المحرر موضوع: أمْـريكـَـه كافي اوبَـس عـادْ  (زيارة 1005 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 766
    • مشاهدة الملف الشخصي
    • البريد الالكتروني
أمْـريكـَـه كافي اوبَـس عـادْ
ميسون نعيم الرّومي
 
أمْـريكـَـه كافي اوبَـس عـادْ
تـَخْطيطاتــچْ هَـدَّتْ لبْـــلادْ
 
نَـفـْـطاتْ إكرَفـْـتي اوخَيراتْ
شـــيحـِـلْ أزماتـــچ بالكادْ
 
رَبـيَـتيـلچْ كـَـومَـــة أذنابْ
ذَليـَـتي بـلـْـدانْ إشـْــــدادْ
 
من مِحْنـَه الطرْگاعَه اونفترْ
ضيَـمَـكْ يا بَـلـَـدي هالزادْ
 
امنْ اوَّلْ نِـبَـدي كلْ يـومْ
چا ويَـنَـه التغيير.. اشفاد؟
 
تَطبيرْ اوتَگطيعْ أوصالْ
أولادْ المَـلحَـه اوأحْـفـادْ
 
إدْمومْ اوتِسْـبَـحْ بادمـومْ
مَـهْجومَـه دومـچْ بـغدادْ
 
ذَبـحْ اوكـَـتلْ اوتگطيعْ
الزَمَـــنْ الأوَلْ يـنــعادْ
 
يَـعراق الخيرْ المَنـْهوبْ
كلْ سـبَّـه او سـبَّـه تنبادْ
 
مصايـبْ مَرَّتْ أنـواعْ
تـشهَـدْ آباء اوأجْـــدادْ
 
وَحْدچْ بالساحَـة اتلعبينْ
أمريكه شوكتْ اتمليــنْ
 
سويتي امن البدعْ اشكالْ
طينتي العالــــمْ بالطيـنْ
 
لمْلـَـمْتي كل الثـَـرْواتْ
لتـْـشـبعـيـن اولا تـروينْ
 
أزماتچْ عَـمـَّـتْ عَ الناسْ
جاعَـتْ بـلدانْ امن اسنينْ
 
ضنينه اتنقذينَه امن الضيمْ
ثاري الموتتنَه اتحضرينْ
 
اتجَمعين ابكيفچْ واتفرقينْ
اشـبيدَه الشَـعبْ المَسكينْ
 
إرسَـمْتي خارطه للكونْ
قررتي البَـلدي اتْـقَسمينْ
 
رَبـيَـتي كومَـة أوغــــادْ
غِـل اوقَـسوَه مَـتروسينْ
 
واحـدْهـمْ حاقـدْ مَفْـجوعْ
هَـديَـتـيهـمْ عَ الطيـبـيـنْ
 
أمْريكـَه كافي اوبَـس عادْ
كــل يـومْ إعْـليَـنَـه اتهدينْ
--------------------------------------------------
حزيران / 2014
ســـــــــــتوكهولم