بخصوص العيشة بكندا اشو الكل يكول نار وصعبة العيشة فهمونا شنو القظية

[dream81]

السلام عليكم 




اخواني اخواتي اتمنى الكل بخير 




اشو بعدنا ما وصلنا وكل ما نحجي ويه احد يكول كندا نار غالية العيشة صعبة الراتب ما يكفي 




حسينا باحباط كبير زين اذا نار والراتب ما يكفي ليش الناس ذابحة روحها على كندا 




بس اسم وخلاص 




ومن نحجي يكولون المعادلة صعبة الشغل صعب تلكي الايجارات نار زين شلون لعد شنو نسوي 




الله يخليكم فهمونا احنا وين رايحين وصدك هل كلام 




اذا الراتب الشهري تقريبا للي يشتغل 1400 دولار كندي بالشهر وايجار الشقة اقل شي 1200 




لعد شلون راح نعيش

[alabbasu]

أخي الحبيب لا تسمع كلام اللي يحجون حجي سلبي عن كندا، أعرف هواية شباب راحوا كندا ونجحوا في حياتهم واشتغلوا وفروا فلوس وصاروا يملكون أشغال خاصة بهم، المهم توكلنا على الله، احنا رايحين كندا رايحين ما يهمنا شنو يحجون

[dream81]

السلام عليكم اخويه الطيب 

عاشت ايدك على هل كلام الحلو الله يوفقك ويسهل امورنا كلنا 

ويوم نسمع اخبار حلوة منك تكول واصل 

تحياتي واحترامي 

[محتاج أفرح]

الاخ العزيز dream81 
من خلال الخبرة والتجربة والعمل بالمنظمات الانسانية في عمان ومن خلال ما اسمعه واشوفهه لاتصدق كل ما يقال لك عن كندا وامريكا فبعض الناس لا تقول الحقيقة ولا اعرف لماذا اعتقد هذا الشيء هو نفسي فنفوس البعض ومن خلال ما مروا به يخفون الكثير من الخير او النعمة التي هم بها بعضهم خوفا من الحسد بس ما اعتقد انت راح تصيبهم بعين من عمان للكندا هاي مو عين هاي توماهوك عابر القارات . ههههههههه

وبعدين اخي الحبيب كل شخص وياخذ رزقه لا تهتم لهذه المسائل اسال الله العلي القدير ان يعجل بسفرك وتستقر وتشعر بالامان لك ولعائلتك 

اخوك محتاج افرح 

[dream81]

السلام عليك
اخويه المحترم اشكد كلامك حلو ويفرح القلب الله يفرح قلب 
مرات الشخص من ناوي يغير حياته ويروح مكان جديد يحتاج بعض الدعم المعنوي 
ولكن مع الاسف ينصدم من كلام البعض 
والحمد الله اكو مثلك من الطيبيين 
وعله كولتك الرزق عله الله الحمد الله 
اشكرك اخويه الطيب والي الشرف بمعرفتك 

[محتاج أفرح]

حياك الله اخي العزيز 
واني الي الشرف بالرد على موضوعك 
وقبل ساعات كنت اتكلم مع صديق لي بكندا وصارله بالضبط سنة واربع اشهر ولحد الان ما مشتغل يدرس لغة وراتبة ماشي هوه وزوجته واطفاله ويكول الراتب لغاية الان على الحكومة ومن يشتغل ينكطع الراتب والشغل متوفر والمردود المادي يكفي وزايد على اي واحد يشتغل 
هوه يستلم 1500 شهريا واطفاله كل طفل تحت ال6 سنوات  380 دولار والي فوق 6 سنوات 280 دولار وهذا للاطفال ما ينقطع حتى لو تشتغل .
فلا دير بال للكلام الي يهبط المعنويات وروح والهوا بظهرك اخويه وانشالله السفر القريب والاستقرار والامان .

اخوك محتاج افرح وبشدة 

[dream81]

الله يوفقك اخويه الطيب 

تسلم ياورده ويوم نفرح بيك وتكول سافرت ان شاء الله 

زين امبين صديقك رايح على الامم المتحدة مو  

لانه احنا جماعة الكفالة الخماسية اول سنة مالنا اي شي بس السنة الثانية اذا ما محصلين شي نكدر نطلب المساعدة 

وان شاء الله ما نحتاج ونلكي شغل 

والله يسهل عليك وعلينا وعلى كل طيب 

تحياتي الك ياورده 

[محتاج أفرح]

اخي الحبيب
اشكرك على دعائك وانشالله تفرج على كل الناس ويسافرون ويستقرون 
اخي العزيز  اطمئن انت مجرد ان تخلي رجلك بالاراضي الكنديه  راح تنفتح كدامك هواي ابواب ما اكولك الجنه وتحط رجل على رجل لا بس عندك مجال تشتغل والشغل محترم ومردوده المادي زين وهناك قوانين تحفظ حقك وماتسمح الاحد ان يستغلك مو مثل الدول العربيه انا اشتغلت بهواي مكانات  الجميع يستغلونك حتى العراقي اذا عنده مصلحه يستغلك انت تشتغل اكثر منهم واجرك اقل من السيرلانكي والمصري والهندي ليش لان ماينطونك اقامه ولا تصريح عمل .
فيا اخي لاتشيل هم للشغل ولا للمساعدات انت  رايح لبلد يحترم الانسان ويقدر قيمته وانشالله تذكر كلامي هذا من تعيش بكندا انا عندي اصدقاء كانو بكندا وكملو دراستهم يسولفون سوالف توكف العقل وما نكدر نتصورهه لان احنه متعودين على ان تؤخذ حقوقنه وتنسرق اخلامنه واذا ماعندك واسطة امورك تعبانه .

اخي العزيز ادعو للك وللجميع ان تسافرون وتحققون ما تحلمون به وتستقرون انت وعوائلكم الكريمة .

مع تحيات اخوك محتاج افرح ( والله محتاج لفرحة صغيره وبشدة) 

[dream81]

اخويه الطيب 

يارب يفرح قلبك وقريب اسمع خبر حلو منك 

اي كلامك صحيح يكفي انك عندك اقامة وعندك حقوق وحالك حال المواطن الكندي 

العراقي ببلدنا ننهان مع الاسف واذا طلع برى لازم يستغل لانه ماعدنا سند النا الحمد الله سندنا الله العزيز الجبار 

اخويه  ما اعرف انته على اليو ان لو كفالة لو شنو  وين واصل هسة 

تحياتي الك ياورده 

[محتاج أفرح]

حياك الله اخي العزيز 

انا قدمت على اليو ان وقابلت اول مقابله بشهر 10/2012 وقابلت اخر مقابله بالتوطين 1/2013 وبعدها بشهر 5/2014 اتصال من المفوضية بتحويل ملفي الى السفارة الكندية 
وقد مر شهر تقريبا ولايوجد اي شي جديد وبصراحة لا اعرف ما الاجراءات كتبت بالمنتدى ولم يرد على احد 
وقد سالت يقولون انتظر اتصال من المفوضيه بان السفارة الكندية وافقت على ملفك وجماعة اخرين يقولون لا اننتظر اتصال من السفارة باستلام الفورمات ولا اعرف من هو الصحيح المهم انا حاليا بالانتظار القاتل 
واتمنى من الله ان يفرجهه علينا وعلى الجميع 

اخوك 

[dream81]

اخويه العزيز والغالي يارب يسهل امورك وتفرح 

حسب معلوماتي البسيطة اتصور من تحول ملفك على كندا يعني مبدئيا اكو موافقة من كندا 

يعني انتظر اتصال من السفارة مثل ما يكولون لك انك تملي الفورمات بس لازم تصبر لانه طريقك طويل ويه كندا 

بس النهاية زينة بعون الله  

والله يصبر صحيح الانتظار قاتل بس حاول لا تفكر لانك عبرت الاصعب والجاي سهل ان شاء الله 

[عمر-السامرائي]

قريباً جدا...موسوعة الحياة المعيشية في كندا بالتفصيل