الى الاخوه المدخنين في امريكا

[alihusam]

طبعا الكل قبل ميسافر  راح ياخذ وياه جكاير من العراق بس اكيد راح يخلصن
طيب وره ميخلصن راح يظطر يشتري جكاير من امريكا وهنا الحيره انه اولا غاليه وثانيا طعمه مو طيب لانه  الحكومه اجبرت كل مصانع الجكاير على اضافه حبيبات بلاستيكيه تمنع اشتعال الجكاره اذا شمرته او تركته بدون ان تسحب منه فيكون طهم الدخان وكانه لاستيك ناهيك عن سعر الباكيت ب 6 دولار وفوك وبعض الاخوه متعود يدخن باكيتين باليوم
اني انطيكم الحل
تروح تسوي بحث بالكوكل بمدينتك عن اقرب محل تبغ  tobacco
راح تلكه عدهم اشكال انواع التبغ وكله ماركات اصليه يعني ماربلور وال ام وكله ماركات معروفه وطبعا مامخبوط حبيبات بلاستيكيه
اني اشتريت العبوه الصغيره ب 31 دولار نوع مارلبورو وهيه تكفي 40 باكيت جكاير
راح تلكه بنفس المحل عده انواع مال مكائن كهربائيه لتعبئه الجكاير بس بالعموم تكون اسعارهم اغله من موقع ايباي اني اشتريته منهم ب 40 دولار بيه ضمان 3 سنوات بس نفسه سعره بالايباي 24 دولار وهاذه الرابط مالتهه
http://www.ebay.com/itm/New-Electric-Cigarette-Rolling-Machine-Tobacco-Injector-Tubes-Papper-Easy-Roller-/271309968372?pt=LH_DefaultDomain_0&hash=item3f2b5593f4

نفس المحل عنده جكاير فارغه بيه فلتر وكامله عباره عن بوكسات كل بوكس بي 200 جكاره فارغه ب 2 دولار
هسه نجي نحسبه 31 التبغ و4 دولار الجكاير يصير المجموع 35 دولار مال 40 باكيت راح يكون سعر الباكيت اقل من دولار وجكاره طعمه جدا  راقي

وبالاخير نصيحه اللي يكدر يكطع الجكاير خلي يكطعه واللي يريد يدخن اني انطيتكم طريقتي

[عمر النعيمي]

والله خوش طريقة من اروح اذا الله كتبها الية اسوي هاي طريقة

مشكووور اخوية

[texasddddd]

تبا للمستحيل
وفعلا الحاجة ام الاختراع
الحمدلله مندخن وانشالله الكل يبطلون

[زورائي بيانكونيري]

كطبيب انصحك تكطع اخي .. مظارها ماديه وصحيه

[amireo74]

والله انته علم  ابن عمي لو بس اعرف شلون انوشك وابوسك واني شايل هم شلون بيه هناك استفااااااااااااااااااااااااد من الخبره

[dr.eva]

هههههههههههههه خوش واهس عندك , التدخين مثل متعرف مضر بالصحة ولو اكتبلك هسة مضاره الصحية يحتاجلي صفحتين وماتكمل الاضرار

[Ŗảaḟaṱ Hấmẕā]

صاحب شركة ماليبورو مات بالتدخين بسرطان الرئة
وايضا صاحب الاعلان الخاص بهم مات بنفس المرض
انصحكم بترك التدخين تحياتي

[ghost of baghdad]

طريقة جدا حلوة من اروح لامريكة رح ابدي ادخن لان اني اصلا ما ادخن 
بس الطريقة عجبتني ورح ادخل لعيون امريكا
ههههههههههههه
اتشاقة 
سلامي

[المحتار]

  400جكارة =20 باكيت

[Ali Minnesota]

شكرا على موضوعك ونصائحك بالنسبه للمدخنيين على اساس اني ما ادخن هههههههههههههه

[apolo]

عاشت ايدك اخوية اني دااسوي هشكل ب عمان لانهو سعر الباكيت الزين ب 2 دينار وصديقي علمني على اللف وبصراحة جكارة على المزاج 

[أبن البصرة]

عاشت ايدك هي فكرة جميلة للي يدخنون وحتى يقللون من مصارفهم وهذا مو معناه انا دنشجع على التدخين وانما خدمة للمدخنين شكرا مرة ثاني ونحتاج من هاي الافكار والتجارب الي تخلي الواحد يقتصد بكل شي

[fouad nasir]

السلام عليكم
هذا موقع سوق حرة للسكائر اون لاين
الاسعار اقل حوالي 30% الى %40 اقل من سعرها في امريكا وبيها كل الانواع العالمية واكثرها صناعة سويسرية اني اشتري اونلاين منها .
الرابط
http://www.dutyfreedepot.com/buy-duty-free-cigarettes.htm

[عباس التميمي]

عمي عوفو الجكاير متفيدكم والله

نركيلا وبس =))

[أبو شاهين]

السلام عليكم
هذا موقع سوق حرة للسكائر اون لاين
الاسعار اقل حوالي 30% الى %40 اقل من سعرها في امريكا وبيها كل الانواع العالمية واكثرها صناعة سويسرية اني اشتري اونلاين منها .
الرابط
http://www.dutyfreedepot.com/buy-duty-free-cigarettes.htm

انتبه أخ فؤاد شرائك للسكائر عن طريق النت سوف يعرضك لغرامات مالية كبيرة فهذا الشئ ممنوع رسميا وقبل فترة تم محاسبة الكثير يمكنك الأطلاع على المواضيع ادناه كذكلك يمكنك البحث في الكوكل
http://www.boe.ca.gov/sptaxprog/cigtobfaqs.htm
http://usatoday30.usatoday.com/news/nation/2005-03-07-cigarette-taxes_x.htm

تحياتي