ساعدوني موعد سفر 14|5

[اوكلاوهما وبس]

يوم الي الكم رواد عين كاوه.. اجاني موعد سفر 14\5 بعد 10 ايام شنو الشغلات المهمه الي اخذه وياي والمبلغ شكد مسموح وبل النسبه للاوزان عندي طفله 8 سنوات الها حق 23كغم مثل البالغ لو لا.......اني تقديم 11\2011 مقابله اولئ وره سنه مقابله محلفين 2\2\2014 .....كيس 132 و يارب التوفيق الكم والي ويوم الي نسمع هذا الخبر للجميع وجهتي ال تكساس\ هيوستن

[العراقي 1]

حبيبي اوكلاهوما وبس الف مليون ترليون مبروك وسلامة الوصول. العراقي1

[احباب الرووح]

يالله مبروك اخوية ويارب الاستقرار اي هذا خوش خبر..

الله يوفقك ويخليلك الاهل..

بس سؤال اخوية انت اجتك موافقة كاملة لو مشروطة؟؟واذا كاملة شوكت بالضبط استلمت الموافقة الكاملة ورى شكد ورى مقابلة المحلف؟؟
تحياتي لك ويارب الموفقية.

[نصبر والله كريم]

الف مبروك .. بس ممكن توضح مقابله المحلفين عندك ابسنه 2-2-2014 متأكد ؟

[احباب الرووح]

هاي موافقة كاملة مو مشروطة المشروطة تتاخر..بس هو كاملة موفقين ان شاء الله.

[ترحال]

عزيزي انته متأكد مقابلة المحلفين في 2014 ؟؟؟؟؟؟؟ مستحيل!!!

[المهندس الزورائي]

خالص التهاني والتبريكات .. ويوم ال الي واذبح طلي

[ترحال]

عزيزي اوكلاهوما الظاهر من فرحتك خبطت عندك التواريخ هههه لان انته تكول بعد سنه من 2011 يعني المقابله تصير في سنة 2012 مو 2014 ... ونتمنالك الموفقيه في حياتك الجديده..

[ابوحسن 89]

شايف كل الخير واللة يوفقك /تحياتي

[احباب الرووح]

عزيزي اوكلاهوما الظاهر من فرحتك خبطت عندك التواريخ هههه لان انته تكول بعد سنه من 2011 يعني المقابله تصير في سنة 2012 مو 2014 ... ونتمنالك الموفقيه في حياتك الجديده..

مقابلة الاولى ورى سنة من التقديم..يعني اولى 2012 شهر 11..

والمقابلة الثانية 2/2/2014..كلامة صحيح.

ليش مستحيل ترحال؟؟تصير شوف استادي خلي اوصلك فكرة عن الموافقة الكاملة وهي من تجيك الموافقة الكاملة مكتوب في اعلى الورقة الي هي بالانكليزي تاريخ مقابلة المحلف ورقم الكيس واسم صاحب الكيس ماشي؟؟

وكاتبين اخر فقرة بهذا الخطاب مدة الاجراءات 4 اشهر من تاريخ الخطاب...
بما ان اوكلاهما قابل يوم 2/2/2014 يعني احسب من تاريخ خطاب الموافقة 4 اشهر..

يعني تاريخ الخطاب هو 2/2/2014..
اتمنى وصلت الفكرة..

[احباب الرووح]

حبيبي احباب الروح شلون حسبهتهه من 11/2011 الى 2/2/2014 هي سنه واحده ؟؟
ثانياً شلون عرفت هو عنده موافقه كامله ؟؟

حبيبي ترحال انتبه على كلامة شكاتب وهذا نصة((((.اني تقديم 11\2011 مقابله اولئ وره سنه مقابله محلفين 2\2\2014)))

الرجال كال تقديم 2011 وممقابلة اولى وره سنة يقصد مقابلة اولى..والنص الاخر كاتب بصحيح العبارة مقابلة محلفين 2/2/2014...راجع كلامة من البداية وراح تتاكد..

وشي الثاني اشلون عرفت موافقة كاملة اكو موضوع طارحة كال شنو الفرق بين الموافقة الكاملة والموافقة المشروطة وانت هم حظرتك مجاوبة بهذا الموضوع والرجال كايل بالموضوع اعتمد على كلامهم 4 اشهر لو اكثر..

تحياتي لك اخوية ترحال.

[نصبر والله كريم]

هسه همين ما صار 4 اشهر من شهر الثاني لحد شهر الخامس 3 اشهر .. واحنه دا نشوف جماعه الموافقه الكامله دا ينتظرون 5 اشهر وماكو شئ واعضاء معروفين

[اوكلاوهما وبس]

p
اخوان اني كيس 132 قدمت 11/11/2011 المقابله الاولئ اذكر 13/1/2013 بحدود سنه وشهرين وراها بشهر فحص طبي.وراها ظليت انتظر حالي من حالكم شوكت تفرج. مليت لااكدر اشتغل لااكدر اشتري شي. المهم اجاني موعد.يوم 4/2/2014 مقابله محلفين.قبل مااسولف ويه الملحلف الامريكي كتله تره احنا مهددين واجراتكم طويله كولي شكد اطول عليك بروح امه الاوباما .كلي بل الزايد من مقابلتك4 اشهر اذا شفنا قضيتك تستحق الاهتمام.وصراحه قضيتي ماجذب عليكم لواني المحلف لازم من زمان اني بامريكا لانه الي متابع مواضيعي يعرف شنو قضيتي المهم وره مقابله المحلف خابروني كالوالفحص الطبي لانه صار اكسباير وره جم يوم . وراها ظليت انتظر رد المحلف اجاني الرد وره 65 يوم بيه موافقه نهائيه ونزلت موضوع اريد اعرف بيه شنو النهائيه والمشروطه...واليوم الظهر اجاني تليفون من عمان كلي تكدر اتسافر. كتله اكدر وماترددت.كلي 12/5 فحص ابن البييطار و14/5 السفر. وانطاني اوزان الجنط 23كغم وجنطه الاخ 5 كيلو كلي تروح للاردن.وراها نييورك اتذكرت عبعوب واللمندوب راح يخابرك قبل السفر بيومين .....بس محد جاوبني علا سوالي ليهسه شاخذ وياي واني زوجتي محجبه وعندي بنتي 8 سنوات. وهل تعتبر بنتي بالغه بل النسبه للاوزان يعني تاخذ وياها 28 ككغم والفلرس المسموح اخذها شكد .ربي يسهل عليكم ان مع العسر يسر

[غــريـبــه!!!]

الف الف مبروووك الله يتمملكم على خير

[اوكلاوهما وبس]

ربي يسهل عليكم بل النسبه للاخ الي يكول مكملت 4 اشهر يعني شسوي اخابر المنظمه اكللهم مصار 4 اشهر لاتنطوني موعد سفر اخويه اني تقديم 2011 وقضيتي. موجديده صار سنتين ونص والله شاهد عليه انخطف عندي طفل ودفعت فديه وحتئ المحلف شاف الطفل...وحجه وياه. ربي يسهل عليكم واتمنئ احد يجاوب علا اسئلتي .....

[ترحال]

حبيبي تعذرنه لاستغرابنه والف مبروك عليك.. اذا كان خط السفر مباشر من عمان الى نيويورك مباشر تكدر تاخذ حقيبتين  23 كيلو غرام لكل شخص حتى ابنتك لانها اكثر من سنتين اما اذا كان خط الرحله ترانزيت عن طريق اوربا فيكون لكل شخص حقيبه واحده لكل شخص 23 كيلو اما الفلوس فتكدر تاخذ وياك لحد 10000 دولار لكل شخص يعني دفتر والله الموفق.

[نصبر والله كريم]

ربي يسهل عليكم بل النسبه للاخ الي يكول مكملت 4 اشهر يعني شسوي اخابر المنظمه اكللهم مصار 4 اشهر لاتنطوني موعد سفر اخويه اني تقديم 2011 وقضيتي. موجديده صار سنتين ونص والله شاهد عليه انخطف عندي طفل ودفعت فديه وحتئ المحلف شاف الطفل...وحجه وياه. ربي يسهل عليكم واتمنئ احد يجاوب علا اسئلتي .....

لا حبيبي ما اقصد هيجي بس عبالنا متوهم بالتاريخ .. الف مبروك وتستاهل كل الخير .. لا تفهمني غلط هذا استحقاقك وشايف كل الخير .. تحياتي الك

[wesamy]

الطفل فوق 2سنة مثل الكبير .حاول تجيب ادوية مضادات حيوية اهم شي وفولتارين لان هنا ماكو.اهم شي مضادات الاطفال وخافض الحرارة .جيب ملابس تمشيك الى ان تستقر.جيب ملابس داخلية لان هنا غالية جيب ليفة واستكانات وقوري شاي وبهارات والفلوس يكدر كل واحد يجيب10000دولار بشكل قانوني بس تكدر تجيب اكثر بلا محد يحس بيك يعني اتضمهة.اني لو مكانك ما اكول جايب اي فلس وياية لان رح تاثر عالمساعدات مالتك.الادوية خليهة بالجنك الكبار مال الشحن.اكل ماكو داعي اتجيب لان ميصعددوا بالطيارة وكذلك الماء طبعا اذا اتدخن جيب جاير وياك لان هنا كلش ع=غالية

[احمد المضلوم]

الف الف الف الف الف الف الف الف الف الف الف الف الف مبروك يارب سفر سعيد ومريح وانشاء الله بالسلامة والموفقية والنجاح والرفاه


ابنكم واخوكم


احمد المضلوم

[العراقي 1]

اخوان السلام عليكم اني طبعا اول واحد بارك للاخ اوكلاهوما  وهسه هم اكله الف مليون ترليون وترليون ثاني مبروك وسلامة الوصول. سؤالي هو؟  قرات ان الفديه تؤثر سلبا على قرار المحلف او تؤخر اتخاذ القرار على اساس انها تعتبر داعمه للارهاب  . ولكن في حالة الاخ انها لم تؤثر على القرار .للتوضيح فقط. العراقي1

[soranov]

نعم اخي اعتقد اي طفل فوق سنتين يحق له اخذ حقيبة 23 كغم
و الف مبروك، هل انطوك معلومات خط الرحلة و فحص قبل السفر لو بس بلغوك بموعد السفر

[اوكلاوهما وبس]

والله ماعتقد الفديه تاثر لانه اني حجيت الصدك وماعتقد تاثر

[احباب الرووح]

مبروك عيني وشايف كل خير والله يسهلك...تستاهل اكثر.

[الصبر الجـميل]

وأخيــــــــــــــرا يأخ أوكلاهوما وأخيرا أنتهت بعون الله وتوفيقه رحلة معاناتك
وتحدد لك موعد السفر والله هذه فرحة أنت تستاهل كل الخير ونفرح لك
والف الف الف مليييييييييييييييييييييييييييييوووووووووووووووون مبروك وأنشاء الله
 سلامة الوصول وتمنياتي لك أخي الكريم بالتوفيق والنجاح يارب وأدعينا بتسهيل
 الأمر  بلكي نتلاكة يوم بالصدفة أو نصير جيران بهيوستن كلشي ايصير .

                                  أخوك أبو روان

[اوكلاوهما وبس]

وأخيــــــــــــــرا يأخ أوكلاهوما وأخيرا أنتهت بعون الله وتوفيقه رحلة معاناتك
وتحدد لك موعد السفر والله هذه فرحة أنت تستاهل كل الخير ونفرح لك
والف الف الف مليييييييييييييييييييييييييييييوووووووووووووووون مبروك وأنشاء الله
 سلامة الوصول وتمنياتي لك أخي الكريم بالتوفيق والنجاح يارب وأدعينا بتسهيل
 الأمر  بلكي نتلاكة يوم بالصدفة أو نصير جيران بهيوستن كلشي ايصير .

                                  أخوك أبو روان

اشكرك ابوروان ربي يحفظك. ويسهل امرك .وانشا، الله نسمع اخبار طيبه منكم

[iraqlove70]

الف مبرووك اخونا اوكلاهوما وان شاء الله بالتوفيق ..
بس عندي سؤال حالة الملف شكد صارلها فعال ؟؟ وشوكت صارت حالة السفر بالانتظار ؟؟
تحياتي

[الزبيديه]

موفق اخويه بطريقك الجديد
 
 اختك الزبيديه

[aseersoso]

شايف كل الخير اخي العزيز وان شاء الله سلامه الوصول اخذ وياك حجابات لان اهناك غاليه حسب مسمعت من احد الاخوة واخذ افلوس دفتر عادي لكل شخص محد يحاسب وان شاء الله اتمام السفر والاستقرار بحياتك الجديدة

[ابو هفال]

 الف مبروك وتستاهل كل الخير

[عراقي مغترب]

الف الف مبروووك. ويارب يتمم بالخير والبركة

[اوكلاوهما وبس]

ااني اصلا مامشارك بموقع المنظمه كلما اريد اشترك جان يضوجني الباسورد مال الموقع ومشتركت بيه التوفيق للجميع

[كلــــــــــــوري المحبة]

الف الف مبروك اخي ياربي توصلون بسلامة وتشوفون كل الخير

تحياتي
كلوري المحبه

[ابو الامراء]

الف الف مبروك وان شاء الله توصل بالسلامه

[um shaheen]

الف الف مبروووك وبكل خطوه مليون سلامه وبالتوفيق ان شاء الله
تنورووون كل امريكا
تحياتي
اختك ام شاهين

[المحيط الهادي]

نساعدك نكلك الف مبروك ادعينله اذا وصلت ان شاء الله و جيبنه صوغة ههههههههههه

[لارا لولو]

الف مبرووك توصلون بالسلامة انشالله

[texasddddd]

مليون مبروك الله يسهل لكم يارب

[العراقي 1]

حياتي (اوكلاهوما وبس) اعتقد الاعضاء كلهم بدون استثناء ساعدوك واكثر من اللازم . طبعا واجبهم مشكورين . وباركولك وهم مشكورين. بعد احنه اريد مساعدتك حبيب قلبي مريد من عندك عزيمه لان شتعزم حبيب قلبي واحد اثنين...... ماشاء الله البيت يسع من الحبايب مليون. انريدك تدعيلنه بدون استثناء المرفوض قبل المقبول (بالسفر العاجل) انشاء الله  . تحياتي للجميع. العراقي1

[العراقي 1]

حبيبي احمد المضلوم ليش ممكمل الرساله مالتك يم الرفاه ووكفت غير اتكله الرفاه والبنين . اتريد اتورطه للرجال حتى ايصير عنده طفل وتصير عنده معاملة اضافة طفل وميسافر. ههههههه الله عليك .شغلك امبطن خخخخخخخ. تحياتي الك. العراقي1

[MUN]

مليون مبروووك وتستاهل كل الخير
توصلون بالسلامة ان شاء الله ...

[الملك أدوارد]

الف الف مبرووووووووووووووووووووووووووووووووووووك
ان شاء الله طريق السلامة
تحياتي
ادوارد

[اوكلاوهما وبس]

شكرا شكرا من كل كلبي لردرودكم ويارب انشا، الله تسهل كل اموركم للسفر ولحياتكم ...وانشا، الله بس اوصل احاول افيدكم باي معلومه قبل متسافرون ...

[العراقي 1]

حياتي اوكلاهوما وبس احنه مريدك اتفيدنه انريدك تعزمنه في بلاد العم سام. تقبل مروري , العراقي1

[دشتي]

يا اخي تريلة (مبروك) و طيارة (تستاهل) و باخرة (الله معاك) والله من اسمع مثل هذه الأخبار افرح الك و لأي واحد يسافر و كأنه اني الي راح اسافر . روح اخوية والهوا بضهرك ما اذكرك سبع حجارات تشمرها بساحة عباس قبل ما تصعد بالسيارة الي تدخلك للمطار و تمنياتي بالموفقية الك و للعائلة الكريمة و يارب اني وراك اسافر ان شاء الله

[sunbird]

مئة الف مليون ترليون مبروك وبالتوفيق

[محمد ي]

الف الف مبروك : اوكلاوهما وعائلته مو ووو : اوكلاوهما وبس ههههههههه   وتاكد من المبلغ لان حسب ماسامع دفتر لكل كيس يعني 10000 دولار بس وليس لكل فرد وبس تاكد وايضا الوزن يعتمد على الرحلة مباشر لو ترانزينت كما تفضل الاخوة الكرام

[ابوليالي]

اخوية انتة شاد محرك مال بطة 3000 بلمقابلات هههههههههه

بلخير وموفق ادعيلي بلطيارة لان اني من سنة 2009

[غربة الدار]

الف مبروك اخي العزيز:
وسفره سعيده والاستقرار والرفاهيه

[اوكلاوهما وبس]

اني حاليا بامريكا ولايه تكساس هيوستن الي محتاج شي اكدر اساعده اني حاضر مثل ما اهلنا بعين كاوه ساعدونا لازم نقوم بل الواجب اني قضيتي ابغداد قدمت 11\2011  وصلت امريكا 15\5\2014 

[العراقي11]

حبيبي اوكلاهوما والله متقصر والنعم من شاربك

[texasddddd]

ياربي انشالله تكون مرتاح والعائلة والطفله بخير
الله يوفقكم ياربي
ويسهل امر الجميع

[ابو الامراء]

الف الف مبروك السفر وان شاء الله توصل بالسلامه