استودعكم الله يا اعضاء عنكاوا

[hardihardi]

السلام عليكم ورحمة الله وبركاته
اول ماجيت لامريكا كنت كلش متحمس للعلم انا فتحت عضوية بالموقع فبل يومين من سفري
والان بعد مرور 45 يوم كاملة لي في امريكا اشعر بمرراة كبيرة والسبب يعود
لا كاش موني ولا مديكير
ولابطاقة عمل
بس سوشل سكيورتي اتصل بالكيس وركر احجي وياه يطيني كل مرةجواب شكل ومختلف
انة اتصلت بالكيس وركر تقريبا 5 مرات بهاليومين
عجبي الكيس وركر مايتابع ملفي يم دائرة الهجرة مال امريكا بخصوص بطاقة العمل
اتصل بدائرة الهجرة واللجوء يطوني جواب متناقض مع كلام الكيس وركر
انزل موضوع هنا الاعضاء القدامي يجاوبون لكن يمكم الاجراءات الان تختلف عما كانت قبل خمس او ستة سنوات
الاعضاء الجدد الواصلين من شهر او شهرين لامريكا الله لايجازيهم اول مايوصلون يختفون مايتواصلون حتا نعرف
ان بس قضيتي هي هيج لو قضااهم هم صاير بيها نفس ماساتي
انا استودعكم الله فيما الله

[nemro]

اخي بطاقة عمل وصلتني بعد شهرين
من وصولي
واكو هوية عمل تاخرت 4شهر يعيني شغلة بطاقة عمل عادية
اما السوشل ومديكير جت اول شهر  مع تحياتي الك

[hardihardi]

الكعدة تموت صاحبها
انة ماحب الكعدة ومامتعود عليها اصلا بالاخص الانسان الشغول
حتا نفسية الانسان تتغير
يابة خلي يطوني بطاقة عمل
اشتغل فالنتير
مو انة بالبداية رجت للكنائس حتا اشتغل فالنتير
بعدين مدير النظمة اتصل وقال لاتكرر مسالة الفالنتير مال كنائس
لعد شسوي اكعد بالبيت واسوي مشاكل

[ابو ايمن المياحي]

اخي اوﻻ كول يا الله وصلي على محمد واله الطيبين الطاهرين
ثانيا انت اقدم مني بالولايات لاني وصلت قبل اسبوعين
الي سويته قدمت عالسوشل سيكيورتي نمبر
احذت الفود ستامب
اخذت الراتب الاول الشيك موني
بس عندي معلومات عامه حسب خبرتي واطلاعي
نجي على قضيتك
انت سجلت عالماتش كراند لو عالبرنامج دي اس اج اس
اكو فرق . زين هاي بالنسبه للموني والامور الضروريه الاخرى
بالنسبه لبطاقه العمل اكو تتحصل بشهر واكو بست اشهر حسب حركة وشغل المنضمة
الي كافلتك وحسب الكيس ووركر وشطارته
نصيحه رابطلهم بالمنضمه روحلهم لتضل تخابرهم اكو فرق
وممعقوله انو انت مماخذ الولكم جيك

تحياتي

[steven_siv]

يعني انتة مناك جاي علمود ولكم  الموني والمديكيد
اذا هيج حاسبها راح تتعب اخي

[hardihardi]

يعني انتة مناك جاي علمود ولكم  الموني والمديكيد
اذا هيج حاسبها راح تتعب اخي

يا اخوي الغالي بس حضرتك لاتفهمني غلط رجاءءءءءءءءء
اخوي لما اتصل بالكيس وركر بخصوص بطاقة العمل
يقول ايه ويطلع حجج وكلاوات منا ومناك
لما اقله يابه انت قدمت على بطاقة العمل بالنسبة الي
يجاوبني بسرعة ويقلي اني ماقدمت الك بطاقة العمل
زين قلت له شون اذا انت اذا مامقدم على بطاقة عمل شلون احصل عليها
قال بالحرف الواحد وكرر هالكلام مرتين قال دائرة الهجرة هم اللي يقومون بطلب هوية العمل بالنسبة للاجئ الجديد
والهوية تجي لعنونا المنظمة واني اجي واجيبها الك
اتصلت بيه خمس مرات وبالخمس مرات نفس الحجي
يابة شون متريدون الواحد ميصير عندة كابة اذا هيج نماذج يتعاملون مع اللاجئين ويجكمونهم نفسيا
مرات اكول والله حرامات امريكا بلد عظيم اذا هيج نماذج صايرين من صناع القرار

[slam hawk]

الله يعنيكم يفرجهة عليكم اخواني

[laith_albander2]

عزيزي
انا وصلت امريكا - تكساس قبل اسبوع و بعد سؤال لكم شخص من العراقيين القدماء هنا و الي التقيت بيهم عن طريق الصدفة فهمت منهم ان العافية درجات و التأقلم و العمل و الطبات و الطلعات تجي بس كلشئ بوقته و هالفتره لازم الواحد يصبر و بعدهه راح ينهمك بمشاغل الحياة هنا و مراح يكون عنده وقت يحك راسه و اغلب الواصلين الى امريكا اشتغل بعد وصوله بأكثر من ست اشهر او خلي نكول بكل الاحوال اكثر من 45 يوم و خصوصا انه من المفضل ان تستمر بشغلك الاول فتره ست اشهر او اكثر
لا تستعجل على رزقك لان انت مغير البلد و المجتمع و البيئة المحيطة بك و بكل تفاصيلها و لهذا حطولك منظمه ترعى امورك بالبداية و لو ان اغلبهم كما سمعت ( قفاصة ) و الله و اعلم ان صح هذا الكلام ام لا
مسمعت او قريت قبل متسافر الى امريكا عن صعوبة الحياة و التأقلم في بداية الامر ؟ اما عن مسألة انت شاغول و متكعد بالبيت فهاي طلعهه بعدين لمن يجي وقتهه و انجح يشغلك لكن هالفتره اعتبرهه جزء من التضحيه الي لازم تقدمهه لتغيير مستقبل العائلة

[hardihardi]

عزيزي
انا وصلت امريكا - تكساس قبل اسبوع و بعد سؤال لكم شخص من العراقيين القدماء هنا و الي التقيت بيهم عن طريق الصدفة فهمت منهم ان العافية درجات و التأقلم و العمل و الطبات و الطلعات تجي بس كلشئ بوقته و هالفتره لازم الواحد يصبر و بعدهه راح ينهمك بمشاغل الحياة هنا و مراح يكون عنده وقت يحك راسه و اغلب الواصلين الى امريكا اشتغل بعد وصوله بأكثر من ست اشهر او خلي نكول بكل الاحوال اكثر من 45 يوم و خصوصا انه من المفضل ان تستمر بشغلك الاول فتره ست اشهر او اكثر
لا تستعجل على رزقك لان انت مغير البلد و المجتمع و البيئة المحيطة بك و بكل تفاصيلها و لهذا حطولك منظمه ترعى امورك بالبداية و لو ان اغلبهم كما سمعت ( قفاصة ) و الله و اعلم ان صح هذا الكلام ام لا
مسمعت او قريت قبل متسافر الى امريكا عن صعوبة الحياة و التأقلم في بداية الامر ؟ اما عن مسألة انت شاغول و متكعد بالبيت فهاي طلعهه بعدين لمن يجي وقتهه و انجح يشغلك لكن هالفتره اعتبرهه جزء من التضحيه الي لازم تقدمهه لتغيير مستقبل العائلة

حبيبي ليث عيوني انت
انت سامع قبل بهيج فلم الكيس وركر يكلك ترا اني مامقدم على هوية العمل مالتك هي دائرة الهجرة الامريكية هي المقدمة عليها وهمة
يدزوها على عنوان المنظمة وقال لما توصلني اني اجي واجيبها الك
بشرفك سامع هيج حجي جاوبني

[انيس الجالسين]

اخي انت ليش ماتريد تقتنع ان بطاقة العمل لا تقدم ولا تأخر ؟!!!!!!!!
انت سألت اكثر من مرة وإجابك الكثير والقدماء خصوصا ،،، اذا ما تريد تقتنع ،، انت حر !!!!!
اذا لكيت شغل بأمريكا ومحد شغلك الا بالبطاقة تعال عاتب !
 
بالنسبة لأي مساعدات حكومية اذا لم تتسلمها لحد الان
 حاول ان لا تعتمد على المنظمة في كل شي
ابحث عن دائرة المساعدات وراجعها بنفسك ،، وستستلم بنفس اليوم
المنظمة عملها عمل مساعد وتستطيع ان تستغني عن اي خدمة منهم
بالاعتماد على نفسك او على الأصدقاء والمعارف

بالتوفيق ان شاء الله

[hardihardi]

اخي انت ليش ماتريد تقتنع ان بطاقة العمل لا تقدم ولا تأخر ؟!!!!!!!!
انت سألت اكثر من مرة وإجابك الكثير والقدماء خصوصا ،،، اذا ما تريد تقتنع ،، انت حر !!!!!
اذا لكيت شغل بأمريكا ومحد شغلك الا بالبطاقة تعال عاتب !
 
بالنسبة لأي مساعدات حكومية اذا لم تتسلمها لحد الان
 حاول ان لا تعتمد على المنظمة في كل شي
ابحث عن دائرة المساعدات وراجعها بنفسك ،، وستستسلم بنفس اليوم
المنظمة عملها عمل مساعد وتستطيع ان تستغني عن اي خدمة منهم
بالاعتماد على نفسك او على الأصدقاء والمعارف

بالتوفيق ان شاء الله

اي عمل اقوم به بدون كارت العمل مادام معندي كرين كارت سيعتبر خرقا للقانون الامريكي
واحنت الشرق اوسطيين المخالفة محسوبة علينة بالعشرة
اضافة باي شغل تقدم مدام انت لاجئ يطلبون منك هالتصريح واني المسول عن كلامي واذا تريدون سووا طباعة لردي وراووا لخبراء الهجرة بالمنظمات الغير العادلة والغير منصفة مع اللاجئ التعبان

[انيس الجالسين]

معلوماتك خطأ مع احترامي
اذا كنت داخل لاجىء وعندك الكارت الأبيض
تستطيع العمل باي مكان بعد حصولك على السوشل
اني اشتغلت بعد 3 ايام من وصولي
وغيرت العمل بعد فترة لعمل اخر وصار لي سنة ونص اشتغل
ولم يطلب مني غير السوشل واثبات الهوية ( اجازة السوق)
هذا الجواب لك تكرر من اكثر من عضو واذا متقتنع
انت حر كما أسلفت

بالتوفيق

[hardihardi]

زين سوال رحمة على والديك
انت هوية العمل ورا شكد طلعتلك
زين الكيس وركر يكللي ان دائرة الهجرة هي اللي قدمت معاملة تقديم هوية العمل
اني ماعرف اسوق سيارة فشلون اطلع اجازة سوق
يعني فوق الافلاس لازم اطب بدورة سياقة
احياتي لك اخي الغالي انيس

[Ghassan2]

قدم على هوية الولاية بدل من السياقة و تفي باغرض
مثل ما قال الاخ ماتحتاج كارت العمل , هناك 11 مليون مهاجر غير قانوني في امريكا و غالبيتهم يعملون و لا احد سألهم عن بطاقة العمل..... و انت صارلك كم يوم لازگ بيها !!

[hardihardi]

حلوة مال لازك بيها ................................. اذا هي سيكوتين شلون مالزك بيها 
اخوي تاج راسي عيوني انت حبي
شوف انة اريد اشتغل قانوني ماريد اشتغل بالقجاغ من ورا الحكومة ماريد اشتغل اسود اريد ادفع ضرائب للحكومة فشلون اشتغل وادفع ضرائب للحكومة
اذا معندي كارت عمل
اشكرك ياورد على مشاركتك

[Ali leo]

اخوية الغالي راح اجيبها الك من اﻻخير كلش كلش
حتى تقتنع
كو مدينة بولاية تكساس اسمها الباسو  بيها معسكر مال جيش امريكي اسمها فورت بليس هاي اتدرب الجنود اﻻمريكان الكلجر مال البلد الي يرحون اله وهسه هو الماشي افغانستان اتشغلك بدون كارد العملﻻ
من اﻻقوى بالله الولمارت الي تريد تشتغل بي او اي مكان لو هذا المكان الحساس

واذا اتريد تشتغل باوستن تعال والله شاهد علية اذا احد كلك وين كارت العمل انا المسؤول انا انطيك راتبك بعد شتربد
انت لا تضل بس على مكان واحد راد منك الكارت مالت العمل اكو اماكن ماتطلب ماتطلب
انت رفيوجي والرفيوجي يشتغل اصولي بالوايد كارد اتت مو قجق انت اصولي بامريكا

[aliii ahmed]

اني استلمت هوية العمل وره 3 اشهر من وصولي لامريكا
اني وصلت شهر 8 /2013
فعادي تصير
تكدر حاليا تطلع هوية الولايه وتكدر تسوي الفود ستامب والكاش

[hopefully]

اخوية هاردي
من دخلت الى امريكا اكيد انطوك الباج الكبير بمطار نيويورك او اول مطار دخلت بي من وصلت امريكا بنهاية الباج اكو رقم المنظمة خابر عليه ولا تظل بس تخابر الكيس ووركر واذا مسووا لك شي اكو بظهر هذا الباج رقم الاي او ام في نيويورك خابرهم واشرحلهم اللي ديسووه وياك المنظمة اذا مجتي المنظمة كلها لبيتك ثاني يوم يتوسلون بيك حقك اني مجرد خابرت على المسئول عن الكيس ووركر مالتي وبنفس المنظمة خلال اول يوم جهزوا لي الباقي من فلوسي وجانوا مجلبين بيها بس كان يوم جمعة والعصر والاثنين دزوا لي الجيكات الباقية مال فلوسي والثلاثاء اجاني لوري غراض من المنظمة لوري وحدي بي كل الغراض البيه لي وخابرتني ام المنظمة اعتذرت 94787057275 مرة وكالتلي اي شي يصير وياك خابرني وبس اذا تصير لك جية للمنظمة اريد اشوفك بس اريد اسلم عليك وكارت العمل هو ضروري بس مو بكل مكان يسالون عليه مثل ما كال بعض الاخوان بس انت حاول تسوي هالخطوتين وانتظر اسبوع واحد بلكي تفرج ان شاء الله

[Sonata*]

اخي اوﻻ كول يا الله وصلي على محمد واله الطيبين الطاهرين
ثانيا انت اقدم مني بالولايات لاني وصلت قبل اسبوعين
الي سويته قدمت عالسوشل سيكيورتي نمبر
احذت الفود ستامب
اخذت الراتب الاول الشيك موني
بس عندي معلومات عامه حسب خبرتي واطلاعي
نجي على قضيتك
انت سجلت عالماتش كراند لو عالبرنامج دي اس اج اس
اكو فرق . زين هاي بالنسبه للموني والامور الضروريه الاخرى
بالنسبه لبطاقه العمل اكو تتحصل بشهر واكو بست اشهر حسب حركة وشغل المنضمة
الي كافلتك وحسب الكيس ووركر وشطارته
نصيحه رابطلهم بالمنضمه روحلهم لتضل تخابرهم اكو فرق
وممعقوله انو انت مماخذ الولكم جيك

تحياتي

اللهم صلي على محمد وال محمد وعلى صحابته الابرار

[seed wissam]

عزيزي الكارت صحيح يسلمه الكيس وركر باليد لك لان هذا الي حصل معي
وهو ينتظر من دائرة الهجرةالهوية صحيح

لذالك لدي نصيحة لك اخي العزيز
بما انك بالانتظار الان ابدء بدراسة منطقتك والمناطق القريبة من سكنك
لان ذالك ربما تراة ليس ذا قيمه ولكن صدقني سيفيدك كثيراً حين تبداء العمل
وحين يتصل بك الكيس وركر الجديد الخاص بمسئولية ايجاد العمل لك ستكون مستعد عند اعطائه لك عنوان العمل الجديد
وللعلم هناك منظمات تقوم بتعليم السياقة للمهاجرين - ( بالنسبة لولايتي ) لا اعرف ان كان في عموم الولايات متوفرة

[الصبر الجـميل]

أخي صاحب الموضوع
قريت كل الحوارات اللي دارت بينك وبين الأخوة اللي سبقوك وأنطوك مشورتهم مشكورين
وجزاهم الله كل الخير ,,بس أنت ليش موراضي وما تقتنع بكلام ولا واحد منهم ؟؟.. ليش
مجلب بالأنطباع اللي صار عندك عن كارت العمل وصايح آمين .. آني دا أشوفك داخل بجدل
وياهم وما أقتنعت بشي .. اشلون راح تستفيد من تجربة الآخرين بغيرها من الأمور ومن حر كلبي
أحب أكلك نصيحة من مجرب وأنت حر أن تاخذ بيها أو لا :
حاول أخي أن تستفيد من تجارب الآخرين بذكاء وحاول أن تمتلك أفق أوسع وكون أقوى ولا تنحبس
بسرعة وتصير أسير حالات تنصدم بيها خليك متماسك أكثر وتجارب الآخرين هي ترة مصدر هذا
 التماسك . كل الكلام اللي تفضلوا بيه الأخوة هو مفيد ومصدر قوة الك لأن ما أظن أكو واحد بيهم
عندة غرض سيء وياك ويريد يخدعك .. كلهم ماشاء الله على روحهم الطيبة ديحجون وياك بنفس
طيب وحرص أخوي .. تمنياتي لك بالتوفيق
                                                     أبـــــــــــــــــو روان

[aliii ahmed]

اخي لا تحتاج كيس وركر ولا شي
اخذ السوشيل وال i-94 وروح لل DHS وبنفس اليوم ينطوك كارد الفود و وره ايام ينزل الكاش بي.
وبالنسبه لهوية العمل همه اهل المنظمه يسلموها بايدك .. اني شهرين يلا استلمتها.

[غربة الدار]

اخي العزيز( من لم يصبر قتله الحزع)

اولا انت من الاشخاص اكيد الذين انتظروا فتره طويله حتى حصلوا موعد سفر, لذلك اصبر اكثر
والشيئ الثاني انت جاي من العراق الذي موجود بيه اسوء مما انت تواجه في وقت الحالي في امريكا لذلك اصبر ولا اعتقد ان الكيس وركور او اي شخص اخر راح يهمل قضيتك بقدار الاهمال السابق في بلدنا العراق مع الاسف
واخيرانا لطالما انت عندك فود ستامب وميدي كيت ليش مستعجل عيش بيها وبكرامه وتلحك على الشغل الان هواي ناس مع احتراماتي الكم يسوون نفسهم مجانين ومعاقين ومرضى في سبيل يعيش على موضع المدي كيت والفود ستامب ,,, الخ
 وهذا الوضع ما راح يدوم طويل وما هو الاهون بين الامرين العراق ام امريكا قارن واحكم


(اذهبوا الى الحبشه فان فيها ملك لا تظلم الناس عنده)