السفر العاجل من امريكا الى العراق

[نور القمر 21]

  مرحبا اخواني اني اسئل هل يصير شخص يسافر من امريكا للعراق بعد وصولة بثلاثة اشهر وبعده مماخذ كرين كارت يعني يسافر للعراق شهر ويرجع لحالة اضطرارية وهي وفاة والدة .



                                       اختكم نور القمر

[سبيس]

رحم الله والدته واسكنه في جناته يارب

ممكن السفر تبليغ المنظمة بذلك

ابو الوليد

[samaalyasmin]

انا لله وانا اليه رااجعون ،..،،
رفع للمساعدة

[طالب لجواء الى امريكا]

انا لله وانا اليه رااجعون

[نور القمر 21]

  اخواني اني اشكركم وياربي يحفظ امهاتكم .

  لاكن لحد الان لم يجب شخص على السؤال .

  شلون يسافر وماعندة جواز امريكي ولا كرين كارت يعني اذا سافر بجوازه العراقي شلون يرجع الى امريكا ارجوكم اريد جواب بسرعة اذا امكن لان خطية خابرولي واني اريد اساعدهم .


                                  اختكم نور

[ALI123]

السلام عليكم
اختي العزيزة هاي الحال صارت وياية اني بسنه 2011 وكان صارلي شهرين من وصلت لامريكا ومكان عندي لا كرين كارت ولا ترافل دكيومنت ورجعت للعراق بسبب وفاة والدتي المفاجا والنتيجة لحد الان اني دا اراوح بمكاني لا يمكنني العودة خليهم يقدموا على ترافل دكيومنت على موقع الهجرة  وبس يبصمون يكدرون يحددون مكان استلام الترافل دكيومنت حتى ولو انطوا عنوان سفارة الولايات المتحدة في بغداد او القنصلية باربيل فمن يكمل الترافل دكيومنت يستلمو من هناك ويرجعون مرة ثانية لامريكا بكل راحة وهم مطمئنين

[البرق]

 
            يرفع للمساعدة

[hardihardi]

تريد نصيحة اخ
اني قبل ما اطلع من الضيم الموجود بالعراق فكرت بهالشي وقلت لاهلي سامحوني اذا واحد منكم مات واني ماحضرت جناوته طبعا لاهلي المقربين من الدرجة الاولى
براي الشحصي الوالدة ماتت والله يرحمها
وانت سعيت وبذلت جهد يلا وصلت لامريكا
والامريكان من قد كلاوات العراقيين كاموا مايصدكون بينا احنة العراقيين وحتا مايحترمونا

[slam hawk]

انا لله وانا اليه راجعون

[Awsaws]

انا لله وانا اليه لراجعون
اولا اخي نقول لك البقاء لله والبركه بيكم تكونون صدقه جاريه للوالدين باذن الله
اخي لازم تقدم على الوايت دوكمنت بس هذا  يتاخر من شهرين الى ثلاثه واذا سافرت بدونه فهي مجازفه لا انصح بها
تمنياتي بالتوفيق

[نور القمر 21]

   اني هوايه اشكركم اخواني على ردودكم ويارب يرحم الماضين ويحفظ الباقين



                              اختكم نور القمر

[Leroy Jethro Gibbs]

الموضوع سهل جدا وبسيط جدا , تقدمين على ترفل دوكيمنت من الرابط التالي http://www.ankawa.com/forum/index.php/topic,607950.0.html وتكملين التقديم لحد الصور والبصمات والافضل برأيي الشخصي ان يقوم محامي بالتقديم عنك واعتقد ياخذون مئة دولار او مئة وخمسين دولار ويسرعون التقديم والبصمات وبعدها تنتظرين 3 أشهر يلة يطلع وتكدرين بهاي المدة تسافرين للعراق وتكتبين مكان الاستلام السفارة الامريكية في بغداد ولكن نصيحتي ان تكتبين القنصلية الامريكية في أربيل حتى اذا رجعتي لامريكا بخير وسلامة وصار سؤال وجواب كولي جنت بأربيل مو بغداد حتى لايظل يسأل ضابط الجوازات والبقاء في حياتكم ان شاء الله .

[هذا عراقي]

ترفل دكيومنت

نانا لله وانا اليه راجعون والبقاء لله