو تسريع لاتقولي ماكو  انا تقديم 2011
وحمدلله هسه منتظر امنيه والله جنت قاطع الامل
ولابد من ان هناك ضوء في نهاية النفق

[سبيس]

نسيت اكلكم ان شاء الله يصير اسم الجمعية
يمضون ونمضي ولا يبقى احد بأذن الواحد الأحد

انا معكم ولاكن بهذا العنوان الذي كتبته الاخت ميمي

ابو الوليد

[ميمي2010]

يااخوان وياخوات تفائلو بالخير تجدوه هالسنه لابد يخلصون القدماء اكو تسريع لاتقولي ماكو  انا تقديم 2011
وحمدلله هسه منتظر امنيه والله جنت قاطع الامل
ولابد من ان هناك ضوء في نهاية النفق

اخويه ما عدنه الا ان نتفائل ونصبر
وننتظر الفرج من صاحب الفرج
ومثل ما تفضلت جنابك لا بد ان يكون هنالك ضوء في نهايه النفق لابد

[HeliosGreek]

نسيت اكلكم ان شاء الله يصير اسم الجمعية
يمضون ونمضي ولا يبقى احد بأذن الواحد الأحد

الله يسمعك منك ميمي

[ابو حسون البصراوي]

يالله ياربي ان شاءالله نسافر جميعأ ونخلص من هاي المعانات. بالتوفيق للجميع

[ام راما]

تحيه طيبه لكل الاخوه والاخوات
طبعا اني ملفي 105/ 2008
ويوم 2/2/20014 سافرت الامريكا
حبيت بس ادعيلكم بالموفقيه وتيسر
الامور  وان شاء الله كليتكم تمضون
وميبقى ولا احد بالجنعيه
تقبلو مروري
اختكم ام راما

[Leroy Jethro Gibbs]

الله يوفقكم ويسهل اموركم ان شاء الله ويارب ميبقى ولا عراقي حاير وقلق وينتظر السفر وان شاء الله كلكم تسافرون وتنغلق هاي الجمعية مثل ماانغلقت قبلها جمعيات كثيرة وسافروا اعضاءها , ندعيلكم من كل قلوبنا ان توصلون لامريكا وتنورونا بوجودكم ويانا .

[ابو حسون البصراوي]

شكراً يااخوان على هذا الكلام الجميل والمشاعر الصادقه. وان اشاءالله اتمنى لكم التوفيق في حياتكم الجديدة.

[single man]

سجلوني وياكم و لو اجيت متأخر
اقدملكم نفسي شيخ المعلقين صارلي 3 سنين عالتعليق
تقديم بداية 2010 و التعليق من بداية 2011
تحياتي

[Abu-Yahya]

113

تحياتي
أبو يحيى

[سنين بغداد]

مساء الخير:-
احب ان اشترك معكم ولكن ستكون لي الصداره بإعتبار
ان ملفي تقديم2008
ويبدأ 101×××
وانتو قدروا الموقف
مع العلم اجاني موعد سفر2014كانون الثاني ولغي قبل ساعات منه
مع التقدير والاحترام

[ابو حسون البصراوي]

الله يساعدك سنين بغداد ويصبرك. وان شاءالله الفرج القريب. واهلا بجميع الاخوان وان شاءالله الفرج والسفر القريب للجميع.

[طهطوه]

وياكم iz-116 من 2009 مقابلة اولى وفحص طبي 2011 والى هسة ماكو اي تغيير بالملف

خمسة نفرات العائلة تجييك امني ماتغير
وتعرفون الوضع ببغداد ابني اتصوب بمفخخة وصار عندة فطر بالجمجمة وبعض الجروح ودزيتلهم ايميل وماكو اي رد

الله يكشف الغمة عن كل واحد مقدم على iom ويصبرنة

دوختكم بس من القهر واحد يحجي
اخوكم ابو ياسين

[هيا]

السلام عليكم ..
اختكم هيا ضيفوني وياكم لجمعيتكم الحلوه ياربي جمعة خير وكلنا شلع لامريكا .
طبعآ اني تقديم 2010 وتعليق 2013 وراح يصير عندي اضافة طفل ب2014  ويمكن راح اغسل ايدي من السفر والله العالم .
رقم الكيس 116.
تمنياتي بالسفر للجميع.
اختكم هيا

[المستعين بالله]

احب اشارك في جمعيتكم اني تقديم iom بغداد ملفي 110 سنة التقديم 2009 وحصلت رفض في 2013 وقدمت استئناف منذ 9 شهور ولحد الان ماكو شي .
اتمنى السفر والتوفيق للجميع

[Sonata*]

وياكم 2009

106XXX

[بسكت شمائل]

شباب ولو ماعندي اي امل بعد بالاي او ام وما اعتقد هذولة راح يسوون شي بخصوص ملفي
اني هم 2009 - 110 ونايم
تحياتي

[Gilgamesh_84]

شلون الشباب ... اني HeliosGreek بس الاكاونت الظاهر انقفل بعد اخر مرة ... عموما بس حبيت ابشركم انه انطوني موعد سفر وبيوم 5/8 ويارب يوم الكم 

[ليث سعد]

الف مبروووووك توصل بالسلامة ان شاء الله 
بدت بشائر الجمعية يا الله  سجلوني وياكم 
التقديم 2008 بغداد 
رقم الكيس 103
مكمل كلشي من 2011
يارب افرجهة علينه

[ليث سعد]

يمكن بس اني بقيت بالجمعية

[هيا]

يمكن بس اني بقيت بالجمعية

لا اني هم باقيه بالجمعيه دا انتضر مقابلة اضافة طفل والله كريم اتمنالك التوفيق والسفر القريب .

اختك ها

[ليث سعد]

لا اني هم باقيه بالجمعيه دا انتضر مقابلة اضافة طفل والله كريم اتمنالك التوفيق والسفر القريب .

اختك ها

شكرا لك اختي ان شاء الله نسافر كلنا ونغير اسم الجمعية الى صبرنا ومضينا