اللجوء الأنساني عن طريق موقع الهجره الأسترالي و من العراق؟؟؟؟؟؟

[Abo Sajjad]

السلام عليكم

اليوم تصفحت بموقع الهجره الأسترالي  http://www.immi.gov.au/Pages/Welcome.aspx
وجلبj نظري فقرة find visa
دخلت معلومات و انطاني خيارات من ضمنهه In-country Special Humanitarian visa (subclass 201)

وهذا الرابط http://www.immi.gov.au/Visas/Pages/201.aspx
وبصراحه تعجبت لأن اني مسامع واحد طلعله لجوء وهو بالعراق؟اصلا ماكو سفاره استراليه بالعراق اكو قنصليه بالبصره يمكن وبغداد هم بس مينطون فيزه و الناس تتبهذل وتتعب وتتغرب همه وعوائلهم  وتصرف وسنتين بتركيه يلا يطلعلهم لجوء

بس هذا النوع من الفيزا شروطهه :
ان تكون ساكن بوطنك يعني بلد الأم
ان تكون معرض للأضطهاد
ان تكون غير قادر على الخروج من بلدك لتطلب اللجوء من بلد اخر

سامعين بهيج شي قبل؟شنو رأيكم بيه؟ تعرفون احد طلع من العراق بهالطريقه؟

شكرا لكم

[hellousa]

اية نعم سامعين بيها بس هيا فيزا201 موا 202 بس لازم يكون عندك ادلة قوية على انك معرض للخطر والاضطهاد في بلدك

[Abo Sajjad]

مشكور اخويه على الرد

نعم اني عندي اسباب قويه واصلا اني موعد سفري بعد شهر الى تركيا بس اذا بأمكاني اقدم من العراق اعتقد احسن
ماعندك معلومات شكد تطول الفيزا يلا تطلع؟

رحم الله والديك والله يسهل امرك

[hellousa]

سنة او سنة و6 اشهر بالكثير الامر يعتمد على جنسيتك كل جنسية لها عدد محدد من الفيزا

[كارهه الدنيا]

اكيد هذا الشي اذا صدك بس احد ياكدلي لان احنا نريد نروح تركيا ونقدم يو ان وكرايبنا باستراليا يتكفلونا اذا من هنا اسهل لو بتركيا

[kyky77]

السلام عليكم اخوان اني حيل قديم بسوالف استراليا والفيزا اللي تحجون عليها فعلن موجوده لاكن تمنح لعدد قليل جدا وزيدكم علم تمنح للشخصيات او اللي مشتغلين مع القوات الاستراليا من جانو بالعراق واني اجيت اسويها لاكن سئلت محامي بستراليا وهوا صديق عمي وكلي يهذا الكلام فيا اخوان لاتورطون نفسكم ويجيكم رفض مابيها مجال تحياتي للجميع

[kyky77]

اكيد هذا الشي اذا صدك بس احد ياكدلي لان احنا نريد نروح تركيا ونقدم يو ان وكرايبنا باستراليا يتكفلونا اذا من هنا اسهل لو بتركيا

اختي روحي التركيا افضل او عمان تكون اسرع العمل بالمعاملات

[kyky77]

سنة او سنة و6 اشهر بالكثير الامر يعتمد على جنسيتك كل جنسية لها عدد محدد من الفيزا

    اخي ماكو هيج شغله ماكو كل جنسيه والها عدد معين وانما الشرق الاوسط الا عدد معين وبالضبط كل صنف فيزا الا عدد معين من الفيز كل سنه ماليه مثلن الهجره واللجوء او الكفائات او لم الشمل وغيرها تحياتي اخي

[كارهه الدنيا]

اشكرك هواية اخوية العزيز جنت حايرة مابين هاي الفيزا ومابين اروح تركيا انشالله الكل تستفاد الله يوفقك