سؤال عن طلب اللجوء

[lian]

مرحبا اخواني واخواتي بموقع عينكاوا المحترمين
احب ان ستفسر واشرح لكم قصتي



  فانا وصلت الى الولايات المتحة قبل شهرين ونصف وقمت بتقديم طلب اللجوء اسايلم وبع 10 ايام وصلني موعد البصمات وذهبت الى المكان المحدد وقت بعمل البصمات ومنذ ذلك الوقت لم احصل على اي اشعار بموعد المقابله ومضى على تقديمي 45 يوم علما اني اسكن بمدينة هيوستن ولاية تكساس ..ياحبذا لو اجد اي شخص قد قدم على اللجوء في ولاية تكساس وعن اي معلومات تخص مواعيد المقابلات وهل تتاخر لمدة اكثر واكيد اغلبكم يع فون العاناة والمصاريف بالغربة والتعب النفسي وانا حائرة لا استطيع الرجوع وصعب الانتظار جدا جدا ياريت اسمع منكم ومنتجاربكم شكرا لكم

[nawara]

مرحبا يا اختي الله يفرج همج ويفرح كلبج امييين ..
بس حسب تجارب الاخوان بهل منتدى وكل شخص كتب قصتة ف هالشغلة تأخذ وقت هواية واكو بعض الاخوان طول سنة ولسةماكو اي خبر واكو ناس دينتضرون رحمة الله انتي اصبري والله كريم واهم شي كوني متفائلة والله يساعدج وانتي  حسبي  150 يوم .. وبعدها تكدرين تقدمين على عمل حتى يساعدج بمصاريف عيشتج والله كرييم .. اتمنى اكون افدتج ولو بشي بسيط  

[iraqi2000]

عزيزتي ليان مرحبا وتحية طيبة انا ايضا اسكن في هيوستن تكساس وحاب اعرف معلومات عن هالموضوع وتفاصيل لان اكو ناس عندي يريدون يسوو ان شالله بس اعرف شي جديد اكتبه هنا واحجي عنه وتتدللين وان شالله نكون متعاونين بي

[lian]

اشكركماخواني على الردود والله اني بحيرة من   امري

[مغترب في الولايات]

اختي السالفه مثل الركيه انتي وحظج ممكن شهر ممكن سنه - بس بعد 150 يوم فدمي على عمل وهمين أطول حدود الشهرين - كل شي يهون لان الواحد يضمن مستقبل وكلنه على نفس الحال والوضع يختلف من ولايه اللا اخرئ

[nawara]

اختي ليان اؤل شي انا بنت ههه .. 
 ثاني شي الله يسهل امرج ولتحتارين خلي ثقتج بربنا جبيرة  .. بس  عندي سؤال انتي جايه امريكا لوحدج لو مع اهلج ؟  وساكنه يم كرايبج لو وين ؟؟ وشكرآ

[lian]

شكرا عزيزتي اني عندي اقارب وكعدت  قريب منهم وياية اطفالي بس

[nawara]

تدللين اختي . بس حبيت اعرف سعر اﻷيجار  وشكد اخذتي ؤياج فلؤس من طلعتي من العراق ؟!؟!

[lian]

حبيبتي ان شالله فترةوتنفتح السفارة هي كلما يصير وضع  موزين تنسد وراها بفترة  تنفتح المهم انتي حاولي شكواوراق تثبت رجوعج للعراق ارتباطج بيت عقار فلوس بالبنك واذا دعوة من شخص بامريكا اصلا ماييريدون منج اي اثباتات اخرى هم كل مشكلتهم وين رح تكعدين  ومنو يصرف عليج فاذا اقارب عندج دعوة منهم مايناقشون بيها اساسا ..
المبلغ الي تكدرين تطلعي هو 10000 دولار فقط وطبعا حاولي اقل لانمن توصلين للمطار رح يستفسرون منج عن اي شي عندج ذهب فلوس وليش مدخلتها مثلا يتصورون رح تبيعيها او للتجارة فانتي احجي الصراحةوقدري مبلغ الذهب الي بيدج والفلوس وكتبي بالورقة الي تسلميها منهم بالمطار .والايجار مثل ماكتبتلج التفاصيل على الخاص هو حاليا 860 غرفتين مااكولج العيشة رخيصة هنا لا نوعا ما كلشي بحسابة  بسس تختلف من مجمع لمجمع وخصوصا بهيوستن اكثرهم ادارة المجمعات مكسيكان فتشوفين بكيفهم قوانينهم على مزاجهم ناس تقبل تاجرلج وبسعر زين بس تلكي مجمع موزين وبي جرائم ومجمعات تريد منج الا انكوم وثلاثة اضعاف الايجار بس تلكي مجمع امين ونظيف وهم بحسابه اكومجمعات المي عليهم مثلا بس اني المجمع الكعدت بي اجتني اليوتلتي بيل ماشاء الله المجاري حاسبيها ب 19  دولار والتراش ب6 دولارات ووووووالمهم رغم هذا كله دنحاول نتحكل لخاطر اطفالنا مااكولج المساله سهله لا ابدا بس رب العباد ماينسى عبدة ومهما تكون هنالك معاناه  بالغربة والوحدة المهم واحد يامن على اطفاله من وضع العراق واي شي تحبين ساليني ..وتدللين

[Rasha2002]

صباح الخير
عفيه هو اني هذا اللي ادور عليه ودايخه بي بانه اقدم لجوء داخل امريكا وبهيوستن عفيه ارجو من الاخت ليان او اي احد يعرف اسم محامي شاطر بهيوستن حتى اقدم لجوء واخت ليان ممكن ادكوليلي بانه الاطفال يدخلوهم مدرسة عادي او لا واني حبيت اسال اذا عندج معلومه بانه اذا وحده حامل ومقدمة لجوء داخل امريكا ميساعدونه بالمراجعة الاطبيبه والولاده واكون شاكرة الكم جهودكم وياربي يسهل امركم

[Laith82]

اختي ليان سﻻم عليكم وربي يفرج عليج 
سؤال بﻻ زحمه عليج حول ترجمه الهويات والوثائق قبل تقديم اللجوء... كيف ترجمتيهم  وهل ترجمة العراق معترف بيها لو ﻻ وهل يجب ان تكون مصدقه؟

[lian]

حبي رشا كيف الصحة
بالنسبة للمحامي اني قدمت بلا محامي لان ماكدر ادفع تكاليف هواية والي افتهمتة ماياثر المحامي مجرديملي الاستمارة وحتى بالمقابله مايجي وياج فعلى شنو هالخسارة وبعد يم الله ماعرف وبالنسبة للاطفال يسجلوهم مدارس وهمة الممنونين وعلى جواز السفر فقط بس يطلبون منج انوتسويلهم لقاحات وتروحين تسويلهم لقاحات مجانا بس اوصيج شي مهم تجيبين للاطفال
1-دفاتر اللقاحات

2-شهادات الميلاد
وتروحين على طبيب شويةزين بالعراق اذا عرف تنطي  دفتر لقاحاتهم وتخلي يترجمة ويوقع عليه بدون ختم لان مايحتاج وميسالون بس يريدون اللقاحات بالانكليزي واذا سويتي هاي الشغلات  ثاني يوم يداومون مدرسة لتتاخرينمثلي لان مجنت مترجمةدفتر لقاحاتهم ماادري بهالشي وميخلوهميداومون الا يكملون لقاحات
(ترجمة دفتر اللقاحات الاطبيب لان مكاتب الترجمة مايترجموه)
اما شهادات الميلاد مالتهم كلش ضرورية من اتقدمين المعاملة واترجميها طبعا الكلام لحضرتج وللاخ ليث الترجمة اونلاييين ومعترف بيها

من هذا الموقع
www.rev.com
 والدفع بالكارد
واي شي تحبين تسالين ساليني شكو وراية كاعدة انتظر رحمة الله وادعولي الله عليكم لتنسون

[Rasha2002]

صباح الخير اخت ليان
وعاشت ايدج وياربي يجعلة بميزان حسناتج ياربي اوكي احاول اترجمه من طبيب ومتعرفين اذا وحده حامل يساعدوة بالمراجعه للدتور او بالولاده لو متعرفين والمحامي مسامعه عن واحد
والاوراق اللي مترجمه اجيبه 1- عقد الزواج 2-+ شهادتة الجنسية العراقيه 3-وبعد شنووووو ماعرف اذا ممكن تذكريلي واكون ممنونه منج وياربي تسهيل امرج
طبعا اني سالت يكولون كالفيورنيا اسرع تنطي مواعيد من هيوستن بس ماعندي حل لازم اروح هيوستن لانه اقاربنه هناك

[lian]

عقد زواج هويات اذا موظفة وهويات احوال مدنية وشهادات ميلاد الاطفال وشهادة الجنسية

[lian]

وعن المحامي صدكيني مااعرف هنا اي محامين بس اكو واحد فلسطيني اتصور محامي وعدهم مكتب كلش يساعد روحيله يفهمج شسوين هذا رقمة
8325128848
عدهمترجمةويلزمون قضايا لجوء  يجوز يفيدج اني بس خابرتة استشاريتة وهم فهمني كم شغله مجانا الله ينطي الصحة بس انتي اذا متكدرين تقدمينوحدج روحيله قدميبمكتبهم بس اكيد بيها اجور ماعرف شكد
عن الحمل طبعا اني سامعة انو الحامل ينطوها ميديكد لحد الولادة بس ممجربه ليش اكولج بس من تجين سالي بالمستشفى لان اني واطفالي حاليا بدون ميديكد شكد سالت كالو مايصير والله يوفق الجميع

[Rasha2002]

صباح الخير
اشكرج اخت ليان والله يوةفقج ويسهل امورج حبيبتي اكيد راح اتصل عليه واساله
والحامل زين ينطوة مديكيت لانه جنت خايفه مصوره مينطوه اي شي مادام بعده ممحصله لجوء
ياربي التوفيق للجميع

[Alnagash]

]السلام عليكم للجميع ... وبالاخص صاحبة السوال التي اتمنى التوفيق وتيسير الامور لها ...
اذا ممكن اذا عندج معلومة واكون شاكرة الج ....اني عندي اختي راح اسويلها دعوة زيارة هي واطفالها (مثل حالتج تماما) وهي رسالة ببرنامج الوورد اتكفل بكل المصاريف والحتياجات الخاصة بيها اثناء زيارتها لامريكا ..اذا اجتي وقدمت لجوء من داخل امركا ممكن هذا  التعهد ياثر عليا بالمستقبل عند الرغبة باخذ الجنسية الامريكية لان اني لحد الان بس عندي فقط كرين كارت ؟؟؟؟؟؟ اخاف من يجي وقت التجنيس يقوقولي انت اتكفلتي بيها وساعدتيها بالفيزا السياحية وهي ما التزمت بالفيزا وقدمت لجوء !!!!!!!ياريت جواب من واقع تجربتج اكيد لان معتمد عليخ مصير ناس ...واني من كل قلبي اريد اساعد ...بس اخاف هاي الشغلة تاذيني بالمستقبل وتسويلي مشاكل..
شكرا الج مقدما

[nawara]

لیش متسويلها لم شمل هيه مو اختج¿¿¿¿

[FIVE-STAR]

تحياتي لكم جميعا، متاثر أي شى ولا راح يسؤلون و تنجنسين بدون مشاكل، لانه انت قمت بدعواتها للزيارة اما تقديم للجوء فهذا خاص بيها واي تبعات قانونية أو مادية راح تكون خاصة بيها واذا لاسامح الله أخذت رفض أو طرد فهذا يكون لها فقط. بالموفقية

[Alnagash]

NAWARA >>>>> انا حايا فقط عندي قرين كارت ولا يحق لي لم شمل للاهل الا بعد حصولي على الجنسية ...
 FIVE STAR>>>>>> شكرا للرد ويا رب الله يسهل امورج ....طمنتيني 

[lian]

عزيزتي اسفة على تاخري بالرد بس الاخوة جاوبو وماعتقد بيها مسؤليه عليج الله يسهل للجميع

[targaryen]

زين سؤال اني احد اقاربي رفض يدزلي دعوة بحجة كلي مادام انت مقدم على un واني جيت وطبيت لامريكا

وقدمت على لجوء وحطيت محامي لان اسمك ب un  فهل هذا كلام صحيح لو بس يريد يظلمهة بوجي ؟؟

وشكرا لكم

[Mahmood shakir]

السلام عليكم  اخواني ... انا نفس حالتكم عندي فيزا سياحيه وقررت اطلب لجوء من داخل امريكا ..لكن محتار اتصلت بمحامي وطلب مني 5000 دولار بفلوريدا .. المحامي شاطر لكن قال حسب القضيه مالتك ما اعطيك ضمان ميه بالميه لكن احنه راح نقيم قضيتك ونكون وياك بيوم المقابله .. اخواني نصحنوني اجي  اقدم لو لا .. صحيح المساله  تاخذ وقت لكن اتمنى  اكو نتيجه  .. محتار يا ناس 

[dole79]

اخت ليان يسهل عليج الله الخاطر الاولاد 

[dole79]

السلام عليكم  اخواني ... انا نفس حالتكم عندي فيزا سياحيه وقررت اطلب لجوء من داخل امريكا ..لكن محتار اتصلت بمحامي وطلب مني 5000 دولار بفلوريدا .. المحامي شاطر لكن قال حسب القضيه مالتك ما اعطيك ضمان ميه بالميه لكن احنه راح نقيم قضيتك ونكون وياك بيوم المقابله .. اخواني نصحنوني اجي  اقدم لو لا .. صحيح المساله  تاخذ وقت لكن اتمنى  اكو نتيجه  .. محتار يا ناس

اخي العزيز اتوكل على الله وسافر وقدم ولا تترد يمعود فرصة ذهبية تجي مرة بالعمر لازم اتجرب حظك ليش تبقة محتار جازف حتى لا تبقة محتار والله يوفقك ان شاء الله

[حسن عدنان]

حبيبي دول انت امبين عليك اتحب اتغامر خخخخخ
اني اكول رتب قصة حلوة وروح واتوكل على الله

[dole79]

حبيبي دول انت امبين عليك اتحب اتغامر خخخخخ
اني اكول رتب قصة حلوة وروح واتوكل على الله

اخوية حسن اني غسلت ايدي من العراق وما مستعد ابقة بيه بعد كافي 

[alzandawi]

أخت ليان الله يسهل بس الشغلة تأخذ وقت اني صارلي سنه وكل شئ ماكو ومثلج ويايه أطفالي اختج. الزنداوي 

[حسن عدنان]

اي والله يا اخوية دول
العراق بعد مينعاش بي
صارت الوضعية لا تطاق

[hero2]

اخت ليان
بشرينا شنو صار من طلب اللجوء قابلتي لو بعد؟ الله يسهل عليكي

[عباس التميمي]

تحتاج صبر

[lian]

اخوان الموضوع مو بالسهوله الي جنت متوقعتها لان اني قابلت وكلش اجوبتي جانت ممرتبه والمحقق جان كلش موزين وغلطتي لان سمعت كلام الناس وبدون محامي والمترجم مخربط وكلش ضجت من الوضعية طلعت اللدمعة بعيني وهذا المحقق معروف عنه ينطي رفض وكعت بيدة من بين كل العالم واني عندي اطفال ومدارس وهسة ماعرف شرح يصير ولا اوراق العمل من شهر العاشر مقدمة يكولون تطول خمس اشهر. شغله الاسايلم موسهله يااخوان لاتسمعون الحجي والمحامي ضروري جدا واني تجربتي كدامكم والله الليل ماانامة هلكد ماخايفة واكول شيرجعني للعراق بهالوضع والاطفال شلون

[alzandawi]

الله كريم رحمه الله واسعه بأي ولايه انت وره شكد أجاج موعد مقابله أخت ليان

[final port]

الاخت ليان
اني متابع موضوعك
انتي عبرتي الصعب وتأقلمتي مع المجتمع وانسي الماضي او الرجوع للعراق
اكو خطوات لاحقة ممكن تاخذيها حسب نتيجة المقابلة وممكن تستعيني بمحامي لاحقا لتصويب وضعك
وامنياتي لك بقبول الاساليم من هذه المقابلة

[dole79]

اخوان الموضوع مو بالسهوله الي جنت متوقعتها لان اني قابلت وكلش اجوبتي جانت ممرتبه والمحقق جان كلش موزين وغلطتي لان سمعت كلام الناس وبدون محامي والمترجم مخربط وكلش ضجت من الوضعية طلعت اللدمعة بعيني وهذا المحقق معروف عنه ينطي رفض وكعت بيدة من بين كل العالم واني عندي اطفال ومدارس وهسة ماعرف شرح يصير ولا اوراق العمل من شهر العاشر مقدمة يكولون تطول خمس اشهر. شغله الاسايلم موسهله يااخوان لاتسمعون الحجي والمحامي ضروري جدا واني تجربتي كدامكم والله الليل ماانامة هلكد ماخايفة واكول شيرجعني للعراق بهالوضع والاطفال شلون

اختي ما اعتقد فات الوكت ولا يهمج حطي محامي حرامات صبرتي اهوية واني كتلج من البداية بس ميخالف ان شاء الله تسهل عليج وبالتوفيق

[ابو زبن1985]

اختي ليان ندعو من الله بان الله يفتحها بوجهج ويتيسر امرج ... طمنينا عن وضع قضيتج؟