السلام عليكم اعضاء الكروب المحترمين,,, وتحية لاخ رايان صاحب فكرة هذا الكروب.
اخوكم من اللي امقدمين شهر اثامن 2010 وكملت ك المقابلات وتم اعادة مقابلة المحلف (يعني مرتين قابلة المحلفين) وبقت قضيتي معلقه من بعد مقابلة المحلفين الى يوم 13-5-2014 واستلمت الرفض الحنين (ابو الختم) وكالعادة مربعه 7 ورح اسمي مث احد الاعضاء ممسمي (7 ارهاب).
انصدمت,, وزعلت,, وانقهرت,,, واتغيرت سلوكياتي ويه كل الناس اللي داير مدايري .
بس مو صحيح يبقى الوضع عىل ما هو عليه وقررت اكتب الاستئناف بأيدي وقدمته يوم 27-5-2013 .لان ولا منظمة قبلت تتعامل ويه طلبي منهم بكتابة الاستئناف وتوكلت على الله الواحد الاحد وكتبت الاسئناف بأيدي واطلعت على بعض المفردات القانونيه المستخدمه بقوانين الهجرة وحاولت احشكه بال RFR وقدمت اثباتات انو اني ما اشكل خطر على احد ولا ازال اعمل بشركة امريكية وعندي ورقة اثبات من الشركة وانو اسمي لم يرد في منظمة ارهابيه وفقا لمواقع الكتروني ايجيكون بيها اسم الموظف وتستخدم هذه المواقع من قبل اسفارة الامريكية ايضا من تريد توظف واحد.
هذا كل الي كدرت اقدمه من اثباتات عل وعسى يتغير قرار المحلف.
بس اني أملي بالله سبحانه وتعالى كبير جدا وهو القادر سبحانه على ان يسعفني ويسعف الاخوه والاخوات بهذا الكروب وياربي تنقبل استئنافاتنه كلنه وننشلع من هذا الواقع المرير.
ارجو قبولي احد اعضاء الكروب وعلما هذه اول مرة بحياتي اشترك بكتابة موضوع بالمنتدى وبالسابق كنت مجرد ضيف امر على المواضيع واطلع.
تحياتي الكم جميعا
