اكيتـــــو هلا بيك
كل سنة تدگ بابنا مرة وعلى الشبابيك
هلا بيك... هلا بيك
صارنا زمان منتظريك
وعلى احر من الجمر متانيك
ومشتاقين اليك
لا تظن احنا ناسيك
طول الشتا نجيب طاريك
گلبنا وعقلنا وروحنا فيك
اعتمادنا عليك
ولشمسك وهواك كلنا ناطريك
والگاع اول من تبوس ايديك
وتستقبل رجليك
وتاخذك بالاحضان وتناغيك
وترضعك من حبها وتوكلك كيك !
بس عدنا سؤال سيادة البيك ؟
أشو زعلان ...منو محاچيك ؟
آآآخ آآآخ خليها سكتة يا ابو الويك !
شلون ما ازعل الله يخليك
الزمن صار غدار مثل الشريك
يردون يفككوني تفكيك
كلمن يريدني اله وآني ابوهم تمليك
وداعتك كلها تكتيك
ومن اجل المصلحة كلها تجيك
جنت منسي سنة ورا سنة من زمن المماليك !
ولو ما زوعـــــــا.. محد يگللي شبيك
چان بقيت منسي الى ان يبيض الديك !
اورها دنخا سياوش
