!!!! أســـف جـــداً جـــداً لأنقطاعي طول هذه الفترة !!!!! وشكر خاص للاخ دبس وراشي

[MARK edward]

السلام عليكم اصدقائي واخواني في منتديات عنكاوا المحبوبة لدى الجميع ..

مثل متعرفون انه الحياه هنا بالبداية تكون كلش صعبة ولازم الشخص يبلش من الصفر لان مو الكل طلعوا وعدهم فلوس
الواحد لازم ميعتمد على المنظمة نهائياً لان ما اعتقد راح تساعدك ولو بشي بسيط احتمال قد يقدمولك اوراق السوشل وحتى هذا ما ساعدوني بتقديمة والحمدلله اني ما احتاجيتهم بشي اني مشيت بيهن كلهن .. بعد ما وصلت لفرجينيا ضليت خمس ايام وبعدين حجزت على اوستن تكساس وبعد وصولي الى تكساس احتاجيت وقت حتى ارتب وضعي واكمل جميع اوراقي المطلوبة .. الحياة حلوة بأمريكا للي عندة شغل وتكون جحيم للي ماعندة اي فرصة للعمل واني بصراحة شفت الشغل مو بسهولة واحد يكدر يحصلة الا تركض وتسأل اصدقاء او تراجع المكاتب الي مسؤولة عن الاعمال .. حالياً اني الحمدلله عندي شغل وبعدني ممشتري سيارة بصراحة ما التقيت بأي صديق من منتديات عنكاوا في تكساس وبالاخص اوستن .. مشتاقلكم جميعاً ولا انسى الايام الجميلة رغم صعوبة الانتظار لكن افتقد الايام الحلوة الي جنة ندخل بيها على الجات ونكتب مواضيع حتى بس ننسى الوقت ونجبر روحنة على الانتظار .. الحمدلله على كل حال واحب اسمع اخبار الاصدقاء منو منهم سافر ومنو منهم بعدة وانشالله ياربي تبشروني انه الاصدقاء الي اعرفهم كلهم سافروا

وأحب اشكر اخوية الوردة دبس وراشي على وكفتة الحلوة وياية وانشالله مراح انساها وبلكي تصير فرصة حتى اعوضهة الله يوفقك وانشالله ياربي اسمع بيوم سفرك يا ذهب

تحياتي الكم اخوكم مارك مشتاقلكم من الستينات  

[um shaheen]

كل الهلا بيك اخونه مارك منوووور بيتك الثاني
يارب حياه جديده مليئه بالتفائل والسرور
وبكل خطوه بحياتك مليون سلامه بالتوفيق ان شاء الله
تحياتي
اختك ام شاهين

[MARK edward]

كل الهلا بيك اخونه مارك منوووور بيتك الثاني
يارب حياه جديده مليئه بالتفائل والسرور
وبكل خطوه بحياتك مليون سلامه بالتوفيق ان شاء الله
تحياتي
اختك ام شاهين

شكرأ ام شاهين الذهب نورج هذا ربي يوفقج ويسعدج

[ابو الامراء]

اهلا  وسهلا بعودتك الى المنتدى وان شاء الله يسهل امورك وتعيش حياتك الجديده بالف خير وعافيه

[المهندس الزورائي]

يا هلا ومرحبا بالغالي .. نورتنا

[ابوحسن 89]

الف مبروك سلامة الوصول وموفق انشاء اللة في حياتك الجديدة

[ابو فرقان]

هلا برفيق النضال شونك خوية والله مشتاقون

[ahmed k falah]

حبيبي مارك الوردة نعلعلا والله مشتاقيلك من شفت الصورة مال الiom لادين لهم اتذكرت ايام الجات . الف الف الحمد لله على سلامتك يارب الموفقية

[Awsaws]

الف الحمد لله على سلامتك وتمنياتي بالتوفيق والنجاح الدائم والاخ الاستاذ دبس وراشي علم من اعلام الطيبه والاخلاق الرفيعه نتمناله كل التوفيق

[MARK edward]

اشكركم اصدقائي الطيبين وانشالله يوم سفركم جميعاً والي مسافر انشالله الاستقرار وراحة البال

تحياتي الكم يا ورود

[غــريـبــه!!!]

مبرووك عليك حياتك الجديده وهلا بيك ابيتك الثاني

[Ali leo]

ياهلا وكل الهلا بيك خويي الغالي واوستن نورت بيك صدك جذب انت باوستن ومادري بيك ياكاع انشكي وبلعيني اخوك ليو اهنا باوستن واي شي تحتاجة اسال ولا تتردد وانا دزيتلك رساله على الخاص بيها رقمي منتظر اتصالك حبيبي

اخوك علي اوستن

[Sound of Soul]

اهلا وسهلا مارك نورت المنتدى
بالتوفيق حياتك الجديدة ان شاء الله
تحياتي .

[MARK edward]

شكراً احبابي ربي ينور دربكم ويحقق كل احلامكم

تحياتي للكل

[tofy]

الف الحمدلله على السلامة اخي العزيز وان شاء الله اتشوف كل الخير بحياتك الجديدة وتحيه خاصه للاخ دبس وراشي

[غربة الدار]

بالتوفيق وحياة سعيده  والسفر العاجل لجميع الاخوه المنتظرين امين رب العالمين