ماذا بعد رفض امريكا

[ابو سلمى]

السلام عليكم اخوانى انى جديد على المنتدى حبيت اسالكم اجانى رفض من امريكا وصار 5 شهور ومنعونى من حق الاستئناف وانى حاليا فى الاردن ومحد اتصل بي على التحويل لدولة اخرى ورحت للمنظمة وتركت مناشدات كثيرة وبدون جواب منهم وملفي قديم من سوريا .احب اسمع ارائكم الخاصة بمثل حالتى .اخوكم ابو سلمى

[ابو سلمى]

اخوان دخيلكم محد جاوبنى الى يعرف شي يعلمنى بيه يعنى مثل مكتلكم من يوم 18/12/2013 اجانى الرفض ولحد الان ماكو شي اكو احد مثلي استلم رفض من امريكا بنهاية سنة 2013 ارجوكم جاوبونى

[zayad aldulaimi]

اخوان دخيلكم محد جاوبنى الى يعرف شي يعلمنى بيه يعنى مثل مكتلكم من يوم 18/12/2013 اجانى الرفض ولحد الان ماكو شي اكو احد مثلي استلم رفض من امريكا بنهاية سنة 2013 ارجوكم جاوبونى

الاخ ابو سلمى اي شخص يتم رفضه من امريكا يتم تحويل ملفه من قبل منظمة اليؤن قسم الاستيطان الى بلد اخر قد تكون كندا او استراليا او دوله اخرى .... اما من ناحية منعوك من الاستئناف طبعآ يحق لك الاستئناف مره اخرى خلال فترة شهرين او ثلاثه من تأريخ الرفض اما اذا تجاوزت هذه المده لا يحق لك الاستئناف .. وان شاء الله ربي يسر امرك وامر عائلتك ويتم تحويل ملفك الى بلد استيطان اخر .

تحياتي عراقي بهويتي

[ابو سلمى]

السلام عليكم اخوية عراقي بهويتى اشكرك على جوابك بس اسالك انى شسوى ابقى انتظر بعمان لو تنصحنى ارجع لسوريا وافعل ملفي هناك وانتظر تحويل لان طالت المدة صارلي سنة كاملة بعمان ودا اسمع هواى ملفات محوليهم لكندا سواء جايهم رفض او لا  .انى تعبت بالله العظيم جدا ونفسيتى مزرية جدا ومااعرف شسوى .

[zayad aldulaimi]

السلام عليكم اخوية عراقي بهويتى اشكرك على جوابك بس اسالك انى شسوى ابقى انتظر بعمان لو تنصحنى ارجع لسوريا وافعل ملفي هناك وانتظر تحويل لان طالت المدة صارلي سنة كاملة بعمان ودا اسمع هواى ملفات محوليهم لكندا سواء جايهم رفض او لا  .انى تعبت بالله العظيم جدا ونفسيتى مزرية جدا ومااعرف شسوى .

اخي العزيز ابو سلمى انتقالك من جديد الى سوريا راح يزيد الطين بله
اولآ - الوضع في سوريا غير مستقر وغير امن على حياتك وحياة اسرتك وانته تعرف هاذا الشي كلش زين .
ثانيآ - انتقالك الى سوريا معناتها لازم ترجع تسحب ملفك من الاردن الى سوريا وهاذا الشي راح ياخذ فترة ما بين شهرين الى اكثر .
ثالثآ - حالتك الماديه تسمح انو تبقه بعمان وتستطيع تمشي امورك لسنه اخرى فأنصحك بالبقاء في الاردن اما ما تكدر على المعيشه في الاردن فالقرار يعود لك ولاسرتك .
رابعآ - لازم تصبر وتتتحمل يا ابو سلمى لأن ماكو شي يجي بالساهل انته صارلك سنه وتكول نفسيتي تعبت لكن اكو ناس صارلها سنتين وثلاثه واربع سنوات وصابره ومتحمله وبلاخير حصلو على مبتغاهم ... الصبر مفتاح الفرج والتوفيق من الله اخي .
خامسآ - اذا انته مرفوض من امريكا يعني مو هاذا نهاية المطاف ملفك بعد الرفض رجع الى قسم الاستيطان لاختيار لك بلد استيطان اخر قد تكون كندا او استراليا او رومانيا وما خلافه .

ارجع واكلك اخي اصبر وان شاء الله تنول الي بالك لأن كلنه مثلك عانينه من الانتظار الطويل يعني احنه حاليآ هوايه ناس بتركيا الي صارلها سنتين ونص وثلاثة سنوات واكو بينه اربع سنوات يلا حصل بلد وقبله وسافر واكو بينه بسنه وشهرين حصل بلد وسافر هيه مسألة حظ وتوفيق من الله واني واحد من الناس صارلي سنتين ونص بتركيا فيا اخي اذا تكدر تصبر بعمان على بقائك اصبر وابقى احسن الك من سوريا وان شاء الله ربي يسر امرك .

تحياتي لك عراقي بهويتي

[ابو سلمى]

اخى العزيز احب اشكرك جزيل الشكر على شرحك المفصل والجميل وحقيقة راح اخذ بكلامك وابقى انتظر بعمان وحبيت اكلك انه انى وعائلتى صارلنا خمس سنوات ننتظر السفر من يوم الى كنا فيه بسوريا وتحولنا على امريكا وقابلنا الوفد والنتيجة قيد الدراسة وبقيت عليها سنة ونص وثم انتقلت على تركيا وبقيت سنة كاملة بين افيون واسطنبول ومحصلت شي واليوان منطتنى الفسفورة وتركتها واجيت لعمان على امل السفر واعادوا لى مقابلة الوفد الامريكى ورفضنى والان صار خمسة اشهر على الرفض ولذالك تشوفنى مليت من كلشي ولكن كلامك صحيح جدا حقيقة انى متندم على ترك سوريا وتركيا ولذالك سابقى باذن الله بعمان لحين السفر والخلاص باذن الله .اشكرك اخى وبارك الله فيك وانشالله نبقى متواصلين  واحب اعرف انت متحول على كندا ام ماذا وانشالله ربي يسهل امرنا كلنا العراقيين

[zayad aldulaimi]

اخى العزيز احب اشكرك جزيل الشكر على شرحك المفصل والجميل وحقيقة راح اخذ بكلامك وابقى انتظر بعمان وحبيت اكلك انه انى وعائلتى صارلنا خمس سنوات ننتظر السفر من يوم الى كنا فيه بسوريا وتحولنا على امريكا وقابلنا الوفد والنتيجة قيد الدراسة وبقيت عليها سنة ونص وثم انتقلت على تركيا وبقيت سنة كاملة بين افيون واسطنبول ومحصلت شي واليوان منطتنى الفسفورة وتركتها واجيت لعمان على امل السفر واعادوا لى مقابلة الوفد الامريكى ورفضنى والان صار خمسة اشهر على الرفض ولذالك تشوفنى مليت من كلشي ولكن كلامك صحيح جدا حقيقة انى متندم على ترك سوريا وتركيا ولذالك سابقى باذن الله بعمان لحين السفر والخلاص باذن الله .اشكرك اخى وبارك الله فيك وانشالله نبقى متواصلين  واحب اعرف انت متحول على كندا ام ماذا وانشالله ربي يسهل امرنا كلنا العراقيين

الاخ العزيز ابو سلمى تحيه طيبه نعم اخي اني توطيني على كندا والحمد لله مكمل كلشي ومنتظر فقط موعد الطيران وان شاء الله ربي يسر امرك وامر الجميع وتسافرون وتخلصون من تعب الانتظار .

تحياتي عراقي بهويتي

[ابو سلمى]

اخى العزيز السلام عليكم انشالله ربي يسهل امرك وتسافر عن قريب ويسهل امرى وامر كل الاخوة والاخوات بالمنتدى .الله ارحم الراحمين

[MohammedR]

اخى العزيز احب اشكرك جزيل الشكر على شرحك المفصل والجميل وحقيقة راح اخذ بكلامك وابقى انتظر بعمان وحبيت اكلك انه انى وعائلتى صارلنا خمس سنوات ننتظر السفر من يوم الى كنا فيه بسوريا وتحولنا على امريكا وقابلنا الوفد والنتيجة قيد الدراسة وبقيت عليها سنة ونص وثم انتقلت على تركيا وبقيت سنة كاملة بين افيون واسطنبول ومحصلت شي واليوان منطتنى الفسفورة وتركتها واجيت لعمان على امل السفر واعادوا لى مقابلة الوفد الامريكى ورفضنى والان صار خمسة اشهر على الرفض ولذالك تشوفنى مليت من كلشي ولكن كلامك صحيح جدا حقيقة انى متندم على ترك سوريا وتركيا ولذالك سابقى باذن الله بعمان لحين السفر والخلاص باذن الله .اشكرك اخى وبارك الله فيك وانشالله نبقى متواصلين  واحب اعرف انت متحول على كندا ام ماذا وانشالله ربي يسهل امرنا كلنا العراقيين

اخي العزيز تحيبه طيبه
اسمحلي اكلك جزء من التاخير هو كثرة التنقل بين الدول يعني انت باقي سنه في تركيا وتركيا بهذا الوقت القصير كلشي متكدر تسويلك واني برأيي اي تاخير من اليو ان ماكو لان معروفه الفتره مالتهم هسه مو مثل قبل هسه عالاقل 3 سنوات وانت طالع. مثل مكال الاخ عراقي ابقه بعمان وانصحك تراجعهم كل فتره تسالهم عن حاله الملف. واذا عندك اقارب بكندا فاخذ عناوينهم واطبعه وكلهم عندي اقارب بكندا لان تحويل الفايل على كندا يتاثر بالاقارب بس ميعتمد علي وبمقابله السفارة ان شاء الله اذا صار التحويل سلمهم الورقه البيهه عناوين واسماء وارقام تلفونات اقاربك البكنده وان شاء الله تسهل امورك
تقبل اطيب التحيات
اخوكم محمد

[alabbasu]

أنا أفرح لكل أسرة يتم رفضها من الأمريكان، لأن اليو إن سوف تحول الأوراق تلقائياً إلى كندا، وكندا أفضل للأسرة العربية من امريكا، يا أبو سلمى الخير جالك فلا تحزن بل افرح واحمد الله واصبر ودعواتنا وقلوبنا معك وأسرتك