اخوان .... اللي تبدأ بالرقم IZ-203XXX ؟؟؟ ارجو التسجيل للمتابعة

[فايرفوكس22]

السلام عليكم اخوان...

اذا امكن اللي ملفاتهم بالرقم IZ-203XXX يقوم بالتسجيل لغرض للتواصل والمتابعة؟؟؟
اني مقدم بشهر الثالث 2014
 حالة الملف - فعال 
ولهسة ما مقابل 

بالحقيقة اجتني الفكرة من خلال املواضيع اللي طارحيهة الاخوان بالمنتدى واشوفهة فكرة كلش حلوة ....

[فتى المدينة]

اني رقم الكيس IZ-202XXX تقديم 19/12/2013 لحد الان انتضار النتيجة
نصبر والله كريم

[ام الجود]

ايصير انظم وياكم لو لا 
رقمي 146
تقديم 21-7-2013
كيس نمبر 31-10-2013
الملف فعال 
والى هسه كلشي ماكوووووووووو
                                                                   وشكرا لكم 

[فايرفوكس22]

اهلا وسهلا بالجميع ... الاخوةو الاخوات .....

هي الفكرة اساسها انه التعاون والمتابعة .... حتى كل واحد يعرف وين وصل الملف مالته ويتاكد انه ماشي صح .... وبنفس الوقت نستفاد من النصائح وخبرات الاخرين 

اهلا وسهلا بالكل

[Auoob81]

السلام عليكم اني IZ-141XXX
التقديم 2008
استلمت الاي زت 1-8-2013
الملف فعال من تاريخ 1-6-2014

[haydervip]

السلام عليكم ..........
رقم الكيس  IZ-147XXX
تقديم 2013
حالة الملف  انتضار النتيجة   بسبب تاكيد العمل
وبعد ليهسة كلشي ماكو لا مقابلة ولا شي لا هاي هية سافرنة ................................................................................

[‗_ღ الحائر ღ_‗]

 بعد اتحية والسلام  اخواني لاعزاء اني انطوني رقم  يبداiz-2015 هل تقبلوني بالنظمام اليكم علما اول مبديت اراسل المنضمة نهاية 2010وكان جوابهم توصية واني ماهندي توصية لان كلمن راح الحالة وسافرو شركة واشنطن بالخضراء واليحصلي توصية بعد احسن  عموما  بعد معاناة ورسائل مضلومية متكررة من 2011 ولحد هسة ميفوت شهر اذا مادزلهم رسالة واخيرا30بشهر6 سنة2014فاجئوني بنمبر كيس فما عرف صحيح لو يقشمرون علي  ارجو مساعدتكم ووشكرا

[abo adm]

اخوية العزيز صاحب الموظوع
شكرا جزيا على انشاء هذا الكروب للتواصل بيناتنا 
اني رقمي يبدي 203xxx والملف فعال بس لامقابلة ولا اتصال علما اني مقدم شهر 12 2013 والله كريم
تحياتي للجميع





ابو ادم

[فايرفوكس22]

اهلا وسهلا بكل اللي انضموا الى المجموعة ..... و طبعا باي رقم لانه احنة لازم نتواصل ونكون متعاونين 

[فايرفوكس22]

الله يساعدهم ... يبين مفعول الحباية مالتهم قوي بحيث صارلنة بس انتظار اكثر  من 6 اشهر .. اخوان اللي عندة خبر جديد يفيدنة بيه ... مقابلة او اتصال ؟؟؟ تحياتي الكم واتمنى للجميع التوفيق ...

للسلام و الرفع

[ابراهيم كرادة]

السلام عليكم اخوان اني تقديم 21-07-2014 واجاني كيس نمبر 07-08-2014 دزيت رسائل التوصية قدمت عالموقع قبل يومين  لحد هسة مااكدوا الاكاونت مالتي والله كريم

[ابراهيم كرادة]

مثل ماكلتلكم اخوان  اني الكيس نمبر IZ-206XXX  المنظمة رسلولي انه محتاجين مني اثبات العمل واني دزيت خطاب التوصية اللي بيه المدة وطبيعة عملي والمسؤول الامريكي دينتظر يتصلون بيه فما اعرف شوكت يتصلون بيه ويفضوني

[‗_ღ الحائر ღ_‗]

up

[A.N.N]

اني الكيس نمبر مالتي IZ-147XXX استلمت الكيس 30 / 1 / 2014 ولحد الان حالة الملف بانتظار النتيجة
اللة كريم ..

[فايرفوكس22]

للرفع THUMB UP

[فايرفوكس22]

للرفع THUMB UP

[ام الجود]

146              لحد الان لاجديد                                              

[اسعد العراقي]

الكيس نمبر يبدأ iz-203 ارسلت تاكيد العمل ولحد الان لايوجد جواب

[lhbebe]

203 ورادو تاكيد عمل لكيت السوبرفايسر ودزيتلهم ايميله قبل اسبوع ومنتظر

[فايرفوكس22]

بلا زحمة عليك lhebebe  بيا تاريخ طلبوا الكتاب من عندك ؟ وشوكت رسلتة الهم ؟

[the-rock]

السلام عليكم اخوان واخوات اني هم طبكت عالسرة وياكم اليوم استلمت كيس نمبر iz-207xxxxx وياهن رمز HH ما ادري شنو يعني معناها بس اني شلون اطب للكيس نمبر مالتي وشلون اراسلهم على اساس هذا الكيس نمبر ممكن تساعدوني بهاي الشغلة واكون ممنون منكم عسى الله ان يسهل اموركم وامورنا ويفرجها علينا جميعا.

[اسعد العراقي]

اشو ماكو لاحس ولا خبر

[‗_ღ الحائر ღ_‗]

لحد هسة ماكو جديد بس اتصلو بيه بدايه شهر التاسع 2014وغيرولي النمبر كيس وفعلت ملفي طلع فعال وعدد لاسرة وبعد صنطة

[mark o]

تحياتي الى كل اعضاء عين كاوة ولفايرفوكس . عيوني انا تقديم شهر 3/ابريل/2014 وحصلت كيس نمبر  28/5/2014 . طلبوا مني تأكيد عمل وراسلت العريف المسؤل ال POC وارسلي رسالة ملبلبة . وبدوري ارسلتها الى ال IOM  بتاريخ 18/8/2014.. وبدورهم ردولي رسالة بعد 13 يوم بتاريخ 1/9/2014  تقول الرسالة
(لقد تم تحويل رسالتك الى القسم المختص وسوف نقوم بمساعدتك ) ولحد الان الملف بأنتظار النتيجة والله كريم. واني ما عندي وجل سنة او اربع سنوات عايش حياتي طبيعي ولا كانه مقدم للهجرة اذا تبقى شايل هم تشبع قهر.. اذا كل الاعضاء يسوون هيج راح يبقى بالهم مرتاح وتخلص بسنة بس اذا تبقى حاط عينك على الايميل والملف  وجاك الذيب وجاك الواوي ماراح تكضة وتحياتي للطيبين وتقبل مروري اخ فاير فوكس.

اتصير سوالف

[فايرفوكس22]

السلام عليكم اخوان ... شنو الاخبار هل من جديد احد اجاه اتصال او شي ... حبيت نفعل الجمعية من جديد مع عودة المقابلات... ان شاء الله نتواصل من جديد ارجو المشاركة والبقاء على تواصل اللي فهمتة من احد الاخوان بالمنتدى انه واصلين لرقم iz-202XXX لهذا ان شاء الله ما بقى شي على الموعد والاتصالات واذا احد اجاه اتصال ارجو ان لا يبخل على المجموعة وشكرا الكم جميعا

[فتى المدينة]

اخوية العزيز صاحب الموظوع
شكرا جزيا على انشاء هذا الكروب للتواصل بيناتنا
اني رقمي يبدي 203xxx والملف فعال بس لامقابلة ولا اتصال علما اني مقدم شهر 12 2013 والله كريم
تحياتي للجميع
ابو ادم الغالي. شنوهلصدفة اني وياك نفس تاريخ التقديم بس الفرق بيناتنه رقم الكيس اني 202xxx وانت   203xxx انشاء الله نقابل سوية كول امين..





ابو ادم

[AbooReem]

السلام عليكم
رقم الكيس 211xxx  وقدمت في 31/10/2014  الملف بانتظار النتيجة
مقابلة المحلفين  فعال  لكن المقابلة الاولى غير فعال
الفحص الطبي   فعال
التجييك الامني   بالانتظار
حالة السفر   بالانتظار

[abo adm]

تحية طيبة
الى الان كلشي ماكو بس اتصال واحد بتاريخ 14-2
الله كريم وربي يسهل على الجميع



ابو ادم

[wamedh77]

اني هم وياكم 203xxx ملف فعال صار اكثر من 6 اشهر 6 مرات اتصال وعود فقط بس الي افتهمتة حاليا اكثر شي يقابلون سنكل يعني بدون عائلة

[اسعد العراقي]

اني من جماعة ****iz-20
الملف:انتظار النتيجة
المقابلة: الاولى غير فعال
مقابلة :المحلفين فعال
الفحص الطبي:انتظار
التجييك الامني:انتظار