شكد حلو طالع اليوم
يحيى غازي الأميري
شكد حلو طالع اليوم
مبهور كلمن
شافه
طابع على الشفة خال
وبهيدَه
يمشي ويختال
مسحور
كلمن شافه
بثوبه الحرير الشفاف
يسبي العقل من يلتاف
شكد حلوه مصْة اشفافة
راسم على الشفه عشك
وسهامه ترمينا ابتفك
بعيونه
الهدافه
ومن ضحكته الرقة تشع
ياويلي جن ركص هجع
مسرور
كلمن شافه
منثور عطره اويَ الشَعَر
خدارنَ منه أهدابه
وكاف ويرقص الترف
يا محلا هزْة اجتافه
شكد حلو طالع اليوم
هنيال
كلمن شافه
هذيان مع الفجر/ مالمو في صباح يوم
2014-1-1
بعد حفلة رأس السنة
