المحرر موضوع: ابيالت من الدارمي ( شعر الفرات الأوسط )  (زيارة 1375 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 766
    • مشاهدة الملف الشخصي
    • البريد الالكتروني


ابيات من الدارمي ( شعر الفرات الأوسط )


ميسون نعيم الرّومي

يـوجَعْـني العراق .. أحا يا خَيَّه إختي
أبچي واحنْ ادموع ْ.. لن علتَـه علتي
***
بغداد العزيزه اجناب .. رادَت سبيهَه
ما تـغْـمَـضْ العينينْ .. أسمَعْ بچـيهَه
***
دجله اوفراتْ إيلوعْ .. من كثر ما بيه
عَـنْ الشـَـبابْ الراحْ .. يا أمَّـه سأليه
***
جـيلْ الحرب محتارْ .. حايـر ابأمـرَه
ضيمْ اوكـَـتل وادموع ْ.. هالخلصْ عمرَه
***
لابـيَّـه اگـولـَـنْ آخ .. لا بـيَّـه اونَّـنْ
الجَـمرْ بالدَلالْ .. يـحرگْ واحـنـَّـنْ
***
جَوي ابقطارْ الشومْ .. ذبحَوْ شَـعَـبْـنَـه
ابْـنـَـفـسْ القطار اليوم .. قَسـمَوْ وَطنـَّـه
***
يادنـيَـه كافي عادْ .. بـيـنَـه تطحْـنيـنْ
حِـنـَّة عرسْ كلْ يومْ .. ابدمْنَـه تعجْنينْ
***
هذا الوَطـَـنْ مَوجـوعْ ..أمولـَـه خَيْـتي
كلما اريـدْ انْـساه .. يـلچـمْـني وابْچي
***
كلما اگلـَّـه بَـسّ .. ايـزَيـّـدْ بالأزودْ
هذا القلم محزونْ.. هالونَـه أسـوَدْ
***
جاكــمْ قِـطارْ الشـومْ ..ركـّابَـه ركابْ
راح الوطن يا ناس .. گصّوهَه لرگابْ
***
تبچي الحضاره اتصيحْ .. سـومَـرْ اوآشورْ
إنـباعْ العراق اليومْ .. حُـفْـروهَـه الگبـورْ
***
مَرَّتْ عَـلينَـه انْـواعْ .. أشكال الحكومات
محبسْ شَـذرْ وانّـوب .. لحيَـه الزَعاماتْ
***
مـن الجـِدَمْ للراس .. لـَـفَّــوْ المَـرأه
تگعد على الكرسي عيبْ .. سَموهَه عَورَه
***
لحْـيَـه اوشـَـعَـرْ مَحلوق .. من الكَـَـبائرْ
يـبْچي البَـلـَـدْ وايـلوعْ .. وابأمرَه حايرْ
***
رَبَّـتْ چثيرَه اشْـرارْ .. أمريكه والغَربْ
ذَبْـح او تعَدي اوخوفْ .. والباقي بالغيبْ
***
كلما أشوفْ الصارْ .. تـلزَمني رَجْـفَـه
خَـرْبوْ بَلـَـدْنه اشرارْ .. ياهو اليِـنصْفَـه
***
يذْبَحْ وايسَيحْ ادمومْ .. ابْحوريَّه يحلـَـمْ
كافـرْ عَميـل ارهاب .. متحَـنّي بالدَمْ
***
صلـّـبـَـوْ يَسوعْ اليومْ .. كـتْـلوه الحسينْ
نَـفـسْ الزَمَنْ يـنعادْ .. كل حَفـنَة اسنينْ
***
رشَّـوْ عَـلينَه اسمومْ .. طـَـشَّـوْ ضَعَـنّه
هالنوبَـه للإرهابْ .. باعَـوْ وَطـَـنـَّـه


1 / تموز / 2014
ســــــــــــتوكهولم


غير متصل George Korial55

  • عضو فعال جدا
  • ***
  • مشاركة: 140
  • الجنس: ذكر
  • الرب راعيّ فلا يعوزني شيء
    • مشاهدة الملف الشخصي
    • البريد الالكتروني
بغداد العزيزه اجناب .. رادَت سبيهَه
ما تـغْـمَـضْ العينينْ .. أسمَعْ بچـيهَه
***
دجله اوفراتْ إيلوعْ .. من كثر ما بيه
عَـنْ الشـَـبابْ الراحْ .. يا أمَّـه سأليه

جَوي ابقطارْ الشومْ .. ذبحَوْ شَـعَـبْـنَـه
ابْـنـَـفـسْ القطار اليوم .. قَسـمَوْ وَطنـَّـه

جاكــمْ قِـطارْ الشـومْ ..ركـّابَـه ركابْ
راح الوطن يا ناس .. گصّوهَه لرگابْ
***
تبچي الحضاره اتصيحْ .. سـومَـرْ اوآشورْ
إنـباعْ العراق اليومْ .. حُـفْـروهَـه الگبـورْ
***

شكرا سيدة ميسون على الكلمات الرائعة.. تحياتي لشخصك الكريم

جورج العراقي
[/b][/color][/size]
جورج العراقي

غير متصل Sound of Soul

  • الاداري الذهبي
  • عضو مميز متقدم
  • *******
  • مشاركة: 13100
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php/board,53.0.html

عاشت الايادي

http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل ميسون نعيم الرومي

  • عضو فعال جدا
  • ***
  • مشاركة: 766
    • مشاهدة الملف الشخصي
    • البريد الالكتروني
الى الأخوة في الوطن الأفاضل
 Sound of Soul...George Korial55
تحية عطرة
لكم كل الشكر على مروركم الكريم الذي اسعد به وافتخر
متمنية لبلدنا اجتياز هذه المحنهة الصعبة بسلام فقد هدهه الألم ومحن السنين على طول الزمن
دمتم اعزاء
ميسون نعيم الرومي