مادري افرح مادري دايخه صار كم يوم من وره السفاره ماديفهموني ارجو مساعده منكم يا اهلي وناسي

[ام طلال]

مرحبا للجميع الاخوان والاخوات كيف حالكم ان شاء الله الجميع بالف خير ........

استلمت الفايل نمبر 7/6/2014 وظليت اتصل كل فتره على السفاره الاستراليه الي باعمان كل فتره تقريب صار 10 اشهر يكولون ملفك مغلق وقبل كم يوم اتصل كالو نعم موجود هذا الاسم والرقم الفايل نمبر طبعا اني كانت فرحتي ﻻﻻﻻ توصف كالت الموظفه صار عدكم ملف عدنا بالسفاره بس حاليا ملفكم تحت الدراسة القنصل كالت بس اذا حابه تعملين فورمات 80 عادي سويه وقدميه للسفاره كتله غير تطلع نتيجه من القنصل يله اعمل فورمات 80 كالت ﻻﻻ عادي حتى نضيفه على المعامله مالتكم ...هل احد صار وياه مثل هذا الشي  ؟؟؟

مشكله دائرة الهجره بااستراليا ماتصلو بالكفيل وماكلو اله حولنه الملف لعمان....
وياريت احد يخبرني هل يعني هاي موافقه ؟؟؟

العدم محكوميه اين موقعه ومن وين اجيبه وهل لزم اسقط الغرامات الي علينه يله ينطونه عدم محكوميه ؟؟
ممكن سؤال هل صحيح احنه جماعته الكفالات الطائره على حسابنا الخاص ؟؟
وهل السفاره لديه اتصال مع الامم المتحده يعني من نملي الفورمات نفس الكلام في اليون؟؟
انتظر ردكم ﻻن امس الحاجه لمعلوماتكم ونصائحكم
شكرا للجميع...
ا

[kyky77]

ام طلال انتي عندما كنتي تتصلين مكان ملفك متحول على السفاره طبيعي ايكولون اك لايوجد لكي ملف لاكن عندما اتصلتي الان وجدتي ملفك لكون ملفك تحول على السفاره وقامو باخبار الكفيل لاكن الكفيل لن يبلغك واكيد طلبو من الكفيل الفورم 80 الان انتي ارسلي فورم 80 لكون ملفك اصبح في السفاره وهذه موافقه مبدئيه فقط  ومستحيل ميكونو ممخبرين الكفيل لكون دائرة الهجره ترسل ضرف بريد وفيه الفورم 80 فارغ مع باقي الاوراق التي تحمل معلومات مقدم الطلب والكفيل والفايل نمبر اما عدم المحكوميه لاعلم لدي بها

[ام طلال]

شكرا اخي الك على  الرد والمعلومات اتمنى الك التوفيق

[بغداد لاتتالمي]

شكرا اخي الك على  الرد والمعلومات اتمنى الك التوفيق

اهلا وسهلا اختي ام طلال
العدم  محكوميه اسويها من قصر العدل الي صاير بالعبدلي خلف مجلس النواب
وتاخذون وياكم بس جوازاتكم ودفعين رسوم 5 دينار على كل واحد منكم
وكل الشغله مطول اكثر من ربع ساعه
طبعا راح يسئلكم  شسوون بيها وكلولهم الى السفاره الاستراليا
طبعا همه بدورهم راح يعنونوها الى السفاره الاستراليا
وبتوفيق يارب

[ام طلال]

تسلم اخي بغداد دائما انت ماتقصر بامساعدة الاخرين الله يسهل امرك يارب