المحرر موضوع: باص الحريه والديمقراطيه ..!!!  (زيارة 2331 مرات)

0 الأعضاء و 1 ضيف يشاهدون هذا الموضوع.

غير متصل عادل زوري

  • عضو فعال جدا
  • ***
  • مشاركة: 88
    • مشاهدة الملف الشخصي
باص الحريه والديمقراطيه ..!!!



بقلم : عادل زوري




ردت اروح بالباص للنعيريه
واللي يوكف يم نصب الحريه
وكفت انتظر مثل هل البشريه
بعد ساعة انتظار بدون عصبيه
اجانا الباص يدهرب اشويه اشويه
مكتوب عليه نعيريه-نصب الحريه
والتمت على الباب كل العبريه
وآني صعدت بالاخير مثل الافنديه
شفت السائق قميصه مليان نجوم خماسيه
ولابس براسه بيريه خضره بيها عين ماسونيه
صعدت بالباص وجان مليان بالكعيبريه
وجوهم امبوزه مثل الشرطه السريه
اتخوف الجهال بليله كمريه
واجاني الجابي هم لابس بيريه
مرسوم عليها نجمه سداسيه
وسئلني انت امين ويا هويه
كلتله آني عراقي الجنسيه
قبل اجداد اجدادك الصهيونيه
كلي احنا ما انصعد بالباص بس
اهل الفساد والطائفيه
وانت ياهو منهم حتى نركب سويه
كلتله آني عراقي ميه بالميه
ما عندي شك ابهويتي الكلدانية
وقبل ما انزل باوعت للعبريه
شفت شكولهم جنهم عربنجيه
الكاعد ليكدام نظراته شيطانيه
واللي ابصفه لابس عمامه خمينيه
واللي وراه عند لحيه جنه من الارهابيه
واللي جنبه يركص مثل الواويه
والبعده يتحرك مثل الشاديه
وخلفه واحد لابس ملابس نسائيه
يباوع جنه جنيه
وبالاخير كاعدين بقية اللوتيه
وآني جاي انزل سئلت الجابي
هاي اشلون رهمتوها هل بيتزا الايرانيه
ويا هل زلاطه المكدونالزيه
جاوبني وكلي .. انخليهم يتعاركون يوميه
بيناتهم على العظمه المشويه
وآني والسائق ناكل ونام نومه هنيه
ونزلت من الباص بهدوء ورويه
وآني كلشي ما مفتهم من هل قضيه
وهل باص اللي مليان حراميه
وفزيت من نومتي الكابوسيه
ومن الحلم بالباص البليه
وما شفت نفسي الا وآني نايم بالعصريه
ابحديقتنا المليانه ازهار ورديه
ابغداد الجميلة عاصمه كل العراقيه
وانطي هسه نصيحه وطنيه
لا تصعدون اباص الحريه والديمقراطيه
لانها صناعه امريكيه وايرانية
اصعدوا بس اباص الوطنيه العراقيه
بيه نهتف كلنا عراقيه

غير متصل هيثم الصقر

  • عضو فعال
  • **
  • مشاركة: 30
    • مشاهدة الملف الشخصي
    • البريد الالكتروني
رد: باص الحريه والديمقراطيه ..!!!
« رد #1 في: 12:08 29/03/2014 »
شكراااااااااااااااااااااااااااااااااااااااااااا

غير متصل عادل زوري

  • عضو فعال جدا
  • ***
  • مشاركة: 88
    • مشاهدة الملف الشخصي
رد: باص الحريه والديمقراطيه ..!!!
« رد #2 في: 15:12 23/04/2014 »
شكرا الاخ هيثم الصقر على مرورك الكريم
تقبل تحياتي

غير متصل sargon hozaya

  • عضو فعال
  • **
  • مشاركة: 42
  • الجنس: ذكر
    • مشاهدة الملف الشخصي
    • البريد الالكتروني
رد: باص الحريه والديمقراطيه ..!!!
« رد #3 في: 00:53 05/05/2014 »
روعة ..