وصلت كندا واخيرا

[alnors]

السلام عليكم اخوان حبيت ابشركم وصولي الى كندا بعد معناه بسوريا المهجومه طلعنا من سوريا بخير وسلامه الحمد لله وكاعدين هسه ذا جوست هاوس يعني متل الفندق من هون لنستاجر شقه وكاعدين ندور على شقه وكاعدين نعمل دورات تثقيفيه عن كندا ونكمل الاوراق   انشاء الله الكل يسافر ويشوف كندا جنه من الطبيعه والناس البسيطه والهدوء والاستقرار 

[dream81]

الف اللللللللللللللللف مبروك اخويه 

الله يفرحك وتستقر  وتحجيلنا على على اوضاعك بكندا 

بس اذا ممكن تكول النا المدة بين المقابلة وسحب الجواز  

وبين سحب الجواز والسفر  

ومن وين سافرت وشلون شانت سفرتك 

تحياتي واحترامي 

[zayad aldulaimi]

السلام عليكم اخوان حبيت ابشركم وصولي الى كندا بعد معناه بسوريا المهجومه طلعنا من سوريا بخير وسلامه الحمد لله وكاعدين هسه ذا جوست هاوس يعني متل الفندق من هون لنستاجر شقه وكاعدين ندور على شقه وكاعدين نعمل دورات تثقيفيه عن كندا ونكمل الاوراق   انشاء الله الكل يسافر ويشوف كندا جنه من الطبيعه والناس البسيطه والهدوء والاستقرار

الف الف مبروك اخي alnors والحمد لله على سلامة الوصول متمنيآ لك حياة سعيده وهانئه وان شاء الله توافينه بعد اخبار حلوه عن ايجادك لبيت او شقه للكسن وما هيه الاسعار وتحجينه عن رحلتكم كم استغرقت كم ساعه واذا كان عندك ترانزيت كم ساعه بقيت بيه وكيفية التعامل مع الوزن والحقائب داخل المطار وعندك استقبالك في مطار كندا هاي امور كلها ننتظر انو نفهمها ... والف مبروك مره ثانيه وبالتوفيق ان شاء الله .

تحياتي عراقي بهويتي [/font][/size][/color][/b]

[alnors]

الله يبارك بيكم اخوان وانشاء الله يجي موعد سفركم باسرع وقت بالنسبه للاخ dream81 اني ورا مقابله القنصل بشهرين ونص سلمت صور لان اني بسوريا مانسلم جوازات بس نسلم صور وراها باسبوع حددولنا موعد سفر يعني المده كلها ورا مقابله القنصل 3 اشهر وشويه بالنسبه للاخ عراقي بهويتي اني هسه بمنطقه تبعد عن تورنتو نص ساعه قريبه على نياجرا والايجار شقه غرفتين وصالون من 750 $ الى 1300$ حسب الشقه والعماره وخدماتها بالنسبه للرحله كانت من دمشق لبيروت شويه طولنا بيروت وضلينا بالمطار تقريبا 10 ساعات وبعدين على تركيا وكان ترانزيت وصلنا 6 الصبح وطارت الطياره ب4 العصر على الخطوط التركيه مباشره لتورنتو الرحله 11 ساعه طيران متواصل او اقل ويعطوك بالطياره وصل تعبيه علمود دخول كندا اول ماتنزل المطار يكون متواجدين اكثر من شخص وبعض الاشخاص يحجون عربي تسلمهم الورقه ويدلوك بس اهم شي تضل ويه العوائل الي وياك يسافرون لان مطار تورنتو كبير وتمشي مسافه لتشوف الاشخاص واهم شي ورقه الاقامه الدائميه الي يسلموك اياها الهجره الدوليه لان ضابط الجوزات يطلبها منك ومعاملاتكم بكندا كلها عليها واي سؤال اني حاظر 

[محتاج أفرح]

الحمد لله على سلامتكم ويارب تستقرون ويعوض الله صبركم خير 
ارجو من الاخ شرح بعض المعاملات والاجراءات التي تخص اللاجئ عند وصوله الى كندا متمنين لك حياة اكثر استقرارا وامان 

[alnors]

الله يسلمك اخويه عقبالك كل منتظر اخويه اول ماتوصل تكعد متل الفندق بس للاجئين لمده عشر ايام يطلعولك الموظفين في الفندق ثاني يوم ياخذوك يطلعولك الرقم الوطني هذا كل معاملات كندا عليه وبعدين هيلث كرت يعني التامين الصحيح وكريدت كارد حساب بالبنك ومع هذوله يعطوك دروس اشلون تتصرفون بكندا وشنو حقوقك وشلون تقسم المبالغ الماليه ويدورولك سكن مع العلم يعطوك قرض لازم تسده ورا سنه هذا القرض للايجار لان الايجار لازم تدفع مقدما ومؤخرا ماعدا الهديه لكل نفر 1000 وشويه 

[محتاج أفرح]

حياك الله اخي العزيز 

وبالنسبة للشقة الي راح ياجرونهه الك الاثاث انت تخليه ؟؟؟؟ لو همه يخلون الاثاث اقصد تبرعات من منظمات او من الكنيسة او يعطونك فلوس وانت تشتري الاثاث ارجو توضيح هذه النقطة .

وشكرا على المعلومات وانشالله تستقر اكثر ونسمع اخبارك الحلوة 

اخوك محتاج افرح 

[ضياع]

الف الف الف مبروووك ويارب السعادة والموفقية

تحياتي

اختك - ضياع

[dole79]

السلام عليكم اخوان حبيت ابشركم وصولي الى كندا بعد معناه بسوريا المهجومه طلعنا من سوريا بخير وسلامه الحمد لله وكاعدين هسه ذا جوست هاوس يعني متل الفندق من هون لنستاجر شقه وكاعدين ندور على شقه وكاعدين نعمل دورات تثقيفيه عن كندا ونكمل الاوراق   انشاء الله الكل يسافر ويشوف كندا جنه من الطبيعه والناس البسيطه والهدوء والاستقرار

الف الف الف مبروك اخي الغالي ويارب يسعدكم وعليكم بالخير والبركة
لو سمحت اخي اني صاحب عائلة اذا تكدر تنطيني تفاصيل اكثر حتى اكدر اروح السوريا واشكد احتاج فترة ابقة وبشنو تنصنحني تعرف وضع سوريا يخوف وشكرا

[outtoother]

الف مبروك سلامة الوصول وانشاء الله اعوض صبركم خير بحياتكم الجديدة.

ابو داوود