شاعر بالاكراه ..

شَاعِـرْ بالإكْـرَاهْ يــا حَــلاوَهْ
( فُصْحَىَ ) و( نَبَطِى ) و ( حُرْ ) كَمَانْ
فَاكِـرْ نَفْسَـكْ إيـهْ يـا حَبِيـبِـى
( مُتَنَـبِّـى ) آخِــرْ الازْمَـــانْ
( مِيمِى ) سَارْحَهْ ( فِيفِـى ) سَايْحَـهْ
و (مَحَاسِـنْ ) بنـتْ امْ جِيـهَـانْ
كَلِمَـاتَـكْ مَدْهُـونَـهْ بـزِبْــدَهْ
بتْزَحْـلَـقْ عَـقْـلِ الـنِّـسْـوَانْ
خَفِّـفْ حَـبَّـهْ يَــا فالنْتِيـنُـو
يَا رُومْيُـو يـا ابْـن ابـو هَيْمَـانْ
حَـاوِل~ تِعْطِـى لنَفْسَـكْ هُدْنَـهْ
واشْـرَبْ لَـكْ حَجَريـنْ دُخَّــانْ
عَلَشَـانْ تِشْحِـنْ تَانِـى الطَّـاسَـهْ
وقَريحْـتَـكْ تظْـهَـرْ وتْـبَــانْ
وياريت تِفْتَـحْ ( مَسْمَـطْ ) لَغَـوى
( مونْبَـار ) و( كَـوَارِعْ ) خِرْفَـانْ
رُومَـانْـسِـيَّـهْ بالـتَّـقْـلِـيَّـهْ
والتَّسْهِيـد أوْصَــافْ أشْـجَـانْ
سَلَطَـهْ والطُّورشِـى مـن سوريـا
أو مـصْـرِى أو مــنْ إيـــرانْ
يـا شَاعِرْنَـا النُّـوزو.. كَوَانُّـوزو
مُمْـكِـنْ تِعْطِيـنِـى الـعِـنْـوَانْ
عَلَشَـانْ نَـاوِى أجِيلَـكْ واااخُـدْ
مِـنْ إنْتاجَـكْ ألــفْ دِيــوانْ
عَلَشَـانْ أَتْعَلِّـمْ عـلـى إيــدَكْ
وابْقَـا بـتَـاعْ كُـلُّـهْ وفَـنَّـانْ
واكْتُـبْ زيَّـكْ ويذيـعْ صِيـتـى
واطلَعْ فى ( رُوتَانَـا ) و( عَجْمَـانْ )
وتْغَنِّى لِى ( نَانْسِـى ) و ( رُوبِـى )
و ( كاريكا ) و( ريكو ) و ( شعْبانْ )
واقْبَـضْ ( بالْـيُـورو ) واتْهَـنَّـا
حاجَهْ مَا شَافْهَـا ( نِـزَارْ قَبَّـانْ )!!!
نَـازلْ تُُلْطُـشْ أَشْـعَـارْ غـيـرَكْ
وبْـكُـلّْ بَجَـاحَـهْ ونُـكْــرانْ
إِرْحَمْنَـا .. لأ .. إِرْحَـمْ نَفْـسَـكْ
واصْحَـا لْحَالَـكْ يَــا تَعْـبَـانْ
إغْسِلْـهَـا مِــنْ دَرَنِ الـدُّنْـيَـا
غََــذِّى ضمِـيـرَكْ بـالإيـمَـانْ
دَهْ أحْسَـنْ لـكْ دَه أَكْـرَمْ لــكْ
مِـنْ وَهْـمْ و كِـدْبْ و تَـوَهَـانْ
سُبْحَـانْ ميـنْ يمْهِـلْ لا يِهْـمِـلْ
سُبْحَانُـهْ .. بَـطَّـاشْ .. رَحْـمَـنْ
والِّلِـى رَاسُـهْ عَليهـا ( البَطْحَـهْ )
يِلْحَـقْ نَفْـسُـهُ يَــا جِـدْعَـانْ
والِّلِـى رَاسُـهْ عَليهـا ( البَطْحَـهْ )
يِلْحَـقْ نَفْـسُـهُ يَــا جِـدْعَـانْ

أبــــويــــاســـــر

محمود معوض

الكلمة نغم